சுந்தரி சீரியல் கேப்ரியல்லாவிற்கு குழந்தை பிறந்தது... வைரலாகும் ஒற்றை புகைப்படம்

நடிகை கேப்ரியல்லா மகளே... உனது அழுகை எனது வலிக்கும் நிம்மதிக்கும் மருந்தாக்கியவளே…இவ்வுலகம் உனக்கானது மகளே..என குறிப்பிட்டு  தற்போது வெளியிட்டுள்ள  ஒற்றை புகைப்படம் இணையத்தை ஆக்கிரமித்து வருகின்றது. 

கேப்ரியல்லா செல்லஸ்

பிரபல தொலைக்காட்சியில் ஒளிபரப்பான சுந்தரி சீரியலில் ஹீரோயினாக நடித்து இல்லத்தரசிகளின் மனங்கவர்ந்த நடிகையாக மாறியவர் தான் கேப்ரியல்லா.

இந்த தொடர் 2021ம் ஆண்டு தொடங்கப்பட்டு வெற்றிகரமாக ஒளிபரப்பாகி கடந்த 2024ம் ஆண்டு முடிவுக்கு வந்தது. டிஆர்பியில் எப்போதும் டாப்பில் இருந்துவந்த இந்த சீரியல் 1144 எபிசோடுகள் வரை ஒளிபரப்பாகி சாதனை படைத்தது.

சாதிப்பதற்கு நிறம் முக்கியமல்ல திறமை தான் முக்கியம் என நிரூபித்து, திறமை இருந்தால் யார் வேண்டுமானாலும் ஹீரோயின் ஆகலாம் என்பதற்கு ஒரு முன்னுதாரணமாக திகழ்ந்தவர்.

விஜய் தொலைக்காட்சியில் ஒளிபரப்பான கலக்கப்போவது யாரு நிகழ்ச்சியில் போட்டியாளராக கலந்துகொண்ட கேப்ரியல்லா, அதில் தன்னுடைய நகைச்சுவை திறமையை வெளிப்படுத்தி மக்கள் மத்தியில் நல்ல வரவேற்பை பெற்றார்.

அதனை தொடர்ந்து டிக் டாக்கில் காணொளிகளை பதிவிட்டு ரசிகர்களை கவர்ந்த கேப்ரியல்லாவுக்கு அதன் மூலம் சினிமாவில் நடிக்கும் வாய்ப்பு தேடி வந்தது.

ஐரா திரைப்படத்தில் நடிகை நயன்தாரா உடன் முதன்முதலில் நடித்த கேப்ரியல்லா, பின்னர் ரஜினியின் கபாலி, லாரன்ஸின் காஞ்சனா 3 போன்ற படங்களில் சிறிய கதாப்பாத்திரங்களில் நடித்து வந்தார்.

கடந்த 2021 ஆம் ஆண்டு ஆரம்பமாகிய சுந்தரி சீரியலில் கேப்ரியல்லாவின் நடிப்புக்கு பாராட்டுக்கள் கிடைத்ததோடு, அவருக்கு ஒரு அடையாளத்தையும் கொடுத்தது.

இந்த சீரியல் முடிந்ததும் நாயகி கேப்ரியல்லா வேறு ஏதாவது சீரியல் கமிட்டாவார் என எதிர்ப்பார்க்கப்பட்டது, ஆனால் அது நடக்கவில்லை.

ஆனால் மற்றொரு சந்தோஷ செய்தி கூறியிருந்தார், அதாவது அவர் தான் கர்ப்பமாக இருக்கும் செய்தியை அறிவித்தார். பிறகு தனது சொந்த ஊருக்கே செல்வதாகவும் கூறியிருந்தார்.  

இந்நிலையில் தற்போது நடிகை கேப்ரியல்லா தனக்கு மகள் பிறந்திருப்பதாக தனது சமூக வலைத்தள பக்கத்தில் அழகிய  புகைப்படத்துடன் குறித்த மகிழ்ச்சி செய்தியை ரசிகர்களுடன் பகிர்ந்துள்ளார். குறித்த பதிவுக்கு இணையத்தில் வாழ்த்து மழை பொழிந்து வருகின்றது.

View this post on Instagram

A post shared by GABRELLA SELLUS (@gabrellasellus_official)