அவசரமாக மருத்துவமனையில் அனுமதிக்கப்பட்ட நடிகை- கணவர் கூறிய அதிர்ச்சி தகவல்

நெஞ்சுவலி என மருத்துவமனையில் அனுமதிக்கப்பட்ட நடிகை ராக்கி சாவந்திற்கு வேறொரு நோய் இருப்பதாக கணவர் தகவல் வெளியிட்டுள்ளார்.

ராக்கி சாவந்த்

கடந்த 1997ம் ஆண்டு வெளியான “அக்னிசக்ரா” என்ற பாலிவுட் படத்தின் மூலம் சினிமாவிற்குள் அறிமுகமாகியவர் தான் நடிகை ராக்கி சாவந்த்.

இதனை தொடர்ந்து சுடாலி நம்பர் 1, குருக்‌ஷேத்ரா, 6 டீன்ஸ், தம், சரத்குமார் நடித்த கம்பீரம், பைசா வசூல், ஏக் கஹானி ஜூலி கி உள்ளிட்ட திரைப்படங்களில் நடித்துள்ளார்.

திரைப்படங்கள் மட்டுமல்லாது தொலைக்காட்சி நிகழ்ச்சிகள், சமூக வலைத்தளங்கள் என அனைத்திலும் ஆக்டிவான நடிகையாக வலம் வருகிறார்.

இப்படியொரு நிலையில், தன்னுடைய கணவரை விவாகரத்து செய்து விட்டு காதலரை இரகசியமாக திருமணம் செய்து கொண்டார்.

இதன்போது எடுக்கப்பட்ட புகைப்படங்கள் சமூக வலைத்தளங்களில் சர்ச்சையை கிளப்பின.

பின்னர் சில காலங்களில் இருவரும் விவாகரத்து செய்யப்போவதாகவும் தன்னுடைய கணவர் மீது வேறுவிதமான முறைப்பாடுகளும் இருப்பதாக ராக்கி சாவந்த் ஊடகங்களில் பேசியிருந்தார்.

கணவர் உடைத்த இரகசியம்

இப்படி தன்னுடைய சொந்த வாழ்க்கையிலேயே பல சர்ச்சைகளுக்கு முகங்கொடுத்த ராக்கி சாவந்த், கடந்த சில தினங்களுக்கு முன்னர் நெஞ்சு வலி என மருத்துவமனையில் அனுமதிக்கப்பட்டுள்ளார்.

இதனை தொடர்ந்து பல செய்தி சமூக வலைத்தளங்களில் வைரலான நிலையில், ராக்கி சாவந்தின் முன்னாள் கணவர்- ரித்தேஷ் சிங், ராக்கி சாவந்திற்கு கருப்பையில் டியூமர் இருப்பதாக தகவல் வெளியிட்டுள்ளார்.

மேலும், இது தொடர்பான பரிசோதனைகள் மேற்கொள்ளப்பட்டு வருவதாகவும், அவர் சீக்கிரம் குணமடைய இறைவனை பிராத்திப்பதாகவும் அவர் பேசியுள்ளார்.

இந்த செய்தி சமூக வலைத்தளங்களில் தற்போது பேசும் பொருளாக மாறியுள்ளது.