புதன் பெயர்ச்சியால் உருவாகும் புதாதித்ய ராஜயோகம்: 6 ராசிகளுக்கு அமோக பலன்கள் உறுதி!

ஜோதிட சாஸ்திரத்தின் பிரகாரம் கிரகங்களின் இளவரசனாகக் கருதப்படும் புதன், புத்திசாலித்தனம், பேச்சு, கல்வி மற்றும் வியாபாரத்தின் காரணியாக விளங்குகிறார்.

சந்திரனுக்கு அடுத்தபடியாக குறுகிய காலத்தில் ராசியை மாற்றும் கிரகமாகவும் புதன் கருதப்படுகிறார். தற்போது கடக ராசியில் பயணிக்கும் புதன், ஆகஸ்ட் 22-ஆம் தேதி சூரியனின் சிம்ம ராசிக்குள் நுழைந்து, செப்டம்பர் 07 வரை அங்கு இருப்பார்.

சிம்மத்தில் ஏற்கனவே அதன் அதிபதியான சூரியன் இருப்பதால், புதன்-சூரியன் சேர்க்கையால் புதாதித்ய ராஜயோகம் உருவாகும்.இது மிகவும் மங்களகரமான யோகமாகக் கருதப்படுகிறது.

இந்த யோகம் வாழ்க்கையில் நல்ல மாற்றங்களையும் முன்னேற்றத்தையும் ஏற்படுத்துவதுடன், தன்னம்பிக்கை, முடிவெடுக்கும் திறன் மற்றும் படைப்பாற்றலையும் அதிகரிக்கும்.

இந்த புதன் பெயர்ச்சியின் தாக்கம் மேஷம் முதல் மீனம் வரையிலான அனைத்து ராசிக்காரர்களுக்கும் இருந்தாலும், 6 ராசிக்காரர்கள் சிறப்பான பலன்களைப் பெறவுள்ளனர். அந்த அதிர்ஷ்ட ராசிக்காரர்கள் யார் யார் என இந்த பதிவில் பார்க்கலாம்.

கடல்கள் அனைத்தும் நன்னீராக மாறினால்… பூமிக்கு என்ன ஆகும்? அதிர்ச்சியளிக்கு தகவல்!

மிதுனம்

மிதுன ராசியின் 3-ம் வீட்டிற்கு புதன் செல்கிறார். இதனால் பேச்சுத்திறன் மேம்பட்டு, அதன் மூலம் பல முக்கிய பணிகளை வெற்றிகரமாக முடிவடையும்.

வணிகம், மார்கெட்டிங், கல்வி, எழுத்துத் துறையினருக்கு முன்னேற்றம் கிடைக்கும். வேலை தொடர்பான பயணங்களால் நல்ல நிதி ஆதாயமும் கிடைக்கும்.

சிம்மம்

சிம்ம ராசியின் முதல் வீட்டிற்கு புதன் செல்கிறார். இதனால் தன்னம்பிக்கை, தலைமைத்துவ திறன் அதிகரிக்கும். பணியிடத்தில் உங்கள் பேச்சுக்கு மதிப்பும் மரியாதையும் கிடைக்கும்.

வேலை, தொழிலில் புதிய வாய்ப்புகள் தேடி வரும். மாணவர்களுக்கும் இது சிறப்பான காலமாக இருக்கும்.

கன்னி

கன்னி ராசியின் 12-ம் வீட்டிற்கு புதன் செல்கிறார். திட்டமிட்ட காரியங்கள் வெற்றிகரமாக நிறைவேறும். தொழிலில் முன்னேற்ற வாய்ப்புகள் கிடைக்கும். மாணவர்களுக்கு படிப்பில் ஆர்வம் அதிகரிக்கும்.

ஆராய்ச்சித் துறையினருக்கு சாதகமான பலன்களும், ஆன்மீகத்தில் அதிக நாட்டமும் உண்டாகும். மனநிலையில் தெளிவு பிறக்கும்.

துலாம்

துலாம் ராசியின் 11-ம் வீட்டிற்கு புதன் செல்கிறார். இதனால் நல்ல நிதி ஆதாயம் கிடைக்கும். புதிய நட்புகள் மூலம் தொழிலை விரிவுபடுத்தும் வாய்பு அமையும்.

புதிய வழிகளில் வருமானம் வருவதற்கான வாய்ப்புகள் உருவாகும்.நீண்ட நாள் கடன் தொல்லைக்கு முற்றுப்புள்ளி வைப்பீர்கள்.

தனுசு

தனுசு ராசியின் 9-ம் வீட்டிற்கு புதன் செல்கிறார். இதனால் வெளிநாட்டுப் பயணம், வெளிநாட்டில் கல்வி அல்லது வேலை செய்வதற்கான வாய்ப்புகள் கிடைக்கலாம்.

நீதிமன்ற வழக்குகள் முடிவுக்கு வரும். போட்டித் தேர்வுகளுக்கு தயாராகுபவர்களுக்கு நல்ல செய்திகள் கிடைக்கும்.குடும்பத்தில் மகிழ்ச்சி அதிகரிக்கும்.

கும்பம்

மிதுனத்தில் செவ்வாய் பெயர்ச்சி :செப்டம்பர் 18 முதல் அதிர்ஷ்டம் அடிக்கப்போகும் ராசிகள்!

கும்ப ராசியின் 7-ம் வீட்டிற்கு புதன் செல்கிறார். வணிகம் மற்றும் கூட்டு தொழிலில் இருப்பவர்களுக்கு நல்ல லாபம் கிடைக்கும்.

பேச்சுத்திறன் மூலம் புதிய ஒப்பந்தங்கள் கிடைக்கும். வாழ்க்கைத்துணையுடனான உறவு மேம்பட்டு, திருமண வாழ்க்கை இனிமையாக இருக்கும். பணவரவு அதிகரிப்பதுடன், சட்ட விஷயங்களிலும் சாதகமான பலன்கள் கிடைக்கும்.

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).