ஆபத்தான குடற்புழுக்களுக்கு குட்பை சொல்லும் துவையல்! உடனே எப்படி தயாரிக்கலாம்?

வயிற்றில் இருக்கும் பூச்சி குழந்தைகளை மட்டும் அல்ல, சில நேரங்களில் பெரியவர்களையும் பாதிக்கும் முக்கிய பிரச்சனைகளில் ஒன்று.

சுகாதாரமற்ற சூழலில் வயிற்றில் பூச்சிகள் உருவாகிறது. 

வயிற்றில் உருளைப்புழு, நாக்குப்பூச்சி, இதயப்புழு, கொக்கிப்புழு, நாடாப்புழு என பல வகைகள் உள்ளன. இந்த குடற்புழு பிரச்சனை சாதாரணமானதல்ல. இதனால் தீவிர பின்விளைவுகளும் ஏற்படலாம்.

கடுமையான வயிற்றுப்போக்கு, மலச்சிக்கல், குமட்டல், சோர்வு, உடல் எடை குறைவது, அனீமியா போன்றவை உண்டாக்கும்.

இந்த குடற்புழுக்களை வெளியேற்ற இந்த வேப்பம்பூ உதவும். இதில் துவையல் செய்து சாப்பிட்டால் போதும்.

இந்த வேப்பம்பூ துவையலை எப்படி செய்வது என்பதை பார்க்கலாம். 

[8LBFHE ]

தேவையான பொருட்கள்

1.   வேப்பம்பூ அரை கப்
2. தேங்காய்த்துருவல் - அரை கப்
3. கடலைப்பருப்பு -10 டீஸ்பூன்
4. உளுத்தம்பருப்பு - 5 டீஸ்பூன்
5. வரமிளகாய் 5
6. புளி- சிறிய அளவு
7. உப்பு, கடுகு- தேவைக்கு
8. நெய்- தேவைக்கு

செயல்முறை

வேப்பம் பூவை சுத்தம் செய்து வைக்கவும். வாணலியில் எண்ணெய் விட்டு கடுகு, கடலைப்பருப்பு, உ.பருப்பு சேர்த்து வறுத்ததும் பிறகு தேங்காய்த்துருவல், புளி சேர்த்து, வரமிளகாய் போட்டு நன்றாக வதக்கவும்.

இதை தட்டில் கொட்டி ஆறவிடவும். வேப்பம் பூவை நெய்யில் வைத்து வதக்கி கொள்ளவும். இதை தனியாக வைக்கவும்.

மிக்ஸியில் முதலில் ஆறவைத்த பருப்பு தேங்காய் பொருளை சேர்த்து கொரகொரப்பாக அரைக்கவும். பிறகு வேப்பம் பூ சேர்த்து ஒரு சுற்று சுற்றி எடுக்கவும். இறுதியாக உப்பு சேர்த்து கலந்து விட்டால் வேப்பம் பூ துவையல் தயார்.

இதை குழந்தைகளுக்கு கொடுக்கும் போது சூடான உதிர் சாதத்தில் நெய் அல்லது நல்லெண்ணெய் விட்டு கலந்து கொடுக்கலாம். சுவையாக இருக்கும்.

கவனிக்க வேண்டிய விஷயங்கள்

1. இந்த வேப்பம்பூ துவையல் உணவு கொடுக்கும் நாட்களில் இனிப்பு கொடுக்க கூடாது.
2. அதிக காரம் மற்றும் குளிர்ந்த உணவுகளை கொடுக்கவும் கூடாது.
3. இந்த உணவு சாப்பிட்ட பிறகு ஒரு மணி நேரத்துக்கு இனிப்பு நிறைந்த பானங்கள் (சத்து பானங்கள்) கொடுக்கவும் கூடாது.
4. குழந்தைகளுக்கு மட்டுமல்ல பெரியவர்களுக்கும் இது பொருந்தும்.
5. 15 நாட்களுக்கு ஒரு முறை இந்த வேப்பம் பூ துவையலை சாப்பிட்டு வந்து பிறகு படிப்படியாக மாதம் ஒருமுறை, இரண்டு மாதங்கள் ஒரு முறை என சாப்பிட்டு வந்தால் குடற்புழுக்கள் வயிற்றில் தங்காமல் வெளியேறும்.