மனைவி சங்கீதா குறித்து விஜய் பெருமையாக பேசியது என்ன?

நடிகரும், தவெக கட்சியின் தலைவருமான விஜய் தனது மனைவி சங்கீதா குறித்து பெருமையாக பேசிய வார்த்தைகளை தற்போது ரசிகர்கள் ட்ரெண்டாக்கி வருகின்றனர்.

நடிகர் விஜய், சங்கீதா

நடிகர் விஜய் தமிழ் சினிமாவில் முன்னணி நடிகராக வலம் வருகின்றார். இவர் சங்கீதாவை 1999ம் ஆண்டு திருமணம் செய்து கொண்ட நிலையில் இந்த தம்பதிகளுக்கு இரண்டு பிள்ளைகள் உள்ளனர்.

சுமார் 26 ஆண்டுகளை கடந்த இவரது திருமண வாழ்க்கை தற்போது பிரச்சனையாக ஆரம்பித்துள்ளது. விஜய்யின் மனைவி சங்கீதா பல காரணங்களைக் குறிப்பிட்டு விவாகரத்து செய்வதற்கு புகார் அளித்துள்ளார்.

இதுகுறித்து விஜய் தரப்பும், சங்கீதா தரப்பும் எந்தவொரு கருத்துக்களை வைக்காத நிலையில், நேற்று த்ரிஷாவுடன் திருமண நிகழ்விற்கு விஜய் வந்தது இணையத்தினை பரபரப்பாக்கியது.

இந்நிலையில் சங்கீதா குறித்து முன்பு விஜய் பெருமையாக கூறியதை தற்போது ரசிகர்கள் நினைவு கூர்ந்து, இவ்வளவு பெருமையாக பேசியவர்கள் எதற்காக விவாகரத்து செய்கின்றனர்? என்ற கேள்வியை எழுப்பியுள்ளனர்.

Viral Video: ஒரே நிற ஆடையில் த்ரிஷாவுடன் வந்த விஜய்

விஜய் கூறியது என்ன?

நேர்காணலில், தனது மனைவி சங்கீதா தன்னை மிகவும் புரிந்து கொண்டதாகவும், திருமண வாழ்க்கையில் புரிதல் முக்கியமானது என்றும் ஒரு படம் தோல்வியடைந்தால் கூட பக்கத்தில் அமர்ந்து எனக்கு ஆறுதல் கூறி தனக்கு உறுதுணையாக இருப்பார் என்றார்.

அதுவே மற்றொரு நேர்காணலில், சங்கீதா தன்னை விருப்புவது தெரிந்து தனது வீட்டிற்கு அழைத்ததாகவும், அப்பாவிற்கும் அவரை பிடித்திருந்தது. அப்பா தன்னை பேச அழைத்த போது சற்று பதற்றத்துடன், சென்றதாகவும், சங்கீதா பற்றி கேட்கையில் அவர் மிகவும் நல்ல பெண் என கூறியுள்ளார். அப்போது அவரது தந்தை திருமணம் செய்து கொள்கிறாயா என்று கேட்ட போது அதிர்ச்சியில் ஆழ்ந்ததுடன், பின்பு இரு குடும்பமும் இணைந்து பேசி முடிவெடுத்தார்கள் என்று கூறியுள்ளார்.

சங்கீதாவின் முதல் சந்திப்பு குறித்து விஜய் கூறுகையில், லவ் டுடே என்ற படப்பிடிப்பின் போது சந்தித்துக் கொண்டதாகவும், ரசிகர்களை சந்திக்க இருந்த போது சங்கீதாவும் அவரது குடும்பத்தினரையும் சந்தித்து நன்றாக பேசியதாக கூறியுள்ளார்.

இவ்வாறு சங்கீதாவை புரிந்து கொண்ட விஜய்கும், சங்கீதாவிற்கும் ஏன் வாழ்க்கையில் பிரிவு ஏற்பட்டது என்று ரசிகர்கள் கேள்வியும் எழுப்புகின்றனர்.

அதிலும் நேற்று வெளியான விஜய் மற்றும் த்ரிஷாவின் காணொளி இணையத்தில் படுவைரலாகி வருவதுடன், பலருக்கும் பல கேள்விகளை இன்னும் அதிகமாக எழுப்பி வருகின்றது.