லங்காசிறி FM
சமோசா பிரியர்களின் சொர்க்கம்... இந்தியாவின் 'சமோசா தலைநகரம்' எதுன்னு தெரியுமா?
சமோசா என்றாலே சிறியவர்கள் முதல் பெரியவர்கள் வரை அனைவருக்கும் ஒரு அலாதி பிரியம் இருக்கும்.இந்தியாவின் ஒவ்வொரு மாநிலத்திலும், ஒவ்வொரு நகரத்திலும் அதன் செய்முறை, சுவை, உள்ளீடுகள் மாறுபட்டாலும், சமோசாவுக்கான மக்களின் காதல் மட்டும் எப்போதும் குறைவதில்லை.
ஆனால், இந்த பிரபலமான சிற்றுண்டியின் 'தலைநகரம்' என்று அழைக்கப்படும் இடம் எது தெரியுமா? இது குறித்த விரிவான விளக்கத்தை இந்த பதிவில் பார்க்கலாம்.
சமோசா தலைநகரம்
இந்தியாவின் தலைநகரமான டெல்லி, அரசியல் முக்கியத்துவத்திற்காக மட்டுமல்ல, சமோசாவின் சொர்க்க பூமியாகவும் அறியப்படுகிறது.
குறிப்பாக, பழமையான சாந்தினி சௌக் பகுதி, பல ஆண்டுகளாக சுவைமிக்க சமோசாக்களை வழங்கி உணவுப் பிரியர்களின் மனதை வென்று வருகிறது.அங்குள்ள குறுகிய தெருக்களில் வரிசையாக இருக்கும் கடைகளில் தயாராகும் சூடான சமோசாக்கள், அடுப்பிலிருந்து இறங்கிய சில நிமிடங்களிலேயே விற்றுத் தீர்ந்துவிடுகின்றன.
சாந்தினி சௌக் மட்டுமல்ல, கரோல் பாக், லஜ்பத் நகர், கம்லா நகர், ராஜௌரி கார்டன் உள்ளிட்ட டெல்லியின் பெரும்பாலான பகுதிகளிலும் தினமும் நீண்ட வரிசையில் வாடிக்கையாளர்களை ஈர்க்கும் பிரபலமான சமோசா கடைகள் இயங்கி வருகின்றன.
பொதுவாக மொறுமொறுப்பான முக்கோண மாவுக்குள் மசித்த உருளைக்கிழங்கு, பட்டாணி, மசாலா ஆகியவை நிரப்பப்பட்டு பொன்னிறமாக பொரிக்கப்படுவது தான் பாரம்பரிய சமோசா. சில இடங்களில் இதனுடன் தக்காளி, கொண்டைக்கடலை, தயிர், புதினா சட்னி போன்றவையும் சேர்த்து பரிமாறப்படுகின்றன.
ஆனால் டெல்லியின் சிறப்பு அதைவிட வித்தியாசமானது. உருளைக்கிழங்கைத் தாண்டி பனீர், பட்டாணி, உலர் பழங்கள், கீமா உள்ளிட்ட பல்வேறு வகை பூரணங்களுடன் தயாரிக்கப்படும் சமோசாக்கள், அங்குள்ள மக்களின் விருப்பமான உணவுப் பட்டியலில் முக்கிய இடம் பிடித்துள்ளன.
பல டெல்லிவாசிகளுக்கு, மாலை நேரம் என்பது ஒரு தட்டு சூடான சமோசாவும், ஆவி பறக்கும் ஒரு கோப்பை மசாலா தேநீரும் சேர்ந்தால்தான் முழுமை பெறும். அதனுடன் புதினா சட்னி, இனிப்புப் புளி சட்னி மற்றும் காரமான பச்சை மிளகாய் சேரும்போது, அதன் சுவை மேலும் பல மடங்கு அதிகரிக்கிறது.
சாலையோர தள்ளுவண்டி கடைகளிலிருந்து நூற்றாண்டு பாரம்பரியம் கொண்ட இனிப்புக் கடைகள் வரை, டெல்லியின் ஒவ்வொரு மூலையிலும் சமோசாவுக்கு தனி ரசிகர் பட்டாளம் உள்ளது.
அதன் எண்ணற்ற வகைகள், தனித்துவமான சுவை மற்றும் எப்போதும் குறையாத வரவேற்பு ஆகியவற்றின் காரணமாக, இந்தியாவின் தலைநகரமான டெல்லி இன்று பலரால் 'சமோசாவின் தலைநகரம்' என்றும் பெருமையுடன் அழைக்கப்படுகிறது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
சாரையடி, வத்தளை, Riyadh, Saudi Arabia, North York, Canada
14 Jul, 2026
கரம்பொன், யாழ்ப்பாணம், அக்கரைப்பற்று, Scarborough, Canada
13 Jul, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
கொல்லன்கலட்டி, மல்லாகம், Vancouver, Canada, Tooting, United Kingdom
14 Jul, 2011
Conflans-Sainte-Honorine, France, London, United Kingdom, Nanterre, France
01 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
