லங்காசிறி FM
18 வயதில் கல்லூரி பேராசிரியர்.., உலக சாதனை படைத்த இளைஞர்
18 வயதிலேயே அமெரிக்க இளைஞர் ஒருவர் கல்லூரி பேராசிரியராகி உலக சாதனை படைத்துள்ளார்.
உலக சாதனை
அமெரிக்காவைச் சேர்ந்த நேத்தன் தாமஸுக்கு, உலகின் மிக இளம் வயது ஆண் பேராசிரியர் என்ற கின்னஸ் உலக சாதனை பட்டம் வழங்கப்பட்டுள்ளது.
இதற்கு முன்பு, 1717ஆம் ஆண்டு 19 வயதில் பேராசிரியராக பணியேற்ற ஸ்காட்லாந்து கணிதவியலாளர் காலின் மெக்லாரின் பெயரில் இருந்த சாதனை 306 ஆண்டுகளாக நீடித்தது.
2023 ஆகஸ்ட் மாதம், 18 வயதில் மியாமி டேட் கல்லூரியில் பேராசிரியராக சேர்ந்த நேத்தன் அந்த சாதனையை முறியடித்தார்.
மேலும், 2008ஆம் ஆண்டு 18 வயதில் உலகின் இளம் பெண் பேராசிரியராக சாதனை படைத்த ஆலியா சபூரை விட நேத்தன் 16 நாட்கள் இளையவர்.
இளம் பேராசிரியர்
நேத்தன், 10 வயதிலேயே மியாமி டேட் கல்லூரியில் பள்ளிப் படிப்புடன் சேர்த்து கல்லூரி படிப்பையும் தொடங்கினார்.
14 வயதில் புளோரிடா சர்வதேசப் பல்கலைக்கழகத்தில் சேர்ந்த அவர், மின் பொறியியலில் இளங்கலை மற்றும் முதுகலை பட்டங்களை 18 வயதிற்குள் முடித்தார்.
2023 ஆகஸ்டில், மியாமி டேட் கல்லூரியில் பொறியியல் மாணவர்களுக்கு சி-பிரோகிராமிங் பாடத்தை கற்பிக்கும் பேராசிரியராக பணியில் சேர்ந்தார்.
அவர் கற்பித்த வகுப்பில் இருந்த பல மாணவர்கள், அவரது வயதுக்கு சமமானவர்களாகவோ அல்லது அவரைவிட வயதில் மூத்தவர்களாகவோ இருந்தார்கள்.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
