மருந்து சாப்பிடாமல் சளியை விரட்டி அடிக்கும் தூதுவளை ரசம்
Healthy Food Recipes
By Rinosharai
காலநிலை மாற்றத்தால் அடிக்கடி சிலருக்கு சளி, இருமல் பிரச்சினை அதிகரித்துக்கொண்டே போகும்.
இதனால் நிம்மதியாக சாப்பிடமுடியாது, வேலைப்பார்க்க முடியாது, மூச்சுக் கூட விடமுடியாது, மூக்கை அடைத்துக் கொண்டு பேசக் கூடமுடியாமல் போகும். இந்த சளிப்பிரச்சினையை திரும்ப வரவிடாமல் தடுக்க சாதத்துடன் தூதுவளை ரசத்தை சேர்த்து சாப்பிட்டால் சளி வந்த இடம் தெரியாமல் போய்விடும்.
இந்த தூதுவளை ரசத்தை எப்படி செய்வதென்று இப்போது பார்க்கலாம்.
தேவையான பொருட்கள்
- தூதுவளை இலை - 10 பத்து
- மிளகு - 1 டேபிள் ஸ்பூன்
- சீரகம் - 1 டேபிள் ஸ்பூன்
- பூண்டு - 10 பல்
- வர மிளகாய் - 2
- கடுகு - 1 டேபிள் ஸ்பூன்
- பெருங்காயத்தூள் - சிறிதளவு
- கருவேப்பிலை, கொத்தமல்லி - தேவையான அளவு
- புளி - நெல்லிக்காய் அளவு
- பருப்புத் தண்ணீர் - 2 கப்
- தக்காளி - 1
- உப்பு - தேவையான அளவு
- மஞ்சள் தூள் - தேவையான அளவு
செய்முறை
- முதலில் தூதுவளை இலையில் முட்கள் இருக்கும் அந்த முட்கள் போக இடிகல்லில் நன்கு அந்த இலையை இடித்துக் கழுவி கொள்ளுங்கள்.
- பிறகு இந்த இலையை மிக்ஸி ஜாரில் போட்டு அதனோடு சீரகம், குறுமிளகு, பூண்டு கருவேப்பிலை போன்ற பொருட்களையும் போட்டு நன்கு மைய அரைத்து எடுத்துக் கொள்ளவும்.
- இதன்பின் அடுப்பில் ஒரு வாணலியை வைத்து அதில் சிறிதளவு எண்ணெயை ஊற்றவும். எண்ணெய் சூடாகிய பிறகு அதில் கடுகை போட்டு வெடிக்க விடவும்.
- கடுகு வெடித்தவுடன் அதில் வரமிளகாயை சேர்த்துக் கொள்ளவும். வரமிளகாயை சேர்த்த பின் எடுத்து வைத்திருக்கும் புளியை நீரில் கலந்து நன்கு கரைத்து புளி கரைசலை ஊற்ற வேண்டும்.
- இப்போது அந்த புளி கரைசலுக்கு தேவையான அளவு உப்பை போட்டு நன்கு கொதிக்க விடவும். பின் ஒரு தக்காளியை பொடி பொடியாக நறுக்கி அதில் போட்டு விடவும்.
- இதனை அடுத்து எடுத்து வைத்திருக்கும் இரண்டு கப் அளவு பருப்பு தண்ணீரை அதில் சேர்க்க வேண்டும். மேலும் நீங்கள் மிக்ஸியில் அரைத்து வைத்திருக்கும் அந்த கலவையை கொட்டி நன்கு கிளறி விடவும்.
- இந்தக் கலவையானது ஐந்து நிமிடம் வெந்து அப்படியே நுரை கட்டும். அப்போது அடுப்பை ஆப் செய்து விடவும். மேலும் உப்பு தேவையானில் சுவைப்பார்த்து மீண்டும் சேர்த்துக் கொள்ளலாம்.
- மேலும் இறக்குவதற்கு முன்பு ஒரு சிட்டிகை பெருங்காயத்தூள், மஞ்சள் தூள் இவற்றை போட்டு விடுங்கள்.
இப்போது அனைத்து அற்புதங்களும் நிறைந்த தூதுவளை ரசம் தயார்.
8ம் ஆண்டு நினைவஞ்சலி
10ம் ஆண்டு நினைவஞ்சலி
(+44) 20 3137 6284
UK
(+41) 315 282 633
Switzerland
(+1) 437 887 2534
Canada
(+33) 182 888 604
France
(+49) 231 2240 1053
Germany
(+1) 929 588 7806
US
(+61) 272 018 726
Australia
lankasri@lankasri.com
Email US