லங்காசிறி FM
நினைவாற்றலை அதிகரிக்கும் வெண்டைக்காய் வடை... எப்படி செய்வது?
Vinoja
வெண்டைக்காயில் கார்போஹைட்ரேட், கொழுப்பு, புரதம், வைட்டமின் ஏ, வைட்டமின் சி, வைட்டமின் இ, வைட்டமின் கே, கால்சியம், இரும்புசத்துகள் ஆகியன நிறைந்து காணப்படுகின்றது.
இது கொலஸ்ட்ராலைக் குறைத்து மாரடைப்பு வராமல் தடுப்பதில் பெரிதும் துணைப்புரிகின்றது. வெண்டைக்காய் சாப்பிட்டால் அறிவு வளர்ச்சி உண்டாகும், மேலும் ஞாபக சக்தி அதிகரிக்கும்.
இரத்த சோகை, மூச்சிரைப்பு, கொலஸ்ட்ரால், மலச்சிக்கல், புற்றுநோய், நீரிழவு வயிற்றுப்புண், பார்வைக் குறைபாடு என அனைத்து நோய்களையும் தீர்க்கும் சிறந்த மருந்தாக வெண்டைக்காய் காணப்படுகின்றது.
இத்தனை சத்துக்கள் நிறைந்த வெண்டைக்காயை அதன் வளவளப்பு தன்மை காரணமாக பலரும் சாப்பிடுவதற்கு விரும்புவதில்லை.
வெண்டைக்காய் பிடிக்காதவர்களும் விரும்பி சாப்பிடும் வகையில் வெண்டைக்காயை வைத்து அட்டகாசமான சுவையில் மொறு மொறு வடை எவ்வாறு செய்யவாம் என இந்த பதிவில் பார்க்கலாம்.
தேவையான பொருட்கள்
கடலைப் பருப்பு - 1 கப்
வரமிளகாய் - 3
சோம்பு - 1/2 தே.கரண்டி
பூண்டு - 5 பல்
வெண்டைக்காய் - 10 (பொடியாக நறுக்கியது)
பெரிய வெங்காயம் - 1 (பொடியாக நறுக்கியது)
கொத்தமல்லி - சிறிது (பொடியாக நறுக்கியது)
கறிவேப்பிலை - சிறிது (பொடியாக நறுக்கியது)
உப்பு - சுவைக்கேற்ப
எண்ணெய் - பொரிப்பதற்கு தேவையான அளவு
செய்முறை
முதலாவதாக கடலைப் பருப்பை நீரில் 1 மணிநேரம் ஊற வைத்துக் கொள்ள வேண்டும். கடலைப் பருப்பு நன்கு ஊறியதும், அதை நீரில் கழுவி தனியாக வைத்துக் கொள்ளவும்
பின்னர் வரமிளகாய், பூண்டு, சோம்பு ஆகியவற்றை மிக்ஸி ஜாரில் போட்டு நன்றாக அரைத்துக்கொள்ள வேண்டும்.
பின்னர் அதனுடன் ஊற வைத்த கடலைப்பருப்பையும் சேர்த்து, தண்ணீர் சேர்க்காமல் கொரகொரவென்று அரைத்துக் கொள்ள வேண்டும்.
பின்னர் ஒரு பாத்திரத்தில் அரைத்ததை சேர்த்து, அத்துடன் பொடியாக நறுக்கிய வெங்காயம், கொத்தமல்லி மற்றும் கறிவேப்பிலை ஆகியவற்றுடன் தேவையான அளவு உப்பு சேர்த்து நன்றாக பிசைந்துக்கொள்ள வேண்டும்.
பின்னர் அதனுடன் பொடியாக நறுக்கிய வெண்டைக்காயை சேர்த்து கைகளால் நன்கு பிசைந்து கொள்ள வேண்டும்.
பின்னர் ஒரு பாத்திரத்தை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பிசைந்து வைத்துள்ள மாவை கொஞ்சம் கொஞ்சமாக எடுத்து உருட்டி வடை போன்று தட்டி, எண்ணெயில் போட்டு பொன்னிறமாக பொரித்து எடுத்தால் ஆரோக்கியம் மற்றும் சுவை நிறைந்த வெண்டைக்காய் வடை தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW |
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
