அசத்தலான அம்சங்களுடன் வெளியான Mi Smart Band 6- விலை இவ்வளவு தானா?

இந்தியாவில் சியோமி நிறுவனத்தின் லேட்டஸ்ட் ஃபிட்னஸ் ட்ராக்கர் Mi ஸ்மார்ட் பேண்ட் 6 தற்போது அறிமுகம் செய்யப்பட்டுள்ளது.

இந்த புதிய ஸ்மார்ட் பேண்ட்டை பொறுத்தவரை, கடந்த ஆண்டு இந்த சீன நிறுவனம் அறிமுகப்படுத்திய Mi ஸ்மார்ட் பேண்ட் 5-வின் வாரிசாக இந்த புதிய பிட்னஸ் பேண்ட் வருகிறது.

இதில், Mi ஸ்மார்ட் பேண்ட் 6 ஒரு பெரிய AMOLED டச் டிஸ்ப்ளேவைக் கொண்டுள்ளது, இது அதன் முன்னோடிகளை விட 50 சதவிகிதம் அதிக டிஸ்பிளேவை வழங்குகிறது.

மேலும், இந்த லேட்டஸ்ட் Xiaomi பிட்னஸ் பேண்ட் ஆனது ஹார்ட் ரேட் மானிட்டர், SpO2 அளவீடு மற்றும் ஸ்லீப் மானிட்டர் உள்ளிட்ட அம்சங்களும் பேக் செய்கிறது. Mi ஸ்மார்ட் பேண்ட் 6 இந்தியாவில் ரூ.3,499 க்கு வாங்க கிடைக்கும்.

இது ஆகஸ்ட் 30 முதல் அமேசான், Mi.காம் மற்றும் மி ஹோம் ஸ்டோர்ஸ் வழியாக வாங்க கிடைக்கும். இது கருப்பு நிற வ்ரிஸ்ட் ஸ்ட்ராப் உடன் வருகிறது, இருப்பினும் வாடிக்கையாளர்கள் மற்ற வண்ண ஸ்ட்ராப்களையும் - அதாவது Blue, Light Green, Maroon மற்றும் Orange - பெறலாம்.

சலுகைகளை பொறுத்தவரை, தற்போதுள்ள மி பேண்ட் பயனர்கள் இதை வாங்கும் போது ரூ.500 என்கிற தள்ளுபடியை பெறுவார்கள்.

Mi ஸ்மார்ட் பேண்ட் 6 சிறப்பு அம்சங்கள்

- 1.56 இன்ச் (152x486 பிக்சல்கள்) Full Screen AMOLED டச் டிஸ்ப்ளே

450 நிட்ஸ் பீக் ப்ரைட்னஸ்

326ppi பிக்சல் டென்சிட்டி

தனிப்பயனாக்கப்பட்ட அனுபவத்தை வழங்க தீம்ஸ் மற்றும் 80 க்கும் மேற்பட்ட பேண்ட் பேஸ்கள்

30 வகையான உடற்பயிற்சிகளை கண்காணிக்க இன்பில்ட் சென்சார்கள்

உட்புறப் பயிற்சிகள், கிரிக்கெட் மற்றும் ஜிம்னாஸ்டிக்ஸ் போன்ற தொழில்முறை விளையாட்டுகள் மற்றும் ஜூம்பா உள்ளிட்ட செயல்பாடுகளும் இதில் அடங்கும்

மற்ற ஃபிட்னஸ் டிராக்கிங் ரிஸ்ட் பேண்டுகளைப் போலவே, மி ஸ்மார்ட் பேண்ட் 6 ஆனதும் இதயத் துடிப்பு கண்காணிப்பு மற்றும் தூக்கத்தைக் கண்காணிக்க அதன் உள்ளமைக்கப்பட்ட சென்சார்களைப் பயன்படுத்துகிறது

இதன் மேம்பட்ட ஸ்லீப் டிராக்கிங் ஆனது rapid eye movement (REM) மற்றும் sleep breathing quality உட்பட பல வகையான தூக்க கண்காணிப்பு செயல்பாதுகளை நிகழ்த்தும்

இதில் SpO2 அளவீட்டு ஆதரவும் உள்ளது. இருப்பினும், மி ஸ்மார்ட் பேண்ட் 6 ஆனது மருத்துவ உபகரணமாகச் செயல்படுவதற்கு எந்தவொரு ஒழுங்குமுறை ஒப்புதலையும் பெறவில்லை என்பது குறிப்பிடத்தக்கது.

உடல்நல கண்காணிப்புக்கு, Mi ஸ்மார்ட் பேண்ட் 6-இல் stress monitoring, deep breathing guidance function மற்றும் பெண்கள் ஆரோக்கியம் சார்ந்த கண்காணிப்பு போன்றவைகளும் உள்ளது Mi ஸ்மார்ட் பேண்ட் 6-ஐ ஒரு முறை சார்ஜ் செய்தால் 14 நாட்கள் வரை பேட்டரி ஆயுளை வழங்கும் என்று Xiaomi கூறுகிறது.

இது 5 ஏடிஎம் நீர் எதிர்ப்பு சான்றிதழை பெற்றுள்ளது விரைவான கிளிப்-ஆன் மற்றும் கிளிப்-ஆஃப் சார்ஜிங்கிற்கு ஒரு மேக்னெடிக் போர்ட்டையும் கொண்டுள்ளது.

அழைப்புகள் மற்றும் மெசேஜ்களுக்கான notification alerts-ஐ வழங்கவும் பயன்படுத்தப்படலாம் மற்றும் இணக்கமான ஸ்மார்ட்போனுடன் இணைக்கப்படும்போது ம்யூசிக் கண்ட்ரோல் மற்றும் கேமரா ரிமோட் ஷட்டர் போன்ற அம்சங்களும் அணுக கிடைக்கும்.

Mi ஸ்மார்ட் பேண்ட் 6 ஆணையு ப்ளூடூத் v5.0 (BLE) இணைப்புடன் வருகிறது மற்றும் Android மற்றும் iOS சாதனங்களை ஆதரிக்கிறது. - அளவீட்டில் இது 47.4x18.6x12.7 மிமீ மற்றும் எடையில் 12.8 கிராம் உள்ளது.