எச்சரிக்கை...! பெண்களுக்கு வரும் சில இதயப் பிரச்சினைகளுக்கு அறிகுறியே இருக்காதாம்! இத முழுசா படிங்க

இதய பிரச்சனைகள் என்பது மக்களிடையே பொதுவான பிரச்சனைகள் ஆகும்.

இதன் அறிகுறிகளை ஆரம்ப நிலையிலேயே அறியும்போது இதய பிரச்சனைகளை நாம் சரி செய்ய முடியும்.

ஆனால் பெண்களுக்கு ஆரம்ப கட்டத்தில் இதய பிரச்சனைகள் பற்றி எந்த அறிகுறிகளும் ஏற்படுவதில்லை.

எனவே இந்த நிலையில் இதய ஆரோக்கியத்தை மேம்படுத்த பெண்கள் என்ன செய்யலாம் என இப்போது பார்க்கலாம். 

கரோனரி இதய நோய்

கரோனரி இதய நோய் எந்தவித அறிகுறியையும் ஏற்படுத்தாது எனும்போது இதயத்தில் மோசமான விளைவை அவை ஏற்படுத்தலாம். பெரும்பாலும் பெண்களுக்கு இதயம் தொடர்பான அறிகுறிகள் ஏற்படும்போது அது வெளியில் தெரிவதில்லை. இது மிகவும் மோசமான பிரச்சனையாகும். இதனால் பெண்களில் மூன்றில் ஒருவர் கரோனரி இதய நோய் தீவிரமடைந்து அதனால் இறக்கின்றனர்.

மன அழுத்தம்

பெண்களிலேயே பலருக்கு இதுக்குறித்த சுய விழிப்புணர்வு இல்லாமல் இருக்கிறது. பெண்கள் வீட்டு விஷயங்களை நிர்வகித்துக் கொண்டு மட்டும் இப்போது இருப்பதில்லை, அவர்கள் முன்னணி நிறுவனங்களில் பெரிய பதவிகளில் இருக்கின்றனர்.

பலவித பணிகளையும் செய்பவர்களாக பெண்களும் மாறியுள்ளனர். அதே நேரத்தில் அவர்கள் தங்கள் அன்புகுரியவர்களின் உணர்ச்சிகளை புரிந்து கொள்பவர்களாக உள்ளனர்.

வேலை சுமையுடன் குடும்பச் சுமையை அனுபவிக்கும் சில பெண்களும் இருக்கின்றனர். கலாச்சார ரீதியாகவும் இந்த சமூகத்தில் அவர்கள் பல வித விதிமுறைகளை பின்பற்ற வேண்டியுள்ளது.

இதனால் அவர்கள் அதிகமான மன அழுத்தம் போன்ற பிரச்சனைகளை சந்திக்கின்றனர். மன அழுத்தம் தொடர்பாக உடலில் ஏற்படும் பிரச்சனைகளானது ஆண்களை விடவும் பெண்களுக்கு அதிக பாதிப்பை ஏற்படுத்துகிறது. இதனால் அவர்களுக்கு இதயம் தொடர்பான பிரச்சனைகள் ஏற்படலாம்.

​ஊட்டச்சத்து உணவுகள் 

உணவுக் கட்டுப்பாடு மற்றும் உணவின் தரம் ஆகியவையும் இதய ஆபத்தை அதிகரிக்கும் காரணிகளாக உள்ளன. எனவே பெண்களுக்கு இதயம் தொடர்பான பிரச்சனைகள் வெளியே தெரியாத நிலையில் பெண்கள் தங்கள் இதயம் தொடர்பாக விழிப்புணர்வு பெறுவது முக்கியமாகும்.

இதன் மூலம் அவர்கள் தங்கள் இதய ஆரோக்கியத்தை மேம்படுத்த முடியும். உதாரணமாக ஊட்டச்சத்து அடர்த்தியாக இருக்கும் உணவுகள், அதிக சர்க்கரை உணவுகள் மற்றும் கொழுப்பு உணவுகள் ஆகியவை பல்வேறு ஆபத்தை ஏற்படுத்துபவையாக உள்ளன.

இதனால் மன அழுத்தம் மற்றும் பல்வேறு வகையான பிரச்சினைகளை பெண்கள் சந்திக்கக்கூடும், முக்கியமாக இவை இதய ஆரோக்கியத்தில் பாதிப்பை ஏற்படுத்தலாம்.  

​வாழ்க்கை முறை மாற்றங்கள் 

பெண்கள் தங்கள் உணவில் ஆரோக்கியமற்ற கொழுப்புள்ள உணவுகள், அதிக சர்க்கரை மற்றும் அதிக உப்புள்ள உணவுகள் போன்றவற்றை தவிர்க்கலாம்.

ஓட்ஸ், முழு தானியங்கள், நார்ச்சத்து நிறைந்த காய்கறிகள், கொழுப்பு அமிலங்கள் நிறைந்த உணவுகாள், பருப்பு வகைகள், சோயா உணவுகள் மற்றும் உடலுக்கு நன்மை பயக்கும் எண்ணெய்கள் ஆகியவற்றை உணவில் பயன்படுத்துவது நமது உடலுக்கு நன்மை பயக்கும்.

மேலும், வழக்கமான மற்றும் சீரான உடற்பயிற்சி, போதுமான அளவில் தூக்கம் மற்றும் பிற வாழ்க்கை முறை மாற்றங்கள் மூலம் நம்மால் இதய ஆரோக்கியத்தை பராமரிக்க முடியும்.  

​மருத்துவப் பரிசோதனைகள் 

இதய ஆரோக்கியம் மோசமடையும்போது அதன் அறிகுறிகள் பெண்களிடையே வெளிப்படையாக தெரியாத காரணத்தால் அவர்கள் அது தொடர்பான அபாயங்களை முன் கூட்டியே அறிவதற்கு சுகாதார பரிசோதனைகளை செய்வது முக்கியமாகும்.

எனவே அடிக்கடி இதயம் தொடர்பான பரிசோதனைகளை செய்துக்கொள்ளவும்.

சுய விழிப்புணர்வு மூலம் மட்டுமே நம்மால் இதய ஆரோக்கியத்தை முன் கூட்டியே அறிய முடியும். எனவே பெண்கள் இதய ஆரோக்கியம் தொடர்பான நடவடிக்கைகளை முன்கூட்டியே எடுப்பது முக்கியமாகும்.