பிக்பாஸ் 10 எப்போது? விஜய் சேதுபதியுடன் காத்திருக்கும் புதிய சர்ப்ரைஸ்!

தமிழ் தொலைக்காட்சி ரசிகர்களிடம் மிகப்பெரிய வரவேற்பைப் பெற்ற ரியாலிட்டி நிகழ்ச்சிகளில் ஒன்றான பிக்பாஸ், தனது 10வது சீசனுடன் மீண்டும் ரசிகர்களை சந்திக்கத் தயாராகி வருகிறது.

இந்த சீசனையும் நடிகர் விஜய் சேதுபதி தொகுத்து வழங்க உள்ளார். நிகழ்ச்சி எப்போது தொடங்குகிறது, இதில் என்னென்ன புதிய அம்சங்கள் இடம்பெற உள்ளன என்பது குறித்த சில தகவல்கள் இணையத்தில் கசிந்து தற்போது வைரலாகி வருகின்றது.

பிக் பாஸ்

தமிழ் நிகழ்ச்சியின் முதல் ஏழு சீசன்களை நடிகர் கமல்ஹாசன் தொகுத்து வழங்கி, நிகழ்ச்சியை மிகப்பெரிய வெற்றிப்பாதைக்கு அழைத்துச் சென்றார். அதன் பிறகு, 8வது சீசன் முதல் நடிகர் விஜய் சேதுபதி தொகுப்பாளராக பொறுப்பேற்று, தனது தனித்துவமான பேச்சு நடை மற்றும் அணுகுமுறையால் ரசிகர்களின் பாராட்டைப் பெற்றார்.

இதனால், அவரின் தொகுப்பில் ஒளிபரப்பாகும் 10வது சீசனுக்கும் ரசிகர்கள் மத்தியில் அதிக எதிர்பார்ப்பு உருவாகியுள்ளது.

சண்டை, சர்ச்சையைத் தாண்டிய மனித உணர்வுகளின் விளையாட்டு பிக்பாஸ் நிகழ்ச்சி என்றாலே சண்டை, வாக்குவாதம், சர்ச்சைகள் என பலருக்கு முதலில் நினைவுக்கு வரும்.

ஆனால், அவற்றைத் தாண்டி பல்வேறு பின்னணிகளைச் சேர்ந்த மனிதர்கள் ஒரே வீட்டில் இணைந்து வாழும்போது உருவாகும் உறவுகள், உணர்வுகள், மனநிலைகள் மற்றும் குணாதிசயங்களை வெளிப்படுத்தும் சமூகப் பரிசோதனையாகவும் இந்த நிகழ்ச்சி பார்க்கப்படுகிறது.

251 வைரங்களுடன் அசத்தல் வாட்ச் அணிந்து திருமண விழாவில் கலக்கிய ஜான்வி கபூர்! விலை எவ்வளவு தெரியமா?

போட்டியாளர்களின் பொறுமை, தலைமைத்திறன், முடிவெடுக்கும் திறன் மற்றும் மனிதநேய அணுகுமுறைகளை வெளிக்கொணரும் நிகழ்ச்சியாகவும் பிக்பாஸ் தனித்துவம் பெற்றுள்ளது.

'பிக்பாஸ்: காமன் மேன் ஷோ'

புதிய முயற்சி

பிக்பாஸ் 10-க்கு முன்னதாக, 'பிக்பாஸ்: காமன் மேன் ஷோ' என்ற புதிய வடிவிலான நிகழ்ச்சி அறிமுகப்படுத்தப்பட உள்ளது. இதில் பொதுமக்களிலிருந்து தேர்வு செய்யப்படும் போட்டியாளர்கள் 15 நாட்கள் ஒன்றாக தங்கி, பல்வேறு டாஸ்குகளில் பங்கேற்று போட்டியிடுவார்கள்.

இறுதியில் வெற்றி பெறும் ஒருவருக்கு, நேரடியாக பிக்பாஸ் சீசன் 10 வீட்டிற்குள் போட்டியாளராக நுழையும் வாய்ப்பு வழங்கப்பட உள்ளது. இது நிகழ்ச்சியில் ரசிகர்களின் நேரடி பங்கேற்பை அதிகரிக்கும் புதிய முயற்சியாக கருதப்படுகிறது.

பூச நட்சத்திரத்தில் சூரியன் சஞ்சாரம்: நிதி நிலையில் டாப்புக்கே செல்லப்போகும் 3 ராசிகள்!

பிக்பாஸ் சீசன் 10 எப்போது?

வழக்கமாக குக் வித் கோமாளி நிகழ்ச்சி நிறைவடைந்த பிறகே பிக்பாஸ் புதிய சீசன் தொடங்குவது வழக்கம். அதேபோல், இந்த ஆண்டும் அந்த நடைமுறை தொடரும் என்று எதிர்பார்க்கப்படுகிறது.

தற்போது வெளியாகியுள்ள தகவல்களின் படி, பிக்பாஸ் தமிழ் சீசன் 10 செப்டம்பர் 6ஆம் தேதி தொடங்கும் என கூறப்படுகிறது. இருப்பினும், இதுகுறித்த அதிகாரப்பூர்வ அறிவிப்பு இன்னும் வெளியாகவில்லை.

இந்த சீசனின் சிறப்பம்சங்கள் 10வது சீசனையும் விஜய் சேதுபதி தொகுத்து வழங்குகிறார். 'பிக்பாஸ்: காமன் மேன் ஷோ' மூலம் தேர்வாகும் ஒரு பொதுமக்கள் போட்டியாளர் நேரடியாக பிக்பாஸ் வீட்டிற்குள் நுழைய உள்ளார். புதிய டாஸ்குகள், எதிர்பாராத திருப்பங்கள் மற்றும் வித்தியாசமான போட்டியாளர்கள் இடம்பெறலாம் என ரசிகர்களின் எதிர்ப்பார்ப்பு வலுத்துள்ளமை குறிப்பிடத்தக்கது.