லங்காசிறி FM
ஓட்டல் சுவையில் உருளைக்கிழங்கு மசாலா குழம்பு செய்வது எப்படி?
தோசை, இட்லி, சூடான சாதத்தில் ஊற்றி சாப்பிட அருமையாக இருக்கும் இந்த உருளைக்கிழங்கு மசாலா குழம்பு. இன்று இந்த ரெசிபியை செய்வது எப்படி என்று பார்க்கலாம்.
தேவையான பொருட்கள்
- உருளைக்கிழங்கு - கால் கிலோ
- பூண்டு - 2 பல்
- வெங்காயம்
- தக்காளி
- கீறிய பச்சை மிளகாய் - தலா 1
- புளி - நெல்லிக்காய் அளவு
- கடுகு, உளுத்தம்பருப்பு, சீரகம், மஞ்சள்தூள் - தலா அரை டீஸ்பூன்
- கடலைப்பருப்பு, குழம்பு பொடி - தலா ஒரு டீஸ்பூன்
- கறிவேப்பிலை - சிறிதளவு
- எண்ணெய் - ஒரு டேபிள்ஸ்பூன்
- மிளகாய்த்தூள், உப்பு - தேவையான அளவு
செய்முறை
உருளைக்கிழங்கு, வெங்காயம், தக்காளியைப் பொடியாக நறுக்கி கொள்ளவும். கடாயில் எண்ணெய் விட்டு, காய்ந்ததும் கடுகு, உளுத்தம்பருப்பு, சீரகம், கடலைப்பருப்பு போட்டு தாளித்த பின்னர் நறுக்கிய வெங்காயம், பூண்டு, கீறிய பச்சை மிளகாய், கறிவேப்பிலை போட்டு வதக்கவும்.
வெங்காயம் நன்றாக வதங்கியதும் தக்காளியை சேர்த்து வதக்கவும். தக்காளி குழைய வதங்கியதும் உருளைக்கிழங்கு, உப்பு சேர்த்து நன்றாக வதக்கவும்.
மஞ்சள்தூள், மிளகாய்த்தூள், குழம்பு பொடி சேர்த்து வதக்கி, புளியைக் கரைத்து ஊற்றி, உப்பு போட்டு, நன்றாகக் கொதித்ததும் இறக்கவும்.
சூப்பரான உருளைக்கிழங்கு மசாலா குழம்பு ரெடி.
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
வட்டுக்கோட்டை, கொழும்பு, Sabah, Malaysia, Kuala Belait, Brunei, மெல்போன், Australia
26 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024