ஹொட்டலில் சடலமாகக் கிடந்த பிரபல சீரியல் நடிகர்... காரணம் என்ன?
பிரபல நகைச்சுவை நடிகரான பாப் சாஜட் அமெரிக்காவில் இருக்கும் ஸ்டார் ஹோட்டல் ஒன்றின் அறையில் சடலமாக கிடந்தது கண்டுபிடிக்கப்பட்டுள்ளது.
ஃபுல் ஹவுஸ் தொலைக்காட்சி தொடரில் நடித்து பிரபலமானவர் தான் அமெரிக்காவை சேர்ந்த பாப் சாஜட். இவர் பிரபல நகைச்சுவை நடிகர் மட்டுமின்றி ரிவி தொகுப்பாளரும் ஆவர்.
அமெரிக்காவின் ஃப்ளோரிடாவில் இருக்கும் ரிட்ஸ்-கார்ல்ட்ன் ஆர்லாண்டோ ஹோட்டலில் தங்கியிருந்த பாப் சாஜட் சடலமாக கிடந்தது கண்டுபிடிக்கப்பட்டிருக்கிறது.
இது குறித்து ஆரஞ்சு கவுன்ட்டி ஷெரிஃப் அலுவலகம் ட்விட்டரில் கூறியிருப்பதாவது, தங்கள் ஹோட்டல் அறையில் ஆண் ஒருவர் பேச்சு, மூச்சின்றி கிடப்தாக ரிட்ஸ்-கார்ல்டன் ஆர்லாண்டோ, கிராண்ட் லேக்ஸில் இருந்து அழைப்பு வந்தது. அந்த நபர் பாப் சாஜட், அவர் இறந்துவிட்டது உறுதி செய்யப்பட்டது.
அவரின் மரணத்தில் எந்த சந்தேகமும் இல்லை. மேலும் அவர் போதைப் பொருள் பயன்படுத்தவில்லை என தெரிவிக்கப்பட்டுள்ளது.
65 வயதான பாப் சாஜட்டின் திடீர் மரணத்தால் பிரபலங்களும், ரசிகர்களும் அதிர்ச்சி அடைந்துள்ளனர். அவரின் ஆத்மா சாந்தி அடைய பிரார்த்தனை செய்வதாக பலரும் சமூக வலைதளத்தில் தெரிவித்துள்ளனர்.
பாப் நடித்த ஃபுல் ஹவுஸ் தொடர் 1987ம் ஆண்டு முதல் 1995ம் ஆண்டு வரை எட்டு சீசன்கள் ஓடியது. அந்த தொடரில் டேனி டானராக நடித்திருந்தார்.