லங்காசிறி FM
முதல்வர் விஜய்யின் வெள்ளை துண்டு ரகசியம் - சிறுமி சொன்னதும் அகற்ற காரணம் என்ன?
அரசு அலுவலகங்களில் நீண்ட நாளாக பின்பற்றப்பட்டு வந்த 'துண்டு' காலசாரத்தை ஜோசப் விஜய் கைவிட்டுள்ளார். இந்த வெள்ளை துண்டு பின்னால் இருக்கும் இரகசியம் பற்றி பார்க்கலாம்.
முதல்வர் விஜய்
தமிழக முதல்வராக ஜோசப் விஜய் பதவியேற்று செயல்பட்டு வருகிறார். தினமும் தலைமை செயலகம் வந்து அவர் பணியாற்றி வருகிறார். அதிகாரிகளுடன் பல்வேறு விஷயங்கள் ஆலோசனை மேற்கொண்டு வருகிறார்.
இந்நிலையில் தான் விஜய் அமர்ந்து இருக்கும் இருக்கையில் வெள்ளை துண்டு பயன்படுத்தப்பட்டு இருக்கும் போட்டோக்கள் வெளியாகின. விஜய் இருக்கும் இருக்கைகள் மீது வெள்ளை துண்டுகள் போடப்படும் நடைமுறை ஒன்று இருந்தது.
ஆனால் அலுவலகத்தில் (மே 15) நடைபெற்ற ஆலோசனைக் கூட்டங்கள் குறித்து வெளியான புகைப்படங்களில் முதல்வர் நாற்காலியில் வெள்ளைத் துண்டு அகற்றப்பட்டிருந்தது.
இது குறித்து இணையத்தில் பல கேள்விகள் எழுந்தன. இதன் பின்னர் எக்ஸ்தளத்தில் ஒரு சிறு வேண்டுகோளால் இந்த வெள்ளை துண்டு நடைமுறை தற்போது நடைமுறையில் இல்லாமல் மாற்றப்பட்டுள்ளது.
வெள்ளை துண்டின் பின்னணி
இது பார்க்க சின்ன விஷயமாக இருந்தாலும் இந்த வெள்ளை துண்டு போடப்படுவது பின்னால் பல காரணங்கள் உள்ளது.
அதாவது விஐபிக்களின் தலையில் உள்ள எண்ணெய் இருக்கையில் ஒட்டுவதை தவிர்க்க இந்த வெள்ளை துண்டு பயன்படுத்தப்பட்டதாக கூறப்படுகிறது.
இது மட்டுமல்லாமல் ஆங்கிலேயர்கள் கோட்சூட் அணிவதை வாடிக்கையாக வைத்திருந்தனர். இதனால் நீண்டநேரம் அமரும்போது வியர்வை வெளியேறும். இப்படி வெளியேறும் வியர்வை பருத்தியால் உருவாக்கப்பட்ட அந்த வெள்ளை துண்டு உறிஞ்சி விடுமாம்.
இருக்கையில் வெள்ளை நிற துண்டு விரிக்கும்போது சிறிய கறை இருந்தாலும் கூட எளிதாக தெரிந்துவிடுமாம். இதனால் விஐபிக்கள் கறை இல்லாத இருக்கையில் அமர்வதை உறுதி செய்வதற்காகவும் இந்த வெள்ளை துண்டு இருக்கையில் போடப்பட்டதாக கூறப்படுகின்றது.
மேலும் விஐபி மற்றும் விவிஐபிக்களை தனித்து காட்டவும் இந்த வெள்ளை துண்டு பயன்படுத்தப்பட்டு வந்தது எனப்படுகின்றது. இதனால் இப்படி துண்டு போட்டு அமரும் நபர்கள் தான் விஐபி மற்றவர்கள் தெரிந்துகொள்வதற்காக இந்த நடைமுறை இருந்ததாக கூறப்படுகின்றது.
இந்நிலையில் தான் இத்தகைய பிரிட்டிஷ் காலனித்துவ வெள்ளை துண்டு நடைமுறையை கைவிட வேண்டும் என்று மணிப்பூரை சேர்ந்த 14 வயது இயற்கை ஆர்லவலரும், சிறுமியுமான லிசிபிரியா கங்குஜமின் கூறியிருந்தார்.
இதற்கு முதல்வர் செவிசாய்க்கும் முகமாக அவருடைய இருக்கையில் வெள்ளை துண்டு பயன்படுத்துவதை நிறுத்தி உள்ளார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
