லங்காசிறி FM
கண்ணீருடன் பேசிய டிடி: என்ன நடந்தது?
சமீப காலமாக எந்த நிகழ்ச்சியிலும் பங்கேற்காமல் இருப்பதற்கான காரணத்தை தொகுப்பாளினி டிடி யூடியூப் சேனலில் பேட்டி ஒன்றின் மூலம் கண்ணீருடன் தெரிவித்துள்ளார்.
தொகுப்பாளினி டிடி
தொகுப்பாளினி டிடி விஜய் டிவியில் ஒளிப்பரப்பு செய்யப்பட்ட 'காபி வித் டிடி 'என்ற நிகழ்ச்சியில் மக்கள் மத்தியில் பிரபலமானார்.
இந்த நிகழ்ச்சியில் பல பிரபலங்களோடு டிடி அமர்ந்து அவர்களுடைய தனிப்பட்ட வாழ்க்கை மற்றும் சினிமா வாழ்க்கை அவர்கள் சந்தித்த சந்தோஷங்கள் மற்றும் துக்கங்கள் குறித்து ரசிகர்களுக்கு தெரிவிக்கும் விதமாக 'காபி வித் டிடி' நிகழ்ச்சி இருந்து வந்தது.
இவருக்கு எப்படி காபி வித் டிடி என்ற நிகழ்ச்சி கிடைத்தது? அவர் ஏன் சமீப காலமாக நிகழ்ச்சிகளில் இருந்து விலகி இருக்கிறார் என்று யூடிப் சேனல் ஒன்றிற்கு பேட்டி கொடுத்துள்ளார்.
அவ்வாறு அவர் பேசும் போது, 'காபி வித் டிடி நிகழ்ச்சி எனக்கு சுலபமாக கிடைக்கவில்லை எங்களுடைய சேனல் தரப்பில் இருந்து ஒரே ஒரு நாள் மட்டும் வேறொரு நிகழ்ச்சியை தொகுத்து வழங்க சொன்னார்கள்.
அப்போது நான், எனக்கு ஒரு புது நிகழ்ச்சி தாருங்கள். அதற்கு எனக்கு ஒரே ஒரு நாள் மட்டும் டைம் தாருங்கள்.
அது மக்களுக்கோ உங்களுக்கோ பிடிக்கவில்லை என்றால் அந்த நிகழ்ச்சியை நிறுத்தி விடலாம் என்று கூறினேன்.
இப்படித்தான் அந்த புது நிகழ்ச்சியாக காபி வித் டிடி நிகழ்ச்சி எனக்கு கிடைத்தது. இந்த நிகழ்ச்சி எல்லோருக்கும் பிடித்த நிகழ்ச்சியாக மாறியது.
ஆனால் நான் சமீப காலமாக பல நிகழ்ச்சிகளில் பங்கேற்காததற்கு காரணமாக இருந்த விஷயம், நம்முடைய உடல் நிலை சரியாக இருந்தால் தான் நம்மால் எந்த வேலையையும் இலகுவாக செய்ய முடியும்.
எம்மால் ஒரு விஷயம் முடியவில்லை என்றால் நாம் அங்கிருந்து வீசப்படுவோம். எனக்கு பத்து வருடங்களாக கால் முட்டியில் பிரச்சனை இருக்கிறது.
அதிகமான நேரம் நின்று கொண்டே தான் நான் ஆங்கரிங் செய்து கொண்டிருப்பதால் காலில் வலி அதிகமாகிவிட்டது.
அதற்கு முதலில் ஒரு ஆபரேஷன் செய்தேன். ஆனால் அது தவறாக செய்யப்பட்டதால் மீண்டும் எனக்கு வலி வந்து விட மீண்டும் அந்த இடத்தில் ஆபரேஷன் செய்ய வேண்டிய சூழ்நிலை வந்துவிட்டது.
இந்த காரணத்தினால் தான் நான் அதிகமான நிகழ்ச்சிகளில் பங்கேற்பதில்லை. உட்காந்து கொண்டே நிகழ்ச்சியை தொகுத்து வழங்க தொகுப்பாளர்களுக்கு அனுமதி வழங்கப்பட்டால் அவர்களின் உடல் நலமும் பாதுகாக்கப்படும்.
ஆனால் பலர் இந்த விஷயத்தில் யோசிக்கின்றனர். இதனால் தான் நான் சில நிகழ்ச்சிகளில் இருந்து வெளியேறினேன்.' என டிடி கண்ணீருடன் பேட்டியில் பேசியிருந்தார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP இல் இணையுங்கள் JOIN NOW |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
