மாரடைப்பை ஏற்படுத்தும் அபாய அறிகுறிகள்! என்னென்ன தெரியுமா?

தற்காலத்தில் வயது வித்தியாசம் இன்றி அனைவரையும் தாக்கும் ஒரு உலகளாவிய பிரச்சினையாக மாரடைப்பு காணப்படுகின்றது.

அதிகரித்த வேலைபளு போதிய உடற்சியின்மை மற்றும் முறையற்ற உணவுப்பழக்கவழக்கம் போன்ற பல்வேறு காரணிகள் இதய ஆரோக்கியத்தில் நேரடியாக தாக்கம் செலுத்துகின்றன.

அந்தவகையில் மாரடைப்பு என்பது ஒரு நாளில் வருவதில்லை, உடல்நிலைகளில் தொடர்ந்து ஏற்படும் மாற்றங்கள் தீவிரமாகும் போது தான் இதயம் செயலிழக்கிறது.

 ஆனால் தற்போது வரையில் மாரடைப்பு குறித்த சரியான புரிதல்களோ அல்லது, உடனடியாக கொடுக்க வேண்டிய முதலுதவி குறித்தோ நம்மில் பலருக்கும் சரியான புரிதல் இருப்பதில்லை.

மார்பில் வலி ஏற்பட்டாலே அது மாரடைப்பு தான் என்று நினைத்துக் கொள்கிறவர்களும் உண்டு. பொதுவாக மாரடைப்பு எந்த வயதினருக்கும் ஏற்படக்கூடும். இது எந்த நேரத்திலும் ஏற்படலாம் என்பதால்  ஜாக்கிரதையாக இருக்க வேண்டியது அவசியம். 

 மாரடைப்பின் ஆரம்ப அறிகுறிகள் ஒருமுறை அல்லது இரண்டு முறை மட்டுமல்லாது பெரும்பாலும் மீண்டும் மீண்டும் உணரப்படுகின்றது. அந்த மோசமான நிலை வருவதற்கு முன்னதாக உடல் காட்டும் அறிகுறிகளை அலட்சியப்படுத்தாமல் இருந்தால் மாரடைப்பு அபாயத்தில் இருந்து பாதுகாப்பாக இருக்கலாம்.

மாரடைப்பின் பிரதான அறிகுறிகள்

மாரடைப்பு அல்லது இதயம் தொடர்பான வேறு சில நோய்களின் அறிகுறியாகவும் இருக்கும். எனவே, நீண்ட காலமாக சோர்வை உணர்ந்தால் அதனை ஒருபோதும் புறக்கணிக்க கூடாது.

ஆண்மை குறைப்பாட்டுக்கு தீர்வு கொடுக்கும் புடலங்காய் கூட்டு... இப்படி செய்து பாருங்க

தொடர்ந்து சுவாசப் பிரச்சனைகள் ஏற்பட்டால், அது இதயம் தொடர்பான நோய்களால் ஏற்பட்டதாக இருக்க வேண்டிய அவசியமில்லை.ஆனால் நீண்ட காலமாக இந்த பிரச்சனைகள் இருந்தால் அது மாரடைப்புக்கான அறிகுறியாக இருக்கலாம்.

இது தொடர்பில் கவனம் செலுத்தப்பட வேண்டியது அவசியம். மூச்சுத் திணறல், சுவாசிப்பதில் சிரமம் அல்லது சுவாசம் தொடர்பான வேறு ஏதேனும் அறிகுறிகள் மீண்டும் மீண்டும் இருந்தால் மருத்துவ ஆலோசனை பெற வேண்டியது அவசியம். 

இடது பக்கத்தில் வலி ஏற்பட்டால், அது நரம்புகள், தசைகள் அல்லது எலும்புகளுடன் தொடர்புடையதாக இருக்கக்கூடும்.

ஆனால் ஒரே இடத்தில் மீண்டும் மீண்டும் தொடர்ந்து வலி ஏற்படுவது இதயம் தொடர்பான சில நோய்களின் அறிகுறியாக இருக்கலாம்.

இத்தகைய அறிகுறிகளை புறக்கணிக்கக்கூடாது. உடலின் இடது பகுதியில், குறிப்பாக மார்பு, கழுத்து, தாடை அல்லது முகத்தின் இடது பக்கம் அல்லது இடது கையில் வலி இருந்தால், இந்த அறிகுறிகள் மாரடைப்புக்கான அறிகுறியாக இருக்கலாம்.

மாரடைப்புக்கு முன், தலைச்சுற்றல் அல்லது லேசான தலைவலி போன்ற அறிகுறிகள் சிலருக்கு ஏற்படும். குறிப்பாக இந்த அறிகுறிகள் தொடர்ந்து உணரப்பட்டால், இதய பிரச்சனைக்கான அறிகுறியாகவே பார்க்கப்படுகின்றது.

நெஞ்சு வலி என்பது மாரடைப்பு போன்ற உயிருக்கு ஆபத்தான நிலைமைகள் உட்பட பல்வேறு நோய்களின் அறிகுறியாக இருக்கலாம். குறிப்பாக அடிக்கடி நெஞ்சு வலி அல்லது மரத்துப்போகும் பிரச்சினை இருப்பின் மருத்துவ ஆலோசனை பெற வேண்டியது மிகவும் முக்கியமாகின்றது. 

இந்த அறிகுறிகளை ஒருபோதும் அலட்சியப்படுத்த கூடாது. இதயம் தொடர்பான நோய்களின் பிரதான அறிகுறிகளாக இவை காணப்படுகின்றன.

மார்பில் என்ன வலி ஏற்பட்டாலும் அது என்ன மாதிரியான வலி எதனால் ஏற்பட்டது என்பதை மருத்துவரைச் சந்தித்து உறுதி செய்து கொள்ள வேண்டியது அவசியம். 

2024 ஏப்ரல் மாத ராசி பலன்: ராஜயோகத்தை பெறப்போகும் ராயினர் யார் யார்னு தெரியுமா?