லங்காசிறி FM
120 கிலோவில் இருந்து 67 கிலோவுக்கு… நடிகை சரண்யாவின் எடை குறைப்பு ரகசியம் இதுதான்!
தமிழ் சினிமாவில் முன்னணி கதாபாத்திரத்தில் நடிக்காவிட்டாலும், ரசிகர்கள் மனதில் நீங்கா இடம்பிடித்த நடிகைகளில் ஒருவர் ‘காதல்’ சரண்யா. ‘காதல்’ படத்தில் நாயகி சந்தியாவின் தோழியாக நடித்ததன் மூலம் பிரபலமான இவர், தொடர்ந்து ‘பேராண்மை’ உள்ளிட்ட படங்களிலும் முக்கிய கதாபாத்திரங்களில் நடித்துள்ளார்.
ஆனால், தனிப்பட்ட காரணங்களால் ஏற்பட்ட இடைவெளிக்குப் பிறகு சரண்யாவுக்கு ஹார்மோன் சமநிலையின்மை, பிசிஓடி, ஹைப்போ தைராய்டு உள்ளிட்ட உடல்நலப் பிரச்சனைகள் ஏற்பட்டன.
இதனால் அவரது உடல் எடை 113 முதல் 120 கிலோ வரை அதிகரித்தது. இதன் காரணமாக பல்வேறு விமர்சனங்களையும் மனவேதனைகளையும் சந்தித்ததாக அவர் முன்பு வெளிப்படையாகப் பேசியிருந்தார்.
சரன்யாவின் எடை குறைப்பு ரகசியம்
இந்நிலையில், தனது உடல்நலப் பிரச்சனைகளை முறையாகக் கவனித்து, சுமார் ஒரு வருடத்தில் 35 கிலோவுக்கும் அதிகமாக எடையைக் குறைத்துள்ளார் சரண்யா. தற்போது சுமார் 67 கிலோ எடையுடன் இருக்கும் அவர், தொடர்ந்து உடற்பயிற்சி செய்து வருகிறார்.
தனது எடை குறைப்பின் ரகசியம் குறித்து சரண்யா கூறும்போது, “உடல் எடை அதிகமாக இருக்கிறது என்பதற்காக மட்டும் எடையைக் குறைக்க வேண்டாம்.
முதலில் உடல்நலம் முக்கியம்” என்கிறார். தனக்கு இருந்த தைராய்டு மற்றும் மாதவிடாய் தொடர்பான பிரச்சனைகளுக்கு மருத்துவர்களின் ஆலோசனையைப் பெற்று, தொடர்ந்து சிகிச்சை எடுத்துக் கொண்டதாகவும், ஊட்டச்சத்து நிபுணரின் ஆலோசனையுடன் உணவுமுறையை மாற்றியதாகவும் தெரிவித்துள்ளார்.
உணவுமுறையுடன் உடற்பயிற்சிக்கும் முக்கியத்துவம் கொடுத்த சரண்யா, தொடர்ந்து ஜிம்முக்கு சென்று வருகிறார். “எடை குறைக்கும்போது உடலில் தசைகள் தளர்வாக மாறாமல் இருக்க உடற்பயிற்சி அவசியம். அதை தவிர்க்கக் கூடாது” என்றும் அவர் அறிவுறுத்துகிறார்.
ஒருகாலத்தில் XXXL ஆடைகளை அணிந்த சரண்யா, தற்போது L–M அளவுக்கு வந்துள்ளார். இந்த மாற்றம் தனக்கு மிகப்பெரிய நம்பிக்கையை அளித்துள்ளதாகக் கூறும் அவர், முன்பைவிட தற்போது தன்னம்பிக்கையுடனும் மகிழ்ச்சியுடனும் இருப்பதாக தெரிவித்துள்ளார்.
சரண்யா மேலும் குறிப்பிடுகையில், எடை குறைப்பை விட, உடல்நலத்தைச் சீர்படுத்துவதுதான் முதன்மை. சரியான மருத்துவ ஆலோசனை, உணவுமுறை மற்றும் தொடர் உடற்பயிற்சி ஆகியவற்றின் மூலம் இந்த மாற்றத்தை தான் சாத்தியப்படுத்தியதாக குறிப்பிட்டுள்ளார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
புங்குடுதீவு 6ம் வட்டாரம், புங்குடுதீவு, கிளிநொச்சி, கொழும்பு, Crawley, United Kingdom
15 Aug, 2026
உரும்பிராய், மன்னார் முருங்கன், Markham, Canada, Drancy, France
21 Aug, 2026
