லங்காசிறி FM
பப்ளிக் டாய்லெட்டில் தங்கினேன்.. வறுமையில் வாடிய இளைஞர் இன்று கோடீஸ்வரானது எப்படி? விடாமுயற்சியின் ரகசியம்!
அமெரிக்காவில் உள்ள விர்ஜினியா மாகாணத்தைச் சேர்ந்தவர் Branden Condy. 25 வயது இளைஞரான இவர் சிறு வயதில் இருந்தே வறுமையில் போராடி வந்துள்ளார். சின்ன வயதிலேயே தந்தையை இழந்த Branden, தாயின் அரவணைப்பிலேயே வளர்ந்து வந்துள்ளார். ஒரு கட்டத்தில் Branden தாய் பார்த்து வந்த வேலையும் பறிபோன நிலையில் அவர்கள் தங்கியிருந்த வாடகை வீட்டிலிருந்து துரத்தப்பட்டுள்ளார்கள்.
இந்த சூழ்நிலையில், வேறு வழியில்லாமல் இருவரும் சாலையிலேயே வசித்து வந்துள்ளார்கள். அதன்பின்னர், 21 வயதில், பணக்காரர்களுக்கும் புகழ்பெற்றவர்களுக்கும் படகுகளை சுத்தம் செய்வதில் அவர் பணியாற்றினார். தற்போது Instagram Marketing Agency மற்றும் வேறு சில தொழில்கள் மூலமாக Branden இன்று கோடீஸ்வரராக மாறியுள்ளார்.
தற்போது இன்ஸ்டாகிராம் மூலமாக மட்டும் மாதத்திற்கு 25 ஆயிரம் டாலர் சம்பாதிக்கும் Branden, சிறு வயது முதலே தான் சம்பாதித்த பணத்தைச் சேமித்து வைத்திருந்ததாகக் கூறியுள்ளார். இதுகுறித்து பேசிய அவர், ''எங்களுக்கு வீடு இல்லாத நேரத்தில் நண்பர்களின் வீட்டில் தங்க இடம் கிடைக்குமா என அலைந்துள்ளேன்.
சில நேரங்களில் பப்ளிக் டாய்லெட்டில் கூட தங்கியிருக்கிறேன். ஆனால் நான் ஒரு போதும் நம்பிக்கையை மட்டும் இழக்கவில்லை. முதலில் நாம் நம்மை நம்ப வேண்டும். எந்த சூழ்நிலையிலிருந்தாலும் அதிலிருந்து மீண்டு வருவோம் என்ற நம்பிக்கை இருந்தால் நிச்சயம் வாழ்க்கையில் ஜெயிக்கலாம்'' என Branden உறுதியோடு கூறியுள்ளார்.
இலங்கையில் கிரிக்கெட் ஏன் மக்களை ஒன்றிணைக்கிறது? 12 நிமிடங்கள் முன்
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
