கன்னியில் நுழையும் புதன்: பாதக பலன்களை சந்திக்கப்போகும் டாப் 3 ராசிகள்!

ஜோதிடத்தில் கிரகங்களின் இளவரசனாகக் கருதப்படுபவர் புதன். புதன் புத்திசாலித்தனம், பேச்சுத்திறன், கல்வி, வியாபாரம் உள்ளிட்டவற்றின் காரணியாக விளங்குகிறார்.மேலும், மிதுனம் மற்றும் கன்னி ஆகிய இரு ராசிகளுக்கும் புதனே அதிபதியாக உள்ளார்.

அந்தவகையில்,  பல்வேறு சிறப்புகளைக் கொண்ட புதன், சந்திரனுக்கு அடுத்தபடியாக குறுகிய காலத்திலேயே ராசியை மாற்றக்கூடிய கிரகமாகக் கருதப்படுகிறார். தற்போது புதன் சிம்ம ராசியில் பயணித்து வரும் நிலையில், செப்டம்பர் 7ஆம் தேதி தனது ராசியை மாற்றவுள்ளார்.

இந்தப் பெயர்ச்சியின்போது புதன் தனது சொந்த ராசியான கன்னி ராசிக்குள் நுழைகிறார். புதன் தனது சொந்த ராசியான கன்னிக்குச் செல்வது ஜோதிட ரீதியாக சிறப்பானதாகக் கருதப்படுகிறது.

இந்தப் பெயர்ச்சியின் தாக்கத்தால் சில ராசிக்காரர்களுக்கு அதிர்ஷ்டமும், வாழ்க்கையில் பல்வேறு நன்மைகளும் கிடைக்க வாய்ப்புள்ளது.

அதே நேரத்தில், சில ராசிக்காரர்கள் எதிர்பாராத பிரச்சனைகளை சந்திக்க நேரிடலாம். குறிப்பாக, சிலருக்கு பணம் தொடர்பான பிரச்சனைகள், உறவுகளில் கருத்து வேறுபாடுகள், மன அழுத்தம் உள்ளிட்ட சிரமங்கள் ஏற்பட வாய்ப்புள்ளதாக ஜோதிடத்தில் கூறப்படுகிறது.

அப்படி புதன் ராசி மாற்றத்தால் பெருமளவில் பாதக பலன்களை அனுபவிக்கப்போகும் ராசியினர் யார் யார் என இந்த பதிவில் பார்க்கலாம்.

துலாம்

உயிரே போனாலும் செய்த தவறை ஒப்புக்கொள்ளாத டாப் 3 ராசிகள்! உங்க ராசியும் இதுவா?

துலாம் ராசியின் 12-வது வீட்டிற்கு புதன் செல்கிறார். இதனால் செலவுகள் அதிகரிக்கலாம். ஆன்லைன் ஷாப்பிங், பயணம் போன்றவற்றில் அதிகம் செலவிட வாய்ப்புள்ளதால், பண விஷயத்தில் கவனம் தேவை.

வருமானத்தைவிட செலவுகள் அதிகரிப்பதால் சேமிப்பதில் சிரமம் ஏற்படலாம். முதலீடு செய்வதாக இருந்தால் ஒன்றுக்கு இரண்டு முறை யோசித்து, ரிஸ்க் எடுப்பதைத் தவிர்க்கவும்.யாரிடமும் கடன் வாங்காமல் இருப்பது நல்லது.

பணியிடத்திலும், குடும்ப உறவுகளிடத்திலும் ஏற்படும் சிறிய வாக்குவாதங்கள் பெரிய மோதலாக மாற வாய்ப்புள்ளது.எனவே இவ்வாறான சூழ்நிலைகளை தவிர்ப்பது அவசியம்.

கும்பம்

கும்ப ராசியின் 8-வது வீட்டிற்கு புதன் செல்கிறார். இதனால் பண விஷயங்களில் கவனம் அவசியம்.எந்த ஆவணத்திலும் கையெழுத்திடும் முன் முழுமையாகப் படித்துப் பார்க்க வேண்டும்.

புதிய முதலீடுகளைத் தவிர்ப்பது சிறப்பு இல்லாவிட்டால், இழப்புகளை சந்திக்க நேரிடும். கூட்டு தொழில் செய்பவர்கள் கவனக்குறைவைத் தவிர்க்க வேண்டும்.

பணிபுரிபவர்கள் அலுவலகத்தில் அவசரப்படாமல் செயல்படுவதுடன், பேச்சிலும் கட்டுப்பாட்டைக் கடைப்பிடிக்க வேண்டும். குறிப்பாக இந்த காலகட்டத்தில் வாக்குவாதங்களை தவிர்ப்பது முக்கியம்.

மீனம்

நாளை முதல் மகாலட்சுமி ராஜயோகம்: இந்த 5 ராசிகளுக்கு பொற்காலம் ஆரம்பம்!

மீன ராசியின் 7-வது வீட்டில் புதன் செல்கிறார். இதனால் பேச்சில் கவனம் தேவை. அவசரப்பட்டு வார்த்தைகளை விடுவதையும், சிறு விஷயங்களுக்காக வாக்குவாதத்தில் ஈடுபடுவதையும் தவிர்த்து நிதானமாக செயல்பட வேண்டும்.

கூட்டு வணிகம் செய்பவர்கள் புதிய ஒப்பந்தங்களை இறுதி செய்வதற்கு முன் ஆவணங்களை நன்கு படித்துப் புரிந்துகொள்ள வேண்டும்.

தவறான புரிதல்கள், சந்தேகங்கள் மற்றும் அவசர முடிவுகளைத் தவிர்த்தால் பல பிரச்சனைகளைத் தவிர்க்கலாம். குறிப்பாக புதிய சொத்து வாங்கும் விடயங்களை இந்த காலகட்டத்தில் தவிர்க்க வேண்டும். 

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).