லங்காசிறி FM
இயற்கை முறையில் எடையை குறைக்கணுமா? அப்போ இதையெல்லாம் கட்டாயம் பண்ணுங்க
Vinoja
பொதுவாகவே அனைவருக்கும் உடல் எடையை குறைத்து பார்ப்பதற்கு அழகான தோற்றத்துடன் இருக்க வேண்டும் என்ற ஆசை இருக்கும்.
ஆனால் தற்காலத்தில் அதிகரித்த வேளைபளு, ஆரோக்கியமற்ற உணவு பழக்கவழக்கங்கள்,ஒரே இடத்தில் அமர்ந்தபடி நீண்ட நேரம் வேலை பார்ப்பது, மன அழுத்தம் மற்றும் போதிய தூக்கமின்மை போன்ற பல காரணங்களால் உடல் பருமன் அதிகரிக்கின்றது.
தற்காலத்தில் உடல் எடை அதிகரிப்பது சிறியவர்கள் முதல் பெரியவர்கள் வரை அனைவரும் எதிர்நோக்கும் ஒரு பொதுவான பிரச்சினையாக இருக்கின்றது.
மேலும் உடல் எடையை சீக்கிரம் குறைக்க வேண்டும் என்ற ஆசையில் பலரும் கடைகளில் கிடைக்கும் உடன் எடைக்குறைப்பு மாத்திரைகள் மற்றும் ஜெல்கள் போன்ற பல்வேறு ஆரோக்கியமற்ற முறைகளை முயற்ச்சி செய்கின்றனர்.
இது ஆரம்பத்தில் பலனளிப்பது போல் தோன்றினாலும் பின்னர் பல்வேறு பாதகமாக பக்க விளைவுகளை ஏற்படுத்திவிடும்.
எனவே ஆரோக்கியமான முறையில் எவ்வாறு உடல் எடையை கட்டுக்குள் வைக்கலாம் என்பது குறித்து இந்த பதிவில் பார்க்கலாம்.
ஆரோக்கியமான உணவு
தாவர அடிப்படையிலான கார்போஹைட்ரேட்டுகளை ( டயட்டரி ஃபைபர்) சிறுகுடலில் உடைக்க முடியாது.
எனவே நார்ச்சத்துக்கள் அதிகம் நிறைந்துள்ள உணவுகளை தினசரி எடுத்துக்கொள்ள வேண்டும். இது செரிமான அமைப்பை சீர்படுத்துவதுடன் நீண்ட நேரம் பசி அற்ற உணர்வை கொடுக்கும்.
ஹார்மோன்களைக் கட்டுப்படுத்த புரதம் நிறைந்த முட்டை, ஓட்ஸ், நட்ஸ், முழு தானியங்கள், சியா விதைகள் போன்ற உணவுகளை அதிகமாக எடுத்துக்கொள்வதனால் இயற்கை முறையில் உடல் எடையை குறைக்க முடியும்.
சுறுசுறுப்பாக இருங்கள்
எப்போதும் உடலை சுறுசுறுப்பாக வைத்துக்கொள்ள முயற்சி செய்ய வேண்டும். முறையான உடற்பயிற்சிகளை மேற்கொள்ளல் மற்றும் சைக்கில் ஓட்டுவது, நீச்சல் பயிற்சி போன்றன எந்தவிதமான பக்க விளைவுகளும் இல்லாமல் உடல் எடையை கட்டுப்படுத்த உதவும்.
மன அழுத்தத்தைத் தவிர்க்கவும்
மன அழுத்தத்தில் இருப்பவர்களுக்கு அட்ரினலின் மற்றும் கார்டிசோல் போன்ற இரசாயனங்கள் உடலில் அதிகமாக சுரக்கின்றது.
இது முதலில் பசியற்ற உணர்வை கொடுத்தாலும் அதிக நாட்கள் மன அழுத்தம் நீடித்தால் வழமைக்கு மாறாக பசி உணர்வு ஏற்படும்.
இதனால் அதிகமாக சாப்பிட்டு உடல் எடை அதிகரிக்கின்றது. எனவே மன அழுத்தத்தை தவிர்ப்பதால் உடல் எடையை இயற்கையாகவே கட்டுக்குள் வைத்துக்கொள்ள முடியும்.
போதுமான தூக்கம் மற்றும் நீர்
ஆரோக்கியமான வாழ்க்கைக்கு சிறந்த தூக்கம் மற்றும் போதுமான அளவு தண்ணீர் குடிப்பது இன்றியமையாதது.
உடல் எடையை கட்டுக்குள் வைத்துக்கொள்ள வேண்டும் என்றால் சரியான தூக்கத்தை கடைப்பிடிப்பதுடன் ஒரு நாளைக்கு குறைந்த பட்சம் 8 கிளாஸ் தண்ணீர் குடிப்பது அவசியம்.
உடலை நீரேற்றமாக வைத்துக்கொள்வதன் மூலம் உடல் எடையை இயற்கையாகவே கட்டுக்கோப்பாக பராமரிக்க முடியும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
