செல்போனில் கேம் விளையாடியதால் ஷகீலாவுக்கு நேர்ந்த கதி!

mobile gaming led to Shakeela’s surgery : நடிகை ஷகீலா சமீபத்தில் தீவிர உடல்நலப் பிரச்சினை காரணமாக கழுத்தில் அறுவை சிகிச்சை செய்துகொண்டுள்ளார்.

நீண்ட நேரம் தவறான உடல் நிலையில் மொபைல் போனைப் பயன்படுத்தியதே தனது உடல்நலப் பிரச்சினைக்கு காரணம் என குறிப்பிட்டு அவர் வெளியிட்டுள்ள எச்சரிக்கை காணொளி தற்போது இணையத்தில் கவனம் ஈர்த்து வருகின்றது.

மீண்டும் திரையில் இணையும் விஜய் - த்ரிஷா ஜோடி

நடிகை ஷகீலாவின் வைரல் பதிவு 

குறித்த காணொளியில், அறுவை சிகிச்சைக்குப் பிறகு கழுத்தில் காலர் அணியுமாறு மருத்துவர்கள் அறிவுறுத்தியுள்ளதாகவும் அவர் கூறியுள்ளார். இதையடுத்து, கழுத்துக் காலர் அணிந்தபடி இருக்கும் காட்சிகளையும், மருத்துவமனையில் சிகிச்சை பெற்றபோது எடுக்கப்பட்ட சில காட்சிகளையும் வீடியோவில் பகிர்ந்துள்ளார்.

தனது உடல்நலப் பிரச்சினை குறித்து பேசிய ஷகீலா, படுக்கையில் ஒருபுறமாகச் சாய்ந்தபடி பல மணி நேரம் மொபைல் போனில் கேம்ஸ் விளையாடியதாகத் தெரிவித்தார்.

சில நேரங்களில் தொடர்ந்து நான்கு மணி நேரம் வரை கேம்ஸ் விளையாடுவேன் என்றும், டீ அல்லது காபி குடிப்பதற்காக மட்டுமே எழுந்து செல்வேன் என்றும் அவர் கூறினார்.பின்னர் மீண்டும் படுக்கைக்குத் திரும்பி அதே கேமை விளையாடத் தொடங்கிவிடுவேன் என்றும் தெரிவித்துள்ளார்.

அதுமட்டுமின்றி, யூடியூப் மற்றும் இன்ஸ்டாகிராமில் பல மணி நேரம் ரீல்ஸ்களையும் பார்த்ததாகக் கூறிய அவர், தவறான உடல் நிலையில் நீண்ட நேரம் மொபைல் போனைப் பயன்படுத்தியதும், அளவுக்கு அதிகமாக போனை உபயோகித்ததும் தனது கழுத்தில் உள்ள முக்கிய ரத்த நாளங்களைப் பாதித்ததாகத் தெரிவித்துள்ளார். 

இந்த வயதிலும் நாடகமாடுவது வெட்க கேடு : த்ரிஷா போட்ட பதிவால் கிளம்பிய புதிய சர்ச்சை!

இதன் விளைவாக இறுதியில் அறுவை சிகிச்சை செய்ய வேண்டிய நிலை ஏற்பட்டதாகவும், அதற்காக சுமார் ரூ.3 லட்சம் செலவானதாகவும் அவர் கூறினார். தற்போது அறுவை சிகிச்சைக்குப் பிறகு படுக்கையில் இருந்து எழுவது, சாப்பிடுவது போன்ற அன்றாட அடிப்படை விஷயங்களுக்குக்கூட மற்றவர்களின் உதவி தேவைப்படுவதாக ஷகீலா தெரிவித்துள்ளார்.

இந்த அனுபவத்தை பகிர்வதன் மூலம் மொபைல் போன் பயன்பாடு குறித்து மக்களுக்கு எச்சரிக்கை விடுத்துள்ள ஷகீலா, செல்போனை அத்தியாவசியமான விஷயங்களுக்கு மட்டுமே பயன்படுத்துமாறு கேட்டுக்கொண்டார். தேவையில்லாத வீடியோக்களைத் தொடர்ந்து பார்ப்பதைத் தவிர்க்க வேண்டும் என்றும், பயனுள்ள உள்ளடக்கங்களை மட்டுமே பார்க்க வேண்டும் என்றும் அவர் அறிவுறுத்தினார்.

மேலும், பெற்றோர்கள் தங்கள் குழந்தைகளுக்கு செல்போன் மற்றும் பிற கேஜெட்களை அளவுக்கு அதிகமாகப் பயன்படுத்த அனுமதிக்க வேண்டாம் என்றும் அவர் கேட்டுக்கொண்டார். “செல்போன் மிகவும் பயனுள்ள ஒரு பொருள்தான். ஆனால், தேவைக்கு அதிகமாக அதை பயன்படுத்தாதீர்கள்.

நான் செய்த தவறை நீங்களும் செய்ய வேண்டாம். இல்லையென்றால், பணத்தை இழப்பதுடன் தாங்க முடியாத வலியையும் அனுபவிக்க வேண்டியிருக்கும்” என்ற வகையில் தனது அனுபவத்தைப் பகிர்ந்துகொண்டு ஷகீலா எச்சரிக்கை விடுத்துள்ளார்.