உடல் எடையை குறைக்க இரவு உணவை தவிர்க்கின்றீர்களா? இந்த ஆபத்து உறுதி

Weight Loss Diabetes Blood Pressure

By Vinoja May 01, 2024 08:45 AM GMT

Vinoja

Report

பொதுவாகவே அனைவருக்கும் உடல் எடையை குறைத்து கட்டுக்கோப்பாக இருக்க வேண்டும் என்ற ஆசை இருக்கும்.

உடல் எடையை குறைப்பதற்காக, பலரும் பல்வேறு டயட் முறைமைகளை பின்பற்றுகின்றார்கள். இதற்காக அதிகமாக நேரத்தையும் பணத்தையும் செலவிடுபவர்களும் இருக்கத்தான் செய்கின்றார்கள்.

உடல் எடையை குறைக்க இரவு உணவை தவிர்க்கின்றீர்களா? இந்த ஆபத்து உறுதி | Risk Of Skipping Dinner To Lose Weight

ஆனால் உடல் எடையை குறைக்கும் நோக்கில் இரவு உணவை தவிர்ப்பதால் பல ஆரோக்கிய பிரச்சினைகளை சந்திக்க நேரிடும் என மருத்துவர்கள் எச்சரிக்கின்றனர். இது குறித்து இந்த பதிவில் பார்க்கலாம்.

பாதக விளைவுகள்

உடல் எடை அதிகரித்தால் விரும்பிய உடைகளை அணிய முடியாது பார்ப்பதற்கு வயதான தோற்றம் ஏற்படும் போன்ற காரணங்களுக்காக யாரும் எடை அதிகரிப்பதை விரும்புவதில்லை. எப்படியாவது உடல் எடையை குறைத்துவிட வேண்டும் என்பதற்காக பல்வேறு முயற்சிகளைில் ஈடுபடுகின்றனர்.

அதில் முக்கியமான ஒன்றுதான் இரவில் சாப்பிடாமல் பட்டினியாக இருந்து உடல் எடையை குறைக்க முயற்சிசெய்வது. இது ஆரம்பத்தில் பலன் கொடுப்பது போல் தோன்றினாலும் பின்னர் அபாயகரமான உடல் நலப்பிரச்சினைகளை தோற்றுவிக்கும்.

இவ்வாறு செய்வதால் உடல் மெட்டாபாலிசம் எனப்படும் வளர்ச்சிதை மாற்றத்தில் பாரிய பாதிப்புகளை ஏற்படுத்தும். பசி மற்றும் ஆசையை அதிகரிக்கச்செய்வதுடன் நுண்ணூட்டச் சத்து குறைப்பாட்டை ஏற்படுத்தும் என மருத்துவர்கள் குறிப்பிடுகின்றனர்.

இரவு உணவை தவிர்ப்பதால், தேவையற்ற உணவுப் பழக்க வழக்கங்கள் ஆரம்பிக்கும் தன்மை காணப்படுகின்றது. மேலும் இரவில் போதிய உணவு எடுத்துக்கொள்ளாத போத தூக்கமின்மை மற்றும் தூக்கம் சார்ந்த உடல் மற்றும் மனநல கோளாறுகளை ஏற்படுத்தும்.

இது உணவு எடுத்துக்கொள்ளும் மற்றும் பசி ஏற்படும் நேரத்தில் மாற்றத்தை ஏற்படுத்துவதால் செரிமானம் சார்ந்த பிரச்சினைகளை தோற்றுவிக்கும்.