லங்காசிறி FM
மறைந்த இயக்குநர் இமயம் பாரதிராஜாவின் கடைசி நடிப்பு ‘புலவர்’ : ரிலீஸ் எப்போது?
மறைந்த இயக்குநர் இமயம் பாரதிராஜா நடித்த கடைசி திரைப்படமான ‘புலவர்’ எப்போது திரையரங்குகளில் வெளியாகும் என்ற எதிர்பார்ப்பு ரசிகர்கள் மத்தியில் அதிகரித்துள்ளது.
இயக்குநர் இமயம் எனப் போற்றப்படும் பாரதிராஜா (84), ஜூன் 10 ஆம் திகதி காலை சென்னை நீலாங்கரையில் உள்ள அவரது வீட்டில் உடல்நலக் குறைவு காரணமாக காலமானார்.
இயக்குநர் பாரதி ராஜா
1977 ஆம் ஆண்டு வெளியான ‘16 வயதினிலே’ படத்தின் மூலம் தமிழ் சினிமாவில் இயக்குநராக அறிமுகமானார் தான் பாரதி ராஜா. இவர் தமிழ் சினிமாவில் தனக்கென அழிக்கமுடியாத அடையாளத்தை உருவாக்கிக்கொண்டவர்.
ஏராளமான திரைப்படங்களை இயக்கியுள்ளார். தேசிய விருதுகளை வென்றுள்ளார்.அவருக்கு பத்ம ஸ்ரீவிருது வழங்கி மத்திய அரசு கௌரவித்துள்ளது. இவரின் மறைவு சினிமா துறைக்கு ஈடு செய்யவே முடியாத இழப்பு என்றால் மிகையாகாது.
இந்நிலையில், பாரதிராஜா நடித்த கடைசி திரைப்படமான ‘புலவர்’ எப்போது திரையரங்குகளில் வெளியாகும் என்ற எதிர்பார்ப்பு ரசிகர்கள் மத்தியில் அதிகரித்துள்ளது.
‘புலவர்’ திரைப்படம்
இயக்குநர் முருகய்யா இயக்கத்தில் உருவாகியுள்ள இந்தப் படத்தில் பாரதிராஜா முக்கிய கதாபாத்திரத்தில் நடித்துள்ளார். கடந்த ஆண்டு ஆகஸ்ட் மாதம், இப்படத்தின் முதல் பார்வை (First Look) போஸ்டரை இசையமைப்பாளர் ஏ.ஆர். ரஹ்மான் வெளியிட்டார்.அது இணையத்தில் பெருமளவில் கவனம் பெற்றது.
ரஷ்ய எழுத்தாளர் ஃபியோடர் தஸ்தாயெவ்ஸ்கியின் புகழ்பெற்ற நாவல் ‘குற்றமும் தண்டனையும்’ (Crime and Punishment) அடிப்படையாகக் கொண்டு இப்படம் உருவாக்கப்பட்டுள்ளதாக இயக்குநர் தெரிவித்துள்ளார்.
மேலும், ‘புலவர்’ திரைப்படம் நார்வே சர்வதேச திரைப்பட விழாவில் திரையிடப்பட்டு பாராட்டைப் பெற்றதும் குறிப்பிடத்தக்கது.
தற்போது படம் எப்போது திரையரங்குகளில் வெளியாகும் என்பது குறித்து ரசிகர்கள் ஆவலுடன் காத்திருக்கின்றனர். ஆனால் இதுவரை அதிகாரப்பூர்வ வெளியீட்டு தேதி அறிவிக்கப்படவில்லை. விரைவில் அதற்கான அறிவிப்பு வெளியாகும் என எதிர்பார்க்கப்படுகிறது.
இயக்குநராக மட்டுமல்லாமல் நடிகராகவும் தனித்துவமான முத்திரையை பதித்தவர் பாரதிராஜா. அவர் சமீபத்தில் ‘திருச்சிற்றம்பலம்’ திரைப்படத்தில் நடித்ததுடன், கடைசியாக மலையாளத்தில் மோகன்லாலுடன் இணைந்து ‘துடரும்’ படத்திலும் நடித்திருந்தது குறிப்பிடத்தக்கதது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
கைதடி, கொழும்பு, New York, Rochester, United States
10 Jul, 2026
கொல்லன்கலட்டி, மல்லாகம், Vancouver, Canada, Tooting, United Kingdom
14 Jul, 2011
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
Conflans-Sainte-Honorine, France, London, United Kingdom, Nanterre, France
01 Jul, 2026
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
