லங்காசிறி FM
4 நாள் ஆனாலும் சட்னி கெட்டு போகவே கூடாதா? இப்படி செய்து பாருங்க
பொதுவாகவே பெரும்பாலானவர்கள் காலை உணவுக்கு அல்லது இரவு உணவுக்கு தொட்டுக்கொள்ள சட்னி செய்வது வழக்கம்.
காலையில் செய்யும் சட்னி பெரும்பாலும் மதியத்துகுள் கெட்டுப்போய்விடும்.இதனால் காலையில் செய்யும் சட்னியை இரவு உணவுக்கு ஒருபோதும் பயன்படுத்தவே முடியாது.
ஆனால் வெறும் 3 பிரதான பொருட்களை கொண்டு நான்கு சாட்கள் வரையில் கெட்டுப்போகாத சட்னியை செய்ய முடியும் என்றால் உங்களால் நம்ப முடிகின்றதா?
அட்டகாமான சுவையில் தஞ்சாவூர் பாணியில் பூண்டு மிளகாய் சட்னியை செய்யும் முறையை தெரிந்து வைத்துக்கொள்ளுங்கள் இந்த சட்னியை அசத்தல் சுவையில் எப்படி செய்யலாம் என இந்த பதிவில் பார்க்கலாம்.
தேவையான பொருட்கள்
எண்ணெய் - 4 தே.கரண்டி
வரமிளகாய் - 15
பூண்டு - 25 பல்
பெரிய தக்காளி - 3
உப்பு - தேவையான அளவு
தாளிப்பதற்கு...
நல்லெண்ணெய் - 2 மேசைக்கரண்டி
கடுகு - 1/2 தே.கரண்டி
உளுத்தம் பருப்பு - 1/2 தே.கரண்டி
கறிவேப்பிலை - சிறிதளவு
செய்முறை
முதலில் ஒரு பாத்திரத்தை அடுப்பில் வைத்து, அதில் எண்ணெய் ஊற்றி சூடானதும், வரமிளகாய் சேர்த்து அதன் நிறம் சற்று மாறும் வரையில் நன்றாக வறுத்துக்கொள்ள வேண்டும்.
பின்னர் தோல் நீக்கிய பூண்டு பற்களை சேர்த்து, நன்றாக வதக்கிக் கொள்ள வேண்டும். அதனையடுத்து தக்காளி மற்றும் தேவையான அளவு உப்பு சேர்த்து நன்றாக வதக்கிக்கொள்ள வேண்டும்.
தக்காளி நன்றாக வதங்கியதும், அதனை இறக்கி குளிர விட்டு, ஒரு மிக்சர் ஜாரில் வதக்கிய பொருட்களை போட்டு சற்று கொரகொரப்பான பதத்தில் அரைத்து எடுத்துக்கொள்ள வேண்டும்.
பின்னர் ஒரு பாத்திரத்தை அடுப்பில் வைத்து, அதில் நல்லெண்ணெய் சேர்த்து, எண்ணெய் சூடானதும், கடுகு சேர்த்து பொரிய விட்டு,உளுத்தம் பருப்பு மற்றும் கறிவேப்பிலை சேர்த்து தாளித்துக்கொள்ள வேண்டும்.
கடைசியில் அரைத்த சட்னியை சேர்த்து 1 நிமிடம் வரையில் வேகவிட்டு இறக்கினால், தஞ்சாவூர் பாணியில் இட்டகாசமான சுவையில் 4 நாட்கள் வரையில் கெடாமல் இருக்கும் பூண்டு மிளகாய் சட்னி தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024