லங்காசிறி FM
இரண்டாவது திருமணம் செய்து கொள்வாரா சமந்தா? அவரே கூறிய பதில்
நடிகை சமந்தா இரண்டாவது திருமணம் குறித்து கேட்ட கேள்விக்கு வித்தியாசமான பதிலை அளித்துள்ளது வைரலாகி வருகின்றது.
நடிகை சமந்தா
தமிழ் மற்றும் தெலுங்கு திரையுலகில் முன்னணி நடிகையாக வலம்வரும் சமந்தா தற்போது தொடர்ந்து மருத்துவ பரிசோதனையில் இருந்து வருகின்றார்.
சென்னையில் பிறந்து ஸ்டெல்லா மேரிஸ் கல்லூரியில் படிப்பை முடித்த அவர் 2010ம் ஆண்டு வெளியான விண்ணைத்தாண்டி வருவாயா படத்தின் மூலம் நடிகையாக அறிமுகமானார்.
அதனைத் தொடர்ந்து பானா காத்தாடி திரைப்படத்தில் நடித்திருந்தார். தொடர்ந்து முன்னணி நடிகர்களுடன் பல படங்களில் நடித்த இவர் தெலுங்கு திரையுலகிலும் முன்னணி நடிகையானார்.
தெலுங்கு பட நடிகரான நாக சைதன்யா என்பவரை 2017ம் ஆண்டு காதலித்து திருமணம் செய்து கொண்ட இவர்கள் 2021ம் ஆண்டு விவாகரத்து பெற்று பிரிந்தனர்.
அரிய வகை நோயினால் பாதிக்கப்பட்டிருக்கும் சமந்தா அவ்வப்போது நடிப்பிலும் கவனம் செலுத்தி வருகின்றார்.
இரண்டாவது திருமணம்
தற்போது சினிமாவிலிருந்து சிறிது ஓய்வு எடுத்து வரும் சமந்தா, குஷி படத்தில் நடித்தபோது விஜய் தேவரகொண்டாவை காதலிப்பதாக கிசுகிசுக்கள் கிளம்பின.
இந்த பேச்சு இருவரிடமிருந்து எந்தவொரு பதிலும் இல்லாமல் இருக்கும் நிலையில், இருவரும் அமைதி காத்து வருகின்றனர். இந்நிலையில் அந்த விவகாரம் குறித்து சமந்தாவிடம் ரசிகர் ஒருவர் நீங்கள் இரண்டாவது திருமணம் செய்துகொள்வீர்களா என கேள்வி எழுப்பினார்.
இதற்கு பதிலளித்த சமந்தா, அது தவறான முடிவு... 2023ஆம் ஆண்டு நிலவரப்படி முதல் திருமணம் செய்தவர்களின் விவாகரத்து சதவீதம் 50 சதவீதம் என்றும் இரண்டாவது திருமணம் செய்தவர்களின் விவாகரத்து 67 சதவீதம் என்றும் மூன்றாவது திருமணம் செய்துகொண்டவர்களின் விவாகரத்து 73 சதவீதம் என்று குறிப்பிட்டு தனது இரண்டாவது திருமணம் குறித்து நச்சென்று பதிலளித்துள்ளார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP இல் இணையுங்கள். JOIN NOW |
துன்னாலை தெற்கு, ஜேர்மனி, Germany, நெதர்லாந்து, Netherlands, கனடா, Canada
16 May, 2021
