திமுக-வின் வரலாறு காணாத வெற்றி! அதிமுக-வின் படுதோல்விக்கு காரணம் என்ன?

admk tamilnadu dmk local body election

By Manchu Feb 23, 2022 04:21 AM GMT

Manchu

Report

திமுக, பாமக, பாஜக உள்ளிட்ட கட்சிகளின் கோட்டையாகக் கருதப்பட்ட பகுதிகளிலும் கூட திமுக கலக்கல் வெற்றியைப் பதிவு செய்துள்ளது.

தமிழ்நாட்டில் சென்னை உட்பட 21 மாநகராட்சிகள், 138 நகராட்சிகள், 490 பேரூராட்சிகள் என மொத்தம் 648 நகர்ப்புற உள்ளாட்சி அமைப்புகளுக்குக் கடந்த பிப். 19ஆம் தேதி ஒரே கட்டமாக நகர்ப்புற உள்ளாட்சித் தேர்தல் நடைபெற்றது.

இதில் மொத்தம் 60.07% வாக்குகள் பதிவாகி இருந்தன. அதிகபட்சமாக தர்மபுரி மாவட்டத்தில் 80.49% வாக்குகளும் குறைந்தபட்சமாக சென்னையில் 43.59% வாக்குகளும் பதிவானது.

தமிழகத்தில் பெரும்பாலான இடங்களில் அமைதியான முறையிலேயே வாக்குப்பதிவு நடைபெற்றது. இந்தச் சூழலில் நகர்ப்புற உள்ளாட்சித் தேர்தல் முடிவுகள் இன்று அறிவிக்கப்பட்டு வருகிறது. காலை 8 மணி முதல் வாக்கு எண்ணிக்கை நடைபெற்று வரும் நிலையில், இதில் திமுக மிகப் பெரிய ஒரு வெற்றியைப் பெற்றுள்ளது. கடந்த அக். மாதம் நடைபெற்ற 9 மாவட்ட ஊரக உள்ளாட்சித் தேர்தலைப் போலவே அதிமுக உள்ளிட்ட எதிர்க்கட்சிகள் மோசமான தோல்வியை எதிர்கொண்டுள்ளது.

தமிழ்நாட்டில் சென்னை, கோவை உள்ளிட்ட 21 மாநகராட்சிகள் உள்ள நிலையில், அத்தனையிலும் திமுக கூட்டணியைப் பெரும்பான்மை பெறுகிறது. மேலும், நகராட்சிகளைப் பொறுத்தவரைத் தமிழ்நாட்டில் மொத்தம் 138 நகராட்சிகள் உள்ள நிலையில், அதில் 120க்கும் அதிகமான நகராட்சிகளில் திமுக கூட்டணி வெல்லும் நிலையில் உள்ளது. பேரூராட்சிகளிலும் கூட இதே நிலை தான், 490 பேரூராட்சிகளில் 360க்கும் அதிகமான பேரூராட்சிகளில் திமுக கூட்டணியே முன்னிலையில் உள்ளது.

அதாவது அதிமுக, பாமக, பாஜக உள்ளிட்ட கட்சிகளின் கோட்டையாகக் கருதப்பட்ட பகுதிகளிலும் கூட திமுக கலக்கல் வெற்றியைப் பதிவு செய்துள்ளது. இது வாக்காளர்கள் முதல்வர் ஸ்டாலின் மீது வைத்துள்ள நம்பிக்கையைக் காட்டுவதாகவும் கடந்த 9 மாத நல்லாட்சிக்குக் கிடைத்த சான்று என்றும் திமுக தரப்பு கூறி வருகிறது. மேலும், முதல்வர் ஸ்டாலின் தலைமையில் திமுக அசுர பலத்தில் உள்ளதையுமே இது காட்டுவதாக அவர்கள் தெரிவித்து வருகின்றனர். 9 மாத திமுக ஆட்சியில் எதிர்க்கட்சிகள் செயல்படாமல் பலவீனமாக இருப்பதே இதற்குக் காரணம் எனக் கூறப்படுகிறது. மேலும், எதிர்க்கட்சிகள் ஒரே அணியில் இல்லாமல் பிரிந்து இருப்பதும் எதிர்க்கட்சிகளை வழிநடத்தும் வலிமையான தலைவர்கள் இல்லாமல் போனதும் தோல்விக்குக் காரணம் எனக் கூறப்படுகிறது.