OnePlus 9RT; அட்டகாசமான வசதிகளுடன் வெளியானது ஒன்பிளஸ் 9 ஆர்டி

ஸ்மார்ட்போன் சந்தையில் ஒன்பிளஸ் போன் மிகவும் மக்களால் விரும்பி வாங்கப்படும் ஒரு போன். ஒன்பிளஸ் நிறுவனம் கடந்த ஆண்டு அக்டோபர் மாதம் ஒன்பிளஸ் 9ஆர்டி ஸ்மார்ட்போனை சீன சந்தையில் அறிமுகப்படுத்தியது.

மேலும், இந்த ஸ்மார்ட்போன் டிசம்பர் மாதத்திலேயே இந்தியாவில் அறிமுகம் செய்யப்படும் என கூறப்பட்டிருந்த நிலையில், ஜனவரி 14ஆம் தேதி இந்தியாவில் வெளியிடப்பட்டது.

இதில், ஆக்டாகோர் ஸ்னாப்டிராகன் 888 பிராசஸர் உடன் சேர்ந்த அட்ரினோ 660gpu கிராபிக்ஸ் எஞ்சின் கொண்டு ஒன்பிளஸ் 9ஆர்டி (OnePlus 9RT) ஸ்மார்ட்போன் வெளியாகியுள்ளது. 6.62 அங்குல முழுஅளவு எச்டி+ புளூயிட் அமோலெட் பேனலுடன், 120 ஹெர்ட்ஸ் ரிப்ரஷ் ரேட் கொண்ட தொடுதிரை உள்ளது.

மேலும், ஆண்ட்ராய்டு 11 இயங்குதள பதிப்புடன் இந்த ஸ்மார்ட்போன் வெளியாகியிருக்கும் நிலையில், விரைவில் புதிய ஆண்ட்ராய்டு 12 இயங்குதள பதிப்பின் அப்டேட் கிடைக்கும் என நிறுவனம் தெரிவித்துள்ளது.

இந்த போனில் சோனி நிறுவனத்தின் 50 மெகாபிக்சல் முதன்மை கேமரா சென்சார் ஆப்டிகல் இமேஜ் ஸ்டெபிலைசேஷனுடன் வருகிறது. மேலும், 16 மெகாபிக்சல் அல்ட்ரா வைட் கேமராவும், 2 மெகாபிக்சல் மேக்ரோ கேமரா என பின்புறம் மூன்று கேமரா சென்சார்கள் கொண்ட கேமரா அமைப்பு உள்ளது.

இதில் ஆட்டோ போக்கஸ் அம்சமும் கூடுதலாக கொடுக்கப்பட்டுள்ளது. முன்பக்கம் 16 மெகாபிக்சல் கொண்ட சோனி நிறுவனத்தின் செல்பி கேமரா உள்ளது. 5-ஜி ஆதரவு ஒன்பிளஸ் 9ஆர்டி ஸ்மார்ட்போனில் உள்ளது.

புதிய வைஃபை 6, ப்ளூடூத் 5.2 ஆப்டெக்ஸ் கோடெக் (aptX), என்எப்சி (NFC) ஆகிய இணைப்பு ஆதரவைக் கொண்டுள்ளது. இதை தவிர்த்து அக்செலெரோமீட்டர், கைரோஸ்கோப், புராக்சிமிட்டி, சுற்றுப்புற ஒளி, பிளிக் டிடெக்ட் ஆகியவற்றை தீர்மானிக்கும் சென்சார்களும் இந்த ஸ்மார்ட்போனில் உள்ளது.

டைப்-சி ஆதரவு கொண்ட ஹெட்போன், சார்ஜிங் ஜாக் மற்றும், ஸ்டீரியோ ஆதரவு கொண்ட இரட்டை ஸ்பீக்கர்களை கொண்ட இந்த ஸ்மார்ட்போனில் டால்பி அட்மாஸ் ஒலியமைப்பும் உள்ளது.

ஆனால், 3.5mm ஹெட்போன் ஜாக் கொடுக்கவில்லை. 4500mAh பேட்டரியுடன் இதனை ஊக்குவிக்க 65-டி விராப் சார்ஜ் ஆதரவு உள்ளது. இந்த ஸ்மார்ட்போனை 15 நிமிடத்தில் 65% விழுக்காடு சார்ஜ் செய்ய முடியும் என நிறுவனம் விளம்பரப்படுத்தி வருகிறது.

இதன் 8-ஜிபி ரேம் + 128ஜிபி ஸ்டோரேஜ் விலை ரூ. 42,999 எனவும், 12-ஜிபி ரேம் + 256ஜிபி ஸ்டோரேஜ் விலை ரூ. 46,999 எனவும் நிர்ணயம் செய்யப்பட்டுள்ளது.