லங்காசிறி FM
ஏ.ஆர்.ரஹ்மான் சர்ச்சைக்கு மனைவி பதிலடி- இணையத்தை ஆக்கிரமிக்கும் Audio
“ஏ.ஆர்.ரகுமான் மீது அவதூறு பரப்பாதீர்கள். அவர் அற்புதமான மனிதர்..” என மனைவி சாயிரா பானு வெளியிட்ட ஆடியோ சமூக வலைத்தளங்களில் படு வைரலாக சென்றுக் கொண்டிருக்கின்றது.
ஏ.ஆர் ரகுமான்- சாய்ரா
யாரும் எதிர்பார்க்காத வகையில், ஏ.ஆர் ரகுமான் அவருடைய காதல் மனைவி சாய்ராவை பிரியப் போவதாக சமூக வலைத்தளங்களில் தகவல் வெளியாகியுள்ளது.
இவர், தென்னிந்திய சினிமாவில், மூத்த இசையமைப்பாளராக, மிகச்சிறந்த மனிதனாக திகழ்ந்து வந்தார்.
மாறாக ரஹ்மான் பல மேடைகளில் மனைவி மீதுள்ள காதலை மகிழ்ச்சியாக வெளிப்படுத்தியிருந்தார்.
இப்படியொரு சமயத்தில் இவர்கள் இருவரும் பிரிந்து வாழ்வது ரசிகர்களுக்கு பெரும் சோகத்தை ஆழ்த்தியுள்ளது.
சர்ச்சைகளுக்கு முற்றுப்புள்ளி வைத்த சாயிரா பானு
இந்த நிலையில், ஏ.ஆர் ரகுமான் பற்றிய வதந்திகள் சமீபக் காலமாக சமூக வலைத்தளங்களில் வைரலாகி வந்தன. இதற்கெல்லாம் முற்றுப்புள்ளி வைக்கும் விதமாக டுவிட்டர் பக்கத்தில் அறிக்கையொன்றை வெளியிட்டிருந்தார்.
இதனை தொடர்ந்து இன்றைய தினம் சாயிரா பானு ஏ.ஆர் ரகுமான் மீதுள்ள காதலையும், விவாகரத்திற்கான காரணத்தையும் கூறி ஆடியோ ஒன்றை பகிர்ந்துள்ளார்.
அதில், “ நான் உடல்நிலை சரியில்லாமல் மும்பையில் இருக்கிறேன். அது குணமானவுடன் சென்னைக்கு வருவேன்.. இதன் காரணமாகவே நாங்கள் இருவரும் பிரிந்து வாழ்ந்து வாழ முடிவு செய்தோம். விவாகரத்து பற்றிய மேலதிக தகவல்களை பொதுவெளியில் கூற முடியாது. மாறாக எங்களுக்கான தனிப்பட்ட விடயங்கள் குறித்து சர்ச்சைகளை பரப்ப வேண்டாம். ஏ.ஆர் ரகுமான் அற்புதமான மனிதர். அவருடைய பெயரை வீணாக்க வேண்டாம்...” என பேசியுள்ளார்.
இது தொடர்பான செய்திகள் சமூக வலைத்தளங்களில் பரவலாக உள்ளன. அத்துடன் ஏ.ஆர் ரகுமான் ரசிகர்கள், ஆதரவளிக்கும் வகையில் கருத்துக்களை பகிர்ந்து வருகிறார்கள்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
பருத்தித்துறை, வாணக்குடியிருப்பு, தம்பசிட்டி, கொழும்பு, London, United Kingdom
28 May, 2026
