நோய்யெதிர்ப்பு ஆற்றலை அதிகரிக்கும் முட்டைக்கோஸ்! இனி இப்படி சாப்பிடுங்க

பொதுவாகவே நமது தினசரி உணவில் அதிகளவில் காய்கறிகளையும், பழங்களையும் சேர்துக்கொள்ள வேண்டியது அவசியம் என ஊட்டச்சத்து நிபுணர்கள் பரிந்துரைக்கின்றனர்.

காரணம் காய்கறி மற்றும் பழங்கள் உடலுக்கு தேவையான ஊட்டச்சத்துக்கனையும் ஏராளமாக மருத்துவ குணங்களையும் கொண்டிருப்பதால், உடல் ஆரோக்கியத்தை மேம்படுத்துவதிலும், நோய் எதிர்ப்பு ஆற்றலை வலுப்படுத்துவதிலும் முக்கிய பங்கு வகிக்கின்றது.

அந்தவகையில், முட்டைக்கோஸ் சத்தான காய்கறிகறிகளின் பட்டியவில் முக்கிய இடம் வகிக்கின்றது. முட்டைக்கோஸ் ஒட்டுமொத்த ஆரோக்கியத்திற்கும் நல்வாழ்விற்கும் பங்களிக்கும் அத்தியாவசிய வைட்டமின்களை செரிவாக கொண்டுள்ளது.

குறிப்பாக இதில் வைட்டமின் சி சத்து அதிகளில் காணப்படுவதால், நோய் எதிர்ப்பு சக்தியை அதிகரித்து தொற்று நோய்களில் இருந்து உடலை பாதுகாக்கின்றது.

இந்த இரண்டு ராசிகள் இணைந்தல் திருமண வாழ்க்கை செம மாஸ் தான்! ஏன்னு தெரியுமா?

இது அஸ்கார்பிக் அமிலம் என்றும் அழைக்கப்படுகிறது. இந்த சக்திவாய்ந்த ஆக்ஸிஜனேற்றமானது அனைத்து உடல் திசுக்களின் வளர்ச்சி, வளர்ச்சி மற்றும் பழுதுபார்ப்பிற்கும் பெரிதும் துணைப்புரிகின்றது.

முட்டைக்கோஸில் வைட்டமின் ஏ சத்தும் சிறியஅளவில் காணப்படுகின்றது. முதன்மையாக பீட்டா கரோட்டின் வடிவில் உள்ளது.

ஆரோக்கியமான பார்வை, மற்றும் தோல் ஆரோக்கியத்தை பராமரிக்க வைட்டமின் ஏ அவசியம். மூல நோயின் பாதிப்பை குறைப்பதற்கும் அஜீரணத்தால் உண்டாகும் வயிற்று வலியை நீக்கவும் உதவும்.மேலும் சரும வறட்சியை நீக்கிபொலிவைக் கொடுக்கும்.

எலும்புகளுக்கு வலு கொடுக்கும். இதில் கால்சியம் சத்து அதிகம் இருப்பதால் எலும்புகளையும் பற்களையும் உறுதியாக மாற்றும்.

இவ்வளவு ஆரோக்கிய நன்மைகளையும், மருத்துவ குணங்களையும் கொண்ட முட்டைக்கோஸில் எவ்வாறு பொரியல் பண்ணலாம் என இந்த பதிவில் பார்க்கலாம்.

தேவையான பொருட்கள்

வேக வைப்பதற்கு தேவையானது

முட்டைக்கோஸ் - 250 கிராம் 

பாசிப்பருப்பு - 2 தே.கரண்டி (10 நிமிடம் ஊற வைத்துக் கொள்ளவும்

தாளிப்பதற்கு தேவையானவை

எண்ணெய் - 1 மேசைக்கரண்டி

கடுகு - 1/4 தே.கரண்டி

உளுத்தம் பருப்பு - 1/2 தே.கரண்டி

வரமிளகாய் - 2 

பெரிய வெங்காயம் - 1 (பொடியாக நறுக்கியது) 

கறிவேப்பிலை - 1 கொத்து

பச்சை மிளகாய் - 3 (நறுக்கியது) 

உப்பு - சுவைக்கேற்ப 

கொத்தமல்லி - சிறிது (பொடியாக நறுக்கியது)

அரைப்பதற்கு

 தேங்காய் - 1/4 கப் 

சீரகம் - 2 சிட்டிகை

செய்முறை

முதலில் முட்டைக்கோஸை சுத்தம் செய்து  பொடியாக நறுக்கிக் தனியாக வைத்துக்கொள்ள வேண்டும். 

அதே சமயம் பாசிப்பருப்பையும் தண்ணீரில் நன்றாக கழுவிவிட்டு, பின் நீரை ஊற்றி, 10 நிமிடம் ஊறவி்ட வேண்டும்.

அதனையடுத்து ஒரு இட்லி தட்டில் நறுக்கிய முட்டைக்கோஸ் மற்றும் பாசிப்பருப்பை சேர்த்து, இட்லி பாத்திரத்தில் வைத்து மூடி, 4 நிமிடம் வேகவிட்டு எடுக்க வேண்டும். 

அதன் பின்னர் ஒரு பாத்திரத்தை  அடுப்பில் வைத்து, அதில் எண்ணெய் ஊற்றி சூடானதும், கடுகு, உளுத்தம் பருப்பு, வரமிளகாய் ஆகியவற்றை சேர்த்து தாளித்துக்கொள்ள வேண்டும். 

பின்னர் பொடியாக நறுக்கிய வெங்காயம், கறிவேப்பிலை, பச்சை மிளகாய் ஆகியவற்றை சேர்த்து நன்றாக வதக்கி, வெங்காயம் பொன்நிறமாக மாறியதும், அதில் வேக வைத்துள்ள முட்டைக்கோஸ் மற்றும் பாசிப்பருப்பை சேர்த்து, சுவைக்கேற்ப உப்பு தூவி நன்றாக கிளறிவிட்டு இறக்கிக்கொள்ள வேண்டும். 

மனித மூளைக்கே ட்ஃப் கொடுக்கும் Puffer Fish! வியக்க வைக்கும் கலைப்படைப்பு எதற்காக தெரியுமா?

அதனையடுத்து ஒரு மிக்சர் ஜாரில் தேங்காய் மற்றும் சீரகத்தை சேர்த்து கொரகொரப்பான பதத்தில்  அரைத்துக் வைத்துக்கொள்ள வேண்டும்.

கடைசியாக அரைத்த தேங்காயை பொரியலுடன் சேர்த்து, அதோடு கொத்தமல்லியையும் தூவி நன்றாக கிளறிவிட்டு இறக்கினால், அவ்வளவு தான் அருமையான சுவையில், ஆரோக்கிய நன்மைகளை வாரிக்கொடுக்கும் முட்டைக்கோஸ் பொரியல் தயார்.