லங்காசிறி FM
125 நாட்கள் சிதையாமல் பாதுகாக்கப்பட்ட கமேனியின் உடல்! ஆச்சரியப்படுத்தும் எம்பாமிங் பின்னணி என்ன?
ஈரானின் அரசியல் வரலாற்றையே அதிரவைத்து அயதுல்லா அலி கமேனியின் மரணம். அவரின் இறுதி நிகழ்வுகள் தற்போது பொதுமக்கள் பார்வைக்கு திறக்கப்பட்டுள்ள நிலையில், ஒரு கேள்வி உலகம் முழுவதும் எதிரொலிக்கிறது.அது தான் 125 நாட்கள் கடந்தும் அவரது உடல் எப்படி சிதையாமல் பாதுகாக்கப்பட்டது?
போர்ச்சூழல் உச்சத்தில் இருந்த பிப்ரவரி 28 அன்று, அமெரிக்கா–இஸ்ரேல் கூட்டுத் தாக்குதலில் அவர் உயிரிழந்ததாக கூறப்பட்டதைத் தொடர்ந்து, ஈரானில் நிலவிய பதற்றம் காரணமாக உடனடி இறுதி சடங்குகள் நடத்த முடியாமல் போனது.
ஆச்சரியப்படுத்தும் எம்பாமிங் டெக்னிக்
அதன்பின் நீண்ட 125 நாட்கள், அவரது உடல் மிகுந்த ரகசியத்துடன் பாதுகாக்கப்பட்டதாக தகவல்கள் தெரிவிக்கின்றன. டெஹ்ரானின் பாதுகாப்பு வட்டாரங்களுக்குள், நவீன அறிவியல் மற்றும் பாரம்பரிய எம்பாமிங் முறைகள் இணைந்து ஒரு அதிசயமான பாதுகாப்பு நடைமுறை செயல்படுத்தப்பட்டதாக தெரிவிக்கப்படுகின்றது.
உடலின் இயற்கை திரவங்கள் நீக்கப்பட்டு, ஃபார்மால்டிஹைட், கிளிசரின், ஆல்கஹால் போன்ற கலவைகள் தமனிகள் வழியாக செலுத்தப்பட்டதாகவும் தகவல்கள் தெரிவிக்கின்றன.
இதன் மூலம் திசுக்கள் அழுகாமல் நிலைத்திருக்கச் செய்யப்பட்டது. அதற்குப் பிறகு, கடுமையான பாதுகாப்புடன் கூடிய நிலத்தடி மருத்துவ வசதியில், மிகக் குறைந்த வெப்பநிலை மற்றும் காற்று புகாத சிறப்பு பெட்டகத்தில் உடல் வைக்கப்பட்டதாக கூறப்படுகிறது.
ஈரப்பதம், பாக்டீரியா தாக்கம் ஆகியவை முழுமையாக கட்டுப்படுத்தப்பட்ட சூழலில், வாரந்தோறும் நிபுணர்கள் கண்காணிப்பு மேற்கொண்டதாகவும் தகவல்கள் வெளியாகின்றன.
உடலின் தோல் மற்றும் அமைப்பு பாதிக்கப்படாமல் இருக்க, பிரத்யேக மெழுகு மற்றும் சிலிகான் அடிப்படையிலான பராமரிப்பு முறைகள் பயன்படுத்தப்பட்டதாக கூறப்படுகிறது.இதன் காரணமாகவே 125 நாட்கள் கடந்த பின்னரும் உடல் மாற்றமின்றி இருப்பதாக தெரிவிக்கப்படுகிறது.
ஆனால் உலக வரலாற்றில் இதுபோன்ற பாதுகாப்பு முயற்சிகள் புதியதல்ல. சோவியத் தலைவர் லெனின், வியட்நாமின் ஹோ சி மின், வடகொரியாவின் கிம் இல் சுங் போன்றோரின் உடல்கள் நீண்டகாலமாக பாதுகாக்கப்பட்டு வரும் முன்னுதாரணங்கள் இதற்கு ஒப்பீடாக குறிப்பிடப்படுகின்றன.
ஈரானின் வரலாற்றிலும் இதேபோன்ற எம்பாமிங் மரபுகள் முன்பே இருந்துள்ளன. முன்னாள் மன்னர் ரிசா ஷா பஹ்லவியின் உடல் கூட ஒருகாலத்தில் இதேபோன்ற முறையில் பாதுகாக்கப்பட்டதாக வரலாற்று குறிப்புகள் காணப்படுகின்றமை குறிப்பிடத்தக்கது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
யாழ் கோப்பாய் வடக்கு, Jaffna, Scarborough, Canada, Whitby, Canada
28 Jun, 2026
புங்குடுதீவு 5ம் வட்டாரம், யாழ்ப்பாணம், Fareham, United Kingdom
04 Jul, 2023
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
