மாரடைப்பு ஏன் ஏற்படுகிறது? இதய செயலிழப்புக்கு இது தான் காரணமா?

மரணத்தை கொண்டு வரும் மாரடைப்பு எப்படி வருகிறது இதற்கான காரணம் என்ன என்பதை பார்க்கலாம்.

மாரடைப்பு

தற்போது பலரும் மாரடைப்பால் நிற்கும்போதும், உட்காரும்போதும், அல்லது நடனமாடும்போதும் திடீரென உயிரிழக்கின்றனர். அந்த அளவிற்கு இதன் தாக்கம் அதிகமாக இருக்கின்றது.

ஆய்வின்படி ஒரு மனிதன் 35 வயதை கடந்த உடனேயே மாரடைப்பு அபாயத்தை எதிர்கொள்ள நேரிடும் என தகவல் வெளியாகி உள்ளது.

பெண்கள் மல்லிப்பூ ஏன் வைக்கிறார்கள் தெரியுமா? அறிவியல் காரணம்

இதய நோயின் ஆரம்பத்தில் தமனிகளில் அடைப்பு ஏற்படுவதற்கான அறிகுறிகள் பெரும்பாலும் கண்ணுக்குத் தெரியாதவையாக இருப்பதால், சுகாதார நிபுணர்கள் தற்போது ஒவ்வொருவருக்கும் 19 வயதிலிருந்தே இதயப் பரிசோதனைகளை செய்ய பரிந்துரைக்கின்றனர்.

ஆனால் இதற்கு பரிசோதனை மட்டும் போதாது கொலஸ்ட்ரால், இரத்த அழுத்தம் மற்றும் சர்க்கரை அளவுகள் போன்றவற்றையும் நம் உடலில் கட்டுப்படுத்த வேண்டும்.

அதிகரித்த மன அழுத்தம், மனச்சோர்வு மற்றும் தூக்கமின்மை போன்றவை கூட மாரடைப்பிற்கு வழிவகுக்கும்.

எனவே தான் மக்களுடைய தற்போதைய வாழ்க்கை முறையின் படி சிறு வயதிலேயே மாரடைப்பு வர காரணம் என்ன என்பதை பார்க்கலாம். 

மாரடைப்பு ஏன் ஏற்படுகிறது?

உயர் கொலஸ்ட்ரால்

• மாரடைப்பு ஏற்படுவதற்கான முக்கிய மற்றும் மிகவும் பொதுவான காரணம் உயர் கொலஸ்ட்ரால் தான் என்று மருத்துவர்கள் கூறுகின்றனர். கெட்ட கொலஸ்ட்ரால் இரத்த நாளங்களில் சேரும்போது, ​​அது அவற்றை அடைத்துவிடுகிறது. இந்த நிலையில், இரத்தமும் ஆக்ஸிஜனும் இதயத்தை முறையாகச் சென்றடைய முடியாது. இதனால் இதயத்தின் மீது அழுத்தத்தை ஏற்படுத்துகிறது, மேலும் இந்த அடைப்பு மாரடைப்புக்கு வழிவகுக்கும்.

உயர் இரத்த அழுத்தம்

• ஏற்ற இறக்கமான இரத்த அழுத்தம் இதயத்திற்கு நல்லதல்ல. உடலில் இரத்த அழுத்தம் அதிகரிப்பது இதயத்திற்கு நல்ல அறிகுறி இல்லை என மருத்துவர்கள் கூறுகின்றனர். உயர் இரத்த அழுத்தத்தில் அதிகரிக்கும் இரத்த ஓட்டம் இதயத்தின் மீது அழுத்தத்தை ஏற்படுத்துகிறது, இது இதய செயலிழப்பு அபாயத்தை அதிகரிக்கிறது. இதனால் மாரடைப்பு வர அதிக வாய்ப்பு இருக்கிறது. 

 உடல் பருமன்

• மாரடைப்பு ஏற்படுவதற்கான மூன்றாவது மற்றும் மிகவும் பொதுவான காரணம் உடல் எடை அதிகரிப்பு ஆகும். உடல் பருமன் மாரடைப்பு ஏற்படும் அபாயத்தையும் அதிகரிக்கிறது. இது நரம்புகளில் வீக்கத்தை ஏற்படுத்தி, இரத்தம் மற்றும் ஆக்ஸிஜன் விநியோகத்தைப் பாதிக்கக்கூடும். இது இதய செயலிழப்பில் முக்கிய காரணி எனப்படுகின்றது. 

நீரிழிவு நோய்

• உயர் இரத்த சர்க்கரை அளவு உடலின் அனைத்துப் பாகங்களையும் பாதிக்கிறது. நீரிழிவு நோய் என்பது உடலின் அனைத்துப் பாகங்களையும் பாதிக்கும் ஒரு நோயாகும். நீரிழிவு நோயாளிகளுக்கு மாரடைப்பு ஏற்படும் அபாயம் கணிசமாக அதிகரிக்கிறது.
• இந்த பாதிப்புகளுடன் அளவுக்கு மீறிய கோபமும் ஏற்பட்டால், அது இன்னும் ஆபத்தானது. அளவுக்கு மீறிய கோபம் இரத்த அழுத்தத்தையும் மன அழுத்தத்தையும் அதிகரித்து, மாரடைப்பு ஏற்படும் அபாயத்தை உயர்த்துகிறது. எனவே, மன அழுத்தத்தையும் பதற்றத்தையும் தவிர்க்கவும்.

காசநோயின் ஆரம்ப அறிகுறிகள் என்னென்ன? இதை மட்டும் புறக்கணிக்காதீங்க