கொலஸ்ட்ரால் அதிகரிப்பதற்கான காரணங்கள் என்ன... எப்படி கட்டுப்படுத்துவது?

கொலஸ்ரால் எனப்படுவது கெட்டகொழுப்பு ஆகும். இந்த கட்ட கொழுப்பு நிறைய பழக்கவழக்கங்களின் காரணமாக வருகின்றது.

 கொலஸ்ரால்

தற்போது மக்களிடையே அன்றாட வாழ்க்கை முறை மிகவும் வித்தியாசமானது. மாறிவரும் வாழ்க்கை முறை மற்றும் உணவுப் பழக்கவழக்கங்களால், அதிக கொழுப்பு ஒரு பொதுவான பிரச்சனையாகிவிட்டது.

இதய நோய் வராமல் தடுக்கும் உணவுகள் - எப்போது சாப்பிட வேண்டும்?

உடலில் இரண்டு வகையான கொழுப்புகள் உள்ளன. அதில் நல்ல கொழுப்பு ( HDL) மற்றும் கெட்ட கொழுப்பு (LDL). கெட்ட கொழுப்பு அதிகரிக்கும் போது, ​​அது இதய நோய் அபாயத்தை அதிகரிக்கும்.

மருத்துவர்கள் பலரும் கெட்ட கொழுப்பு உடலில் அதிகரிப்பதற்கு பின்னால் பல காரணங்கள் இருப்பதாக கூறுகிறார்கள். இந்த கெட்ட கொழுப்பை நாம் கட்டுப்படுத்தினால் தான் இதயநோய் ஆபத்திலிருந்து தப்பிக்க முடியும்.

ரத்த குழாய்களில் கொழுப்பு படிந்தால் இதயத்தில் ரத்தோட்டம் மிகவும் குறைவாக இருக்கும். இதனால் உடலுக்கு ரத்தம் ஓட்டம் சீராக இருக்காது.

சில நேரங்களில் மாரடைப்பு இந்த காரணத்தினாலும் வரலாம். எனவே அதிக கொழுப்பிற்கான காரணங்களையும் அதைக் கட்டுப்படுத்த என்ன செய்ய வேண்டும் என்பதையும் விரிவாக பார்க்கலாம்.

கொலஸ்ட்ரால் அதிகரிக்க என்ன காரணம்?

மோசமான உணவுமுறை : கெட்ட கொழுப்பு அதிகரிப்பதற்கு மோசமான உணவுப் பழக்கங்களே மிகப்பெரிய காரணம். நாம் தினமும் அதிக வறுத்த உணவுகள், துரித உணவு, பேக்கரி உணவுகள், சிவப்பு இறைச்சி மற்றும் அதிக கொழுப்புகள் நிறைந்த உணவுகள் எல்டிஎல் கொழுப்பை அதிகரிக்கின்றன.

 உடல் செயல்பாடு இல்லாமை: நாம் எடலை எப்போதும் பயிற்ச்சி கொடுக்கும் அளவில் செயற்படுத்தாமல் வைத்திருந்தால் உடலில் கெட்ட கொழுப்பு அதிகமாகும். இது தவிர தற்போது இருக்கும் மக்கள் நீண்ட நேரம் உட்கார்ந்து வேலை செய்கின்றனர். இதன்போது உடலுக்கு உடற்பயிற்சி இருக்காது. இதுவே உடலில் கொழுப்பு சேர வழிவகுக்கும்.

மன அழுத்தம் மற்றும் தூக்கமின்மை: தொழிநுட்ப வளர்ச்சியால் பலலும் இயற்கையான வாழ்க்கையை மறந்து தொழிநுட்பத்தினுள் சென்று விட்டனர். இதனால் மன அழுத்தம், தூக்கமின்மை, புகைபிடித்தல் மற்றும் அதிகப்படியான மது அருந்துதல் போன்ற பழக்கங்கள் வரும். இது  கொலஸ்ட்ரால் ஏற்றத்தாழ்வுகளை ஏற்படுத்தும். 

மரபணு காரணங்கள்: உங்கள் மரபணு காரணமாகவும் இந்த நோய் வரும். என்னதான்  நீங்கள் ஆரோக்கியமான வாழ்க்கை முறையை கடைபிடித்தாலும் கூட இந்த கொலஸ்ரால் வரலாம். இந்த மரபணு நிலை, கல்லீரல் கெட்ட கொழுப்பை  அகற்றுவதைத் தடுக்கிறது, இது சிறு வயதிலேயே தமனிகளில் கொழுப்பு படிவதற்கு வழிவகுக்கும்.

 கொலஸ்ட்ரால் எவ்வாறு கட்டுப்படுத்தப்படும்?

கொழுப்பைக் கட்டுப்படுத்த நீங்கள் சாப்பிடும் உணவில் நெய், வெண்ணெய், முழு கொழுப்புள்ள பால் பொருட்கள் மற்றும் அதிக  கொழுப்பு உணவுகள் போன்ற போன்றவற்றை தவிர்க்கவும்.

இந்த உணவுகளுக்கு பதிலாக நார்ச்சத்து நிறைந்த  (ஓட்ஸ், பீன்ஸ், பழங்கள் மற்றும் காய்கறிகள்) சாப்பிடுவது நல்லது. ஒவ்வொரு நாளும் தொடர்ந்து உடற்பயிற்சி செய்யுங்கள்.

ஒரு ஆரோக்கியமான உடையை பராமரிப்பது அவசியம். மீன், நட்ஸ்கள்  மற்றும் சோயா பொருட்கள் உடலுக்கு நன்மை தரும். ஆரோக்கியமான சமையல் எண்ணெய்களை அளவோடு பயன்படுத்துவது அவசியம்.

தினமும் குறைந்தது 30 நிமிடங்கள் விறுவிறுப்பான நடைபயிற்சி, யோகா அல்லது வேறு உடல் செயல்பாடுகளைச் செய்வதை வழக்கப்படுத்தி கொள்ள வேண்டும். 

உயர் இரத்த ழுத்தம் இருந்தால் தென்படும் முக்கிய 7 அறிகுறிகள்