13 ஆண்டுகளில் முடிந்த மீனாவின் திருமண வாழ்க்கை! மறைந்த கணவர் இவ்வளவு தங்கமானவரா?

நடிகை மீனாவின் கணவர் வித்யாசாகரின் திடீர் மறைவுக்கு திரையுலகினரும், ரசிகர்களும் இரங்கல் தெரிவித்து வருகின்றனர்.

நடிகை மீனா

நடிகை மீனாவின் கணவர் பெங்களூரைச் சேர்ந்த தொழிலதிபர் ஆவார். இவர்கள் இருவருக்கும் கடந்த 2009-ம் ஆண்டு திருமணம் நடைபெற்றது. இவர்களுக்கு நைனிகா என்கிற மகளும் உள்ளார்.

பொதுவாக நடிகைகள் திருமணத்துக்கு பின்னர் நடிப்பது என்பது சிரமமே. அந்த வகையில் மீனாவின் கணவர் வித்யாசாகர் மீனாவின் சினிமா கெரியருக்கு முற்றுப்புள்ளி வைக்காமல் தொடர்ந்து நடிக்க அனுமதித்தார்.

அதுமட்டுமின்றி அவர் தனது மகளான நைனிகாவையும் சினிமாவில் நடிக்க வைத்தார். இவ்வாறு மனைவிக்கும், மகளுக்கும் பெரும் துணையாக இருந்த வித்யாசாகர் திடீரென மரணமடைந்திருப்பது அவர்களது குடும்பத்தினரை பெரும் சோகத்தில் ஆழ்த்தி உள்ளது.

மீனாவின் கணவர் வித்யாசாகர் ஆந்திராவில் பிறந்தவர் ஆவார். ஆந்திராவில் பள்ளி மற்றும் கல்லூரி படிப்பை முடித்த அவர் பெங்களூருவில் ஐடி தொழில் செய்து வந்துள்ளார். நடிகை மீனாவை திருமணம் செய்த பிறகு தான் இவர் பிரபலமானார். 

நுரையீரல் தொற்று

நடிகை மீனாவின் கணவர் வித்யாசாகர் நேற்று இரவு காலமானார். இவருக்கு இதயம் மற்றும் நுரையீரல் பிரச்சனை இருந்து வந்துள்ளது. கடந்த ஜனவரி மாதம் மட்டுமின்றி கடந்த மார்ச் மாதமும் கொரோனா பாதிப்பு எற்பட்டுள்ளது.

இதையடுத்து அவரது நுரையீரல் பிரச்சனை தீவிரமாக செயல் இழந்தன. இதையடுத்து அவருக்கு நுரையீரல் மாற்று அறுவை சிகிச்சை செய்ய குடும்பத்தினர் திட்டமிட்டனர். 

ஆனால் அவருக்கு தேவையான உறுப்பு கிடைக்காததால் அவர் நேற்று இரவு சிகிச்சை பலனின்றி உயிரிழந்தார். நடிகை மீனாவின் கணவர் மறைவு திரையுலகினர் மத்தியில் பெரும் சோகத்தை ஏற்படுத்தி உள்ளது.

அவரது திடீர் மறைவுக்கு திரையுலகினரும், ரசிகர்களும் இரங்கல் தெரிவித்து வருகின்றனர்.