ஸ்மார்ட்போன் தேவையே இல்லை.... இனி இப்படி கூட WhatsApp பயன்படுத்தலாம்? முழுசா தெரிஞ்சிக்கோங்க!

Smartphone இல்லாமல் WhatsApp பயன்படுத்த முடியாது என்று தான் நாம் இது வரை நினைத்திருப்போம்.

Smartphone இல்லாமலும் WhatsApp பயன்படுத்தலாம். WhatsApp செயலி தவிர்த்து, மொபைல் வெப் மற்றும் கணினிகளிலும் நீங்கள் WhatsApp பயன்படுத்தகூடிய அம்சத்தை பீட்டா வெர்ஷனில் வெற்றிகரமாக நிறைவேற்றிய பின்னர் அனைத்து பாவனையாளர்களுக்கும் ரிலீஸ் ஆனது.

தற்போது நீங்கள் உங்கள் ஸ்மார்ட்போனில் இணைய வசதி இல்லையென்றாலும், எந்த சாதனத்திலும் வாட்ஸ்அப் மெசன்ஜரை இணைக்கலாம் என்று வாட்ஸ்அப் நிறுவனமான மெடா அறிவித்துள்ளது.

உங்கள் Smartphone இல் உள்ள வாட்ஸ்அப் கணக்கில் லாகின் செய்வதற்கு, வாட்ஸ்அப் கணக்கின் முகப்புப் பக்கத்தில், வலது மேற்புறத்தில் இருக்கும் மூன்று புள்ளிகள் மீது தட்டவும்.

பிறகு, “linked devices” (இணைக்கப்பட்ட சாதனங்கள்) என்பதைக் கிளிக் செய்து, “Link a device”  என்பதைத் தேர்வு செய்யவும்.

web.whatsapp.com என்ற வாட்ஸ்அப்பின் இணைய வெர்ஷனில் நீங்கள் லாகின் செய்ய, ஒரு QR குறியீட்டை நீங்கள் ஸ்கேன் செய்ய வேண்டும்.

ஸ்கேன் செய்த பிறகு, நீங்கள் வாட்ஸ்அப்பின் வெப் வெர்ஷனை பயன்படுத்தலாம். நீங்கள் WhatsApp கணக்கு வைத்திருக்கும் உங்கள் Smartphone இல் இன்டர்நெட் வசதி இல்லையென்றாலும் வெப் வெர்ஷனில் நீங்கள் வாட்ஸ்அப்பை தொடர்ந்து பயன்படுத்தலாம்.

ஆனால், இந்த அம்சத்தைப் பயன்படுத்த, ‘Multi-device meta’ என்ற சமீபத்திய வாட்ஸ்அப் வெர்ஷன் உங்கள் போனில் இருக்க வேண்டும். இல்லையென்றால், கூகுள் பிளே ஸ்டோரில் சென்று உங்கள் செயலியை சமீபத்திய வெர்ஷனுக்கு புதுப்பித்துக் கொள்ளுங்கள்.

Multi-device meta என்பது ஒரே நேரத்தில் நான்கு வெவ்வேறு சாதனங்களில் உங்கள் வாட்ஸ்அப் கணக்கை லாகின் செய்து பயன்படுத்தக்கூடிய அம்சம் ஆகும். Multi-device meta விருப்பம் உங்களுக்குத் தேவையில்லை என்றால், நீங்கள் அதிலிருந்து வெளியே வந்துவிடலாம்.

இந்த தேர்விலிருந்து நீங்கள் வெளியேறும் போது, நீங்கள் இதற்கு முன் இணைத்த வாட்ஸ்அப் வெப் கணக்குகளை எல்லாம் நீக்கி விடலாமா? என்று ஒரு செய்தி தோன்றும்.

நீங்கள் மீண்டும் WhatsApp வெப் பயன்படுத்தும்போது, மறுபடி QR ஸ்கேன் செய்து, லாகின் செய்ய வேண்டும்.

ஆனால், நீங்கள் ஒரு முறை லிங்க் செய்தால், இணைப்பை ரத்து செய்யும் வரை அல்லது வெப் வெர்ஷனில் லாக்-அவுட் செய்யும் வரை, உங்கள் மொபைலில் இணைய வசதி இல்லையென்றாலும், நீங்கள் வாட்ஸ்அப்பை பயன்படுத்தலாம்.

இந்த சேவை எல்லா ஸ்மார்ட்போன்களுக்கும் இல்லை என்பதையும் மெடா நிறுவனம் அறிவித்துள்ளது. வாட்ஸ்அப்பின் புதிய அப்டேட் ஒரு சில சாதனங்களில் சிக்கலாக இருப்பதால், இந்த அப்டேட்டை பயன்படுத்துபவர்களுக்கு பின்வரும் சிக்கல்கள் எழலாம்.

1. இணைக்கப்பட்ட சாதனங்களில் WhatsApp செய்திகளை, சாட்களை நீக்க  முடியாது.
2. இணைக்கப்பட்ட சாதனங்களில் லைவ் லொக்கேஷன் பகிரும் அம்சம் இல்லை.
3. Multi-device meta வெர்ஷன், டேப்லெட்டுகள் மற்றும் iPhoneகளில் பயன்படுத்த முடியாது.
4. ‘Broadcast’ செய்திகளை உருவாக்க முடியாது மற்றும் பார்க்க முடியாது.

அது மட்டுமின்றி, Multi-device meta வெர்ஷன் இருந்தாலும், Smartphone பயன்பாட்டை முற்றிலுமாக தவிர்க்க முடியாது. 14 நாட்களுக்கு ஒரு முறை நீங்கள் மறுபடி லாகின் செய்ய வேண்டும் என்பது குறிப்பிடத்தக்கது.