லங்காசிறி FM
பிக்பாஸில் இருந்து வெளியேறிய சுனிதா.... ரவீந்தர் சொன்னது பலித்துவிட்டது
பிக்பாஸில் இருந்து எலிமினேட் ஆன சுனிதாவுக்கு தற்போது இணைத்தில் ரசிகர்கள் மத்தியில் பலத்த ஆதரவு குவிந்து வருகின்றது.
பிக்பாஸ் முதல் Eviction இல் மக்களிடம் இருந்து குறைவான வாக்குகளை பெற்று வெளியேறிய ரவீந்தர் பிக் பாஸ் வீட்டிலிருந்து வெளியேறும் போது சுனிதாவிடம் கூறிய விடயம் தற்போது உண்மையாகியுள்ளது.
பிக்பாஸ் சீசன் 8
பிரபல தொலைக்காட்சியில் மிகவும் பரபரப்பாக சென்றுக் கொண்டிருக்கும் நிகழ்ச்சி தான் பிக்பாஸ் சீசன் 8.
இந்த நிகழ்ச்சியின் கடந்த 7 சீசன்களை கமல் தொகுத்து வழங்கிய நிலையில், இந்த சீசனை விஜய் சேதுபதி தொகுத்து வழங்கி வருகிறார்.
தற்போது 5வது வாரத்தைக் கடந்துள்ள பிக்பாஸ் வீட்டில் கடந்த வாரம் 6 போட்டியாளர்கள் கூடுதலாக வைல்டு கார்டு மூலம் நுழைந்தனர்.
மறைந்த நடிகர் திலகம் சிவாஜி கணேசனின் பேரன் சிவக்குமார், பட்டிமன்ற பேச்சாளர் மஞ்சரி, ராயன், ராணவ், நாகப்பிரியா, வர்ஷினி ஆகியோர் வைல்டு கார்டு போட்டியாளராக களமிறங்கியுள்ளனர்.
பிக் பாஸ் வீட்டிற்கு புதிதாக வந்த போட்டியாளர்கள் பெரிதாக எதுவும் கண்டெண்டு கொடுக்கவில்லை என்றாலும் பழைய போட்டியாளர்களுக்கு சவால் ஆக இருக்கின்றார்கள்.
இந்நிலையில் கடந்த வார இறுதியில் பிக்பாஸில் இருந்து சுனிதா வெளியேறியிருந்தார். இது குறித்து இணையத்தில் பல்வேறு கருத்துக்கள் பகிரப்பட்டு வருகின்றது.
இந்நிலையில் பிக்பாஸ் வீட்டில் இருந்து வெளியேறியதும் தனது இன்ஸ்டாவில் 35 நாட்கள் என்பது எண்ணற்ற நினைவுகள் கொண்டது என்றும் வாழ்நாள் முழுவதும் நன்றி கடனாக இருப்பேன் என்று சுனிதா தனது முதல் பதிவை வெளியிட்டுள்ளார்.
பிக்பாஸில் இருந்து ரவீந்தர் வெளியேறும் தருணத்தில் வீட்டில் உள்ள ஒவ்வொரு போட்டியாளர்களுக்கும் ஒவ்வொரு வகையில் கருத்தை சொல்லியிருப்பார்.
அப்படி சுனிதாவிடம் பேசும் போது பிக்பாஸ் வீட்டில் இருந்து நீ வெளியேறினாலும் தழிழ்நாடு உன்னை நிச்சயம் கொண்டாடும் என கூறியிருப்பார். அது இப்போது நிஜமாகியுள்ளது.
பிக்பாஸில் இருந்து எலிமினேட் ஆனலும் எந்த போட்டியாளருக்கும் இல்லாத ஆதரவை சுனிதாவுக்கு ரசிகர்கள் கொடுத்து வருகின்றனர்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
