வீட்டில் பச்சரிசி இல்லையா இதில் பொங்கல் செய்ங்க - எளிமையாக எப்படி செய்வது?

பச்சரிசி வீட்டில் இல்லை என்றாலோ அல்லது பொங்கல் பிடிக்காதவர்களுக்கு பொங்கல் செய்தாலோ இந்த சாமை பொங்கலை செய்து சாப்பிடலாம்.

சக்கரை பொங்கலை கோவில் மணம் மாறாமல் செய்யணுமா? இந்த டிப்ஸ் போதும்

சாமை பொங்கல் ரெசிபி

பொங்கல் செய்ய வேண்டும் என்றால் அதற்கு பச்சரிசி தான் செய்ய வேண்டும் என்றில்லை. நாம் தானியங்களை வைத்து கூட பொங்கல் செய்யலாம். 

அவை சுவையானது மட்டுமன்றி ஆரோக்கியமானதும் கூட.சிறுதானியங்களில் 25 சதவீத புரதமும் அதிக அளவு நார்ச்சத்தும் உள்ளது. அதோடு வைட்டமின் ‘ஈ’, வைட்டமின் ‘பி’ காம்ப்ளக்ஸ், நியாசின், தயமின் மற்றும் ரிபோபிளேவின் போன்றவை நிறைந்துள்ளன.

எனவே நமது உணவில் fம்பு சாமை போன்ற சிறுதானியங்களை சேர்த்து கொள்வது மிகவும் நல்லது. 

குறிப்பாக சிறுதானியங்களை மையமாக வைத்து, டேஸ்டியான அதே நேரத்தில் ஹெல்தியான பொங்கலை தயார் செய்யலாம். அப்படி இந்த பொங்கலுக்கு சாமையை வைத்து சர்க்கரை பொங்கல் எப்படி செய்வது என்று பார்க்கலாம்.

தேவையானப் பொருட்கள்

1. சாமை – 1 டம்ளர்
2. பாசிப்பருப்பு – 1/4 டம்ளர்
3. தண்ணீர் – 4 1/2 டம்ளர்
4. வெல்லம் – 1 டம்ளர் (பொடித்தது)
5. ஏலக்காய் – 4
6. தேங்காய் துருவல் - 1/4 டம்ளர்
7. முந்திரி பருப்பு – 6-8

செய்முறை

முதலில் 30 நிமிடம் சாமை மற்றும் பாசிப்பருப்பை தனித்தனியாக ஊற வைத்துக் கொள்ளவும். பின்னர் ஒரு பாத்திரத்தில், 1 டம்ளர் தண்ணீர் ஊற்றி கொதிக்க விடவும். பின்னர் பாசிப்பருப்பை, ஒருமுறை கழுவி விட்டு, கொதிக்கும் நீரில் போட்டு வேகவைக்கவும்.

பாசிப்பருப்பு பாதி வெந்த பின்னர், சாமை அரிசியை போட்டு, மீதமுள்ள 3 1/2 குவளை தண்ணீரையும் ஊற்றவும். இடையிடையே அடிபிடிக்காமல் கிளறி விடவும்.

தூளாக்கிய வெல்லத்தை ஒரு பாத்திரத்தில் போட்டு 1/4 குவளை நீர் ஊற்றி, அடுப்பில் வைத்து 3 நிமிடங்கள் கொதிக்க வைக்கவும். பின்னர் அதை வடிகட்டி வைத்துக் கொள்ளவும்.

சுத்தமான வெல்லமாக இருந்தால் அப்படியே பயன்படுத்தலாம். முந்திரி பருப்பை நெய்யில் பொன்னிறமாக வறுத்துக் கொள்ளவும்.

சாமை அரிசியும், பாசிப்பருப்பும் நன்றாக வெந்து, குழைவான பதத்தை அடைந்ததும், அதில் பொடித்து வைத்துள்ள வெல்லம் அல்லது வெல்லக் கரைசலை சேர்த்து நன்றாக கிளறவும்.

ஒரு ஐந்து நிமிடம் வரை அடுப்பில் வைத்திருந்து பின்னர் அடுப்பை அணைத்து விடவும். அதில் ஏலக்காய் தூள் மற்றும் முந்திரிப் பருப்பை சேர்த்து கிளறவும். தேவைப்பட்டால், பொங்கல் சூடு சற்று குறைந்ததும், தேங்காய் துருவல் சேர்த்து கிளறி சாப்பிலாம்.