வீட்டில் சக்கரை வள்ளி கிழங்கு இருக்கா? அப்போ இப்படி செய்து சாப்பிடுங்க

Sweet Potato Healthy Food Recipes

By Pavi Feb 10, 2026 03:59 AM GMT

Pavi

Report

சக்கரைவள்ளி கிழங்கு சாப்பிடுவது உடலுக்கு மிகவும் நல்லது. ஆனால் இதை பெரும்பாலானோர் சாப்பிட மாட்டார்கள். இந்த சக்கரை வள்ளி கிழங்கில் சாட் செய்து சாப்பிட்டால் சுவையாக இருக்கும்.

இது புளிப்பு, இனிப்பு மற்றும் மசாலாப் பொருட்களை சேர்த்து செய்வதால் நமக்கு சாப்பிடும் போது ஒரு வித்தியாச சுவையை தரும்.

இதில் வைட்டமின் A (பீட்டா கரோட்டின்), வைட்டமின் C, பொட்டாசியம், நார்ச்சத்து, இரும்புச்சத்து மற்றும் மெக்னீசியம் போன்றவை அதிகம் உள்ளன.

இதை நம் உணவில் சேர்த்துக்கொள்ளும் போது செரிமானத்தை மேம்படுத்துதல், நோய் எதிர்ப்பு சக்தியை அதிகரித்தல் மற்றும் இரத்த அழுத்தத்தை சீராக்குதல் போன்ற வேலைகளை செய்யும். பதிவில் இதன் ரெசிபியை பார்க்கலாம்.

வீட்டில் சக்கரை வள்ளி கிழங்கு இருக்கா? அப்போ இப்படி செய்து சாப்பிடுங்க | How To Make Sweet Potato Chaat Recipe Healthy Way

தேவையான பொருட்கள்

சர்க்கரைவள்ளிக் கிழங்கு - 3-4 நடுத்தர அளவிலான
நெய்/எண்ணெய் - 1 தேக்கரண்டி
பச்சை மிளகாய் - 1 பொடியாக நறுக்கியது
கொத்தமல்லி இலை - 2 தேக்கரண்டி
எலுமிச்சை சாறு - 1 தேக்கரண்டி
மாதுளை விதைகள் - 2 தேக்கரண்டி
தயிர் - 3-4 தேக்கரண்டி (விருப்பப்பட்டால்)
வறுத்த சீரகப் பொடி - ½ தேக்கரண்டி
சிவப்பு மிளகாய் பொடி - ½ தேக்கரண்டி
சாட் மசாலா - 1 தேக்கரண்டி (விருப்பப்பட்டால்)
உப்பு - சுவைக்கேற்ப
இனிப்பு சட்னி - 1 தேக்கரண்டி (விருப்பப்பட்டால்)
பச்சை சட்னி - 1 தேக்கரண்டி (விருப்பப்பட்டால்)

செய்முறை

முதலில் சக்கரை வள்ளி கிழங்கை குக்கரில் வேகவைத்து தோலிருத்து எடுக்க வேண்டும்.

பின்னர் தோலித்த சக்கரை வள்ளி கிழங்கை சிறிய துண்டுகளாக வெட்டி ஒரு பாத்திரத்தில் நெய் சேர்த்து பொன்னிறத்தில் வறுத்து எடுக்க வேண்டும்.

வறுத்த சக்கரை வள்ளி கிழங்கை ஒரு கிண்ணத்தில் எடுத்து வைக்க வேண்டும். அதில் உப்பு, வறுத்த சீரகப் பொடி, சிவப்பு மிளகாய், மற்றும் சாட் மசாலா சேர்க்கவும். இதை கையால் நன்கு கலக்க வேண்டும்.

பின்னர் இதில் எலுமிச்சை சாறு, கொத்தமல்லி இலைகள் மற்றும் பச்சை மிளகாய் சேர்க்கவும் .இதற்கு சுவை அதிகரிக்க மேலே மாதுளை விதைகளைத் தூவவும். நீங்கள் தயிர் விரும்பினால், சாட்டை ஒரு தட்டில் பரப்பி, அதன் மேல் தயிர் சுற்றி ஊற்றவும்.

இதில் விரும்பினால் இனிப்பு மற்றும் பச்சை சட்னியைச் சேர்க்கவும். சர்க்கரைவள்ளிக் கிழங்கு இயற்கையான இனிப்பைக் கொண்டுள்ளது, எனவே சர்க்கரை தேவையில்லை. இந்த சாட் ஐ நீங்கள் ஸ்நாக்ஸ்க்கு பதிலாக சாப்பிடலாம்.