Vastu Tips:தவறுதலாக கூட வீட்டில் வைக்க கூடாத செடிகள்! மீறினால் பணக்கஷ்டத்தை ஏற்படுத்தும்

 வாஸ்து சாஸ்திரம் இந்து மதத்தில் மிகவும் முக்கியமாக பார்க்கப்படுகின்றது. இந்த பண்டைய அறிவியல் வீட்டில் எதிர்மறையை நீக்கி மகிழ்ச்சியையும் செழிப்பையும் தரும்.

சாஸ்த்திரம்: தொலைந்து போன அதிர்ஷ்டத்தை மீண்டும் கொண்டு வர பரிகாரம்- பெண்கள் செய்யலாமா?

இது தவிர வாழ்க்கையின் பல்வேறு அம்சங்களில் சமநிலையையும் நல்லிணக்கத்தையும் பராமரிக்க இது வழிவகுக்கும். அந்த வகையில் பார்த்தால் வாஸ்த்து சாஸ்திரம் நமது வாழ்க்கைக்கு நன்மையாக பல விஷயங்களை கூறுகின்றது.

தாவரங்கள் வீட்டில் நடுவது வழக்கம். ஆனால் சில தாவரங்கள் வாஸ்த்துப்படி வீட்டில் நடக்கூடாது என சாஸ்திரம் கூறுகின்றது. அந்த வகையில் தவறுதலாக கூட வீட்டில் நடக் கூடாத தாவரங்கள் பற்றி தான் நாம் இந்த பதிவில் பார்க்கப்போகின்றோம்.

வீட்டில் வளர்க்க கூடாத செடிகள்

முள் செடிகள்

வீட்டிற்குள் முட்செடிகளை நட கூடாது என சாஸ்திரத்தில் அறிவுறுத்தப்பட்டுள்ளது. இந்த தாவரங்களை வீட்டில் வைப்பதால் வீட்டில் எதிர்மறை மற்றும் தடைகளை அதிகரிக்கிறது. இது தவிர நிதி நிலையில் எதிர்மறையான தாக்கத்தை ஏற்படுத்தும்.

இவை பணப்புழக்கத்தை சீர்குலைத்து திடீர் செலவுகள் மற்றும் நிதி நெருக்கடிகளை ஏற்படுத்தும். இந்த செடிகளை வீட்டில் வைத்திருந்தால் பணம் வீணாகி பண வரவு குறைய ஆரம்பிக்கும்.

பொன்சாய் செடிகள்

சிறிய தாவரங்களை வைக்க கூடாது. அதாவது ஒரு கட்டத்திற்கு மேல் இந்த தாவரங்கள் வளராது அதுபோன்ற தாவரங்களை வீட்டில் வைக்க கூடாது. இதில் பொன்சாய் தாவரங்கள் அடங்கும்.இந்த சிறிய தாவரங்கள் வளர்ச்சியில் தடைகளை அடையாளப்படுத்துவதாக நம்பப்படுகிறது.

பொன்சாய் தாவரங்கள் வாஸ்துவில் பரிந்துரைக்கப்படவில்லை, ஏனெனில் அவை மெதுவான அல்லது குன்றிய வளர்ச்சியைக் குறிக்கின்றன. இந்த செடிகளை எந்த நோக்கத்தை கொண்டும் எங்கும் வைக்க கூடாது.

மருதாணி செடி

மருதாணி செடிகள் என்றால் அனைவருக்கும் பிடிக்கும். ஆனால் இந்த டெிகளை வீட்டில் வளர்க்க கூடாது. அப்படி மீறி வைத்தால் இது வீட்டிற்குள் எதிர்மறையைக் கொண்டுவருவதாக நம்பப்படுகிறது.

வீட்டில் அதிகமான பிரச்சனைகளை இது உருவாக்கும். இது வாஸ்துவில் துரதிர்ஷ்டவசமாக கருதப்படுகின்றன. வாஸ்து சாஸ்திரத்தின் படி, இந்த தாவரங்கள் தீய சக்திகளை அடைவதாக நம்பப்படுகிறது மற்றும் வீட்டிற்கு எதிர்மறை எண்ணங்களையும் ஆற்றலையும் கொண்டு வரும்.

புளி மரம்

வீட்டிற்குள் புளியமரம் நடுவது அசுபமாக கருதப்படுகிறது. இது எதிர்மறை ஆற்றலை ஈர்க்கிறது என்று கூறப்படுகிறது, இது வீட்டின் நல்லிணக்கத்தில் ஏற்றத்தாழ்வை ஏற்படுத்தும்.புளி மரங்கள் வாஸ்து கொள்கைகளின்படி எதிர்மறை ஆற்றலை ஈர்க்கும் என்று நம்பப்படுகிறது.

மேலும் இதை வீட்டிற்கு அருகில் நடவு செய்வதைத் தவிர்க்கவும். இது தவிர இறந்த தாவரங்களை வீட்டில் நட கூடாது.தாவரங்கள் எப்போதும் புதியதாகவும், பச்சை நிறமாகவும், பூக்கும் பூக்களுடன் இருப்பது அவசியம்.

Daily Rasipalan: சனிப் பெயர்ச்சியால் அதிர்ஷ்டம் பெறும் ராசிக்காரர்கள்- உங்க ராசி இருக்கா?

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).