2021 குருபெயர்ச்சியில் இந்த 6 ராசிகள் எச்சரிக்கையா இருக்கணுமாம்! இதுல உங்களது ராசி இருக்குதா?

guru peyarchi 2021 guru transit aquarius guru bad effects
By Manchu Oct 21, 2021 08:38 AM GMT
Report

ஜோதிடத்தின் அடிப்படையே நவகிரகங்கள் தான். ஒருவர் பிறக்கும் போது அந்த நேரத்தில் கிரகங்களின் அமைப்பு எப்படி, எந்த ராசியில் அமைந்திருக்கின்றதோ அந்த அமைப்பு தான், அவரின் வாழ்க்கைக்கான பெரும்பாலும் பலன்கள் தரக்கூடியதாக இருக்கும்.

மற்றபடி தினமும் நகர்ந்து கொண்டிருக்கும் கிரகங்கள் ஒரு ராசியிலிருந்து மற்றொரு ராசிக்கு பெயர்ச்சி ஆவதால் 20 சதவீதம் மட்டுமே பலன்கள் மாறுபடும்.

இருப்பினும் இந்த பெயர்ச்சியினால் ஏற்படக்கூடிய பலன் சிலர் நன்மை தருவதாகவும், சிலருக்கு கெடுதல் அல்லது பெரிய நன்மை தராத பலனாக அமையக்கூடும். ஜோதிடத்தை பெரிதும் பின்பற்றாதவர்கள் கூட குரு பெயர்ச்சி, சனி பெயர்ச்சி, ராகு கேது பெயர்ச்சி போன்ற நிகழ்வுகளின் போது தன்னுடைய ராசிக்கான பலனை மிகவும் கவனிக்கின்றனர்.

குரு பெயர்ச்சி:

குரு பகவான் பெயர்ச்சி பிலவ வருடம் ஐப்பசி 27 (நவம்பர் 13) அன்று மாலை 6.22 மணிக்கு மகர ராசியில் இருக்கும் அவிட்டம் 2ம் பாதத்திலிருந்து கும்ப ராசியில் இருக்கும் அவிட்டம் நட்சத்திரம் 3ம் பாதத்திற்கு குரு பெயர்ச்சி ஆக உள்ளார்.

திருக்கணித பஞ்சாங்கத்தின் படி நவம்பர் 20ம் தேதி (கார்த்திகை 4) குரு பெயர்ச்சி நிகழ உள்ளது. பொதுவாக குரு தனது 2,5,7,9,11 ஆகிய பார்வை பலத்தால் மிக நல்ல பலனை அளிக்கக்கூடியவர்.

அந்த வகையில் ஜோதிடத்தில் முழு சுபர் என அழைக்கப்படும் குரு பகவான் மகரத்திலிருந்து கும்ப ராசிக்கு செல்வதால் கவனமுடன் இருக்க வேண்டிய ராசிகள் எவை, அவற்றிற்கான பலன்கள் எப்படி இருக்கும் என்பதை இங்கு பார்ப்போம்.

​ரிஷபம் குரு பெயர்ச்சி பலன்கள்:

குரு பகவானுக்கு இதுவரை 9ம் இடம் எனும் பாக்கிய ஸ்தானத்தில் அமர்ந்து தனது 5ம் பார்வையால் பலவேறு சுப பலன்களை கொடுத்து வந்தார். தற்போது குரு ராசிக்கு 10ம் இடத்திற்குப் பெயர்ச்சி ஆக உள்ளார்.

குரு 10ல் இருந்தால் பதவி பறிப்பார் என்பது விதி. ஆனால் யாரும் வேலை, தொழில், பதவி பறிகொடுத்து இருக்கப்போவது இல்லை. மாறாக தான் செய்யக்கூடிய வேலை அல்லது தொழிலில் சிறிய மாற்றங்கள் நிகழும். இந்த காலத்தில் கடினமாக உழைத்தால் தொழிலில் மேன்மையை அடையலாம். வேலையில் இருப்பவர்களுக்கு வேறு வேலை மாற வாய்ப்புள்ளது.

அதனால் கவனமாக இருக்க வேண்டிய முக்கிய விஷயம் உங்கள் வேலை மற்றும் செய்யும் தொழில். எந்த மாற்றம் வந்தாலும் அதை ஏற்றுக் கொள்ளும் மனப்பக்குவத்தைப் பழகிக்கொள்ளுங்கள்.

குரு பார்வை பலன்

குரு தனது 5,7, 9 ஆகிய பார்வையால், ரிஷப ராசிக்கு 2, 4, 6 ஆகிய இடங்களைப் பார்வை செய்வார். 

இடமாற்றங்கள் நிகழும். வீடு மாற்றுதல், வாகனம் மாற்றுதல் போன்றவை நிகழும். எதிர்பாராத சில இடமாற்றங்கள், வாழ்க்கை முறை மாற்றங்கள் உங்களுக்கு சில சங்கடத்தைத் தரக்கூடியதாக இருக்கும். சிலர் கடன் வாங்க வேண்டிய சூழல் ஏற்படும்.

வேலை, தொழில் சார்ந்த முக்கிய முடிவுகளை எடுப்பதைத் தவிர்க்கவும். முடிந்த வரை கடன் வாங்காமல், பெரிய முதலீடுகள் செய்யாமல் இருப்பது நல்லது.

வழிபாடு : குருவின் பகைவன் சுக்கிரன் ஆட்சி செய்யும் ரிஷப ராசியினர், குல தெய்வ வழிபாடு, பெருமாள் வழிபாடு செய்வது அவசியம். பிரதோஷ வழிபாடு நன்மை ஏற்படுத்தும்.

​கடகம் குரு பெயர்ச்சி பலன்கள்:

கடக ராசிக்கு குரு பகவான் இதுவரை 7ம் இடத்தில் அமர்ந்து, குரு தனது சிறப்பு 7ம் பார்வை பலன் கொடுத்து வளப்படுத்தி வந்தார். இந்நிலையில், 2021ல் நடக்கும் குரு பெயர்ச்சியில் குரு 7ம் இடத்திலிருந்து 8ம் இடமான அஷ்டம குருவாக செல்ல உள்ளார்.

அஷ்டம சனியைப் போலவே, அஷ்டம குருவும் சில பாதகமான பலன்களையே தருவார். பெரும்பாலான துன்பங்கள், பிரச்னைகள் உங்களுக்கான தசா புத்தியின் அடிப்படையில் தான் நடக்கும் என்பதை மறந்துவிட வேண்டாம்.

இதன் காரணமாக கவனமாக இருக்க வேண்டிய விஷயங்களை இங்கு பார்ப்போம். இந்த காலத்தில் உங்கள் நற்பெயர் கெட வாய்ப்புள்ளது. திட்டமிடப்படாத திடீர் செலவு, வீண் செலவுகள் ஏற்பட வாய்ப்புள்ளது. சிலர் தேவையில்லாமல் வாய் கொடுத்து வம்பு, வழக்குகளை சந்திக்க நேரிடும்.

​கடகம் எச்சரிக்கையாக இருக்க வேண்டியவை:

உங்களின் முயற்சிகளுக்குச் சரியான பலன் கிடைக்காமல் போதல், காரிய தடை உருவாகுதல், சில விபத்து கண்டங்கள் ஏற்பட வாய்ப்புள்ளது என்பதால் கவனம் தேவை. அதுமட்டுமில்லாமல் குருவின் பார்வை, கடக ராசிக்கு பாதமான இடத்தில் படுவதால் எச்சரிக்கையோடு செயல்படுவது நல்லது.

கெடுபலனோடு, குருவால் சில நற்பலனும் ஏற்படும். அதாவது பல்வேறு வகையில் நல் வாய்ப்புகள் உருவாகும். ஆனால் எதிலும் கவனமாக இறங்குவது அவசியம். புதிய முதலீடுகள், பங்குசந்தை போன்றவற்றில் சரியான ஆலோசனை இல்லாமல், கவனமில்லாமல் இருப்பதால் நிதியிழப்பு ஏற்பட வாய்ப்புள்ளது.

குடும்ப ரீதியாக உங்களுக்கு நிம்மதியும், சொத்து வாங்கும் யோகம் என சில நற்பலனும் ஏற்படும். கோபத்தை குறைத்துக் கொள்வது அவசியம்.

வழிபாடு : பெண் தெய்வங்களை குறிப்பாக சக்தியின் ரூபங்களை வழிபட்டு வர உங்கள் பிரச்னைகள் நீங்கும்.  

​கன்னி குரு பெயர்ச்சி பலன்கள்:

ராசிக்கு 5ம் இடமான பூர்வ புண்ணிய ஸ்தானத்தில் அமர்ந்து உங்களுக்கு பெரிய பிரச்னைகள் இன்றி ஓரளவு நற்பலன்களை வழங்கி வந்தார். இந்நிலையில் குரு 6ம் இடமான நோய், எதிரி ஸ்தானத்திற்குச் செல்கிறார்.

இந்த காலத்தில் கன்னி ராசியினர் உடல் ஆரோக்கியத்தில் மிகவும் கவனமாக இருக்க வேண்டியது அவசியம். பயணங்களின் போது கவனம் தேவை. நீங்கள் வண்டி, வாகனம் ஓட்டும் போது மெதுவாகவும் செல்வது அவசியம்.

பேச்சு, செயலில் கவனமாக இருக்க வேண்டும். உங்களின் வீண் பேச்சு, விவாதம் உங்களின் மதிப்பு, மரியாதையை கெடுப்பதோடு உங்களைப் பல வகையில் பாதிப்பு ஏற்படுத்தக்கூடியதாக இருக்கும்.

​கன்னி ராசி எச்சரிக்கையாக இருக்க வேண்டியவை:

கன்னி ராசிக்கு பாதகாதிபதியான குரு மறைவு ஸ்தானத்தில் இருப்பது ஒரு விதத்தில் சிறப்பு தான் என்றாலும், ராசிக்கு 4, 7ம் வீட்டு அதிபதி 6ம் இடத்திற்கு செல்வதால் உங்களின் கடன் பிரச்னை அதிகரிக்கும்.

தாயாரின் உடல் நல பிரச்சினைக்காகவும், கல்வி செலவுக்காக என உங்களின் செலவுகள் அதிகரிக்கும்.

சிலருக்கு திருமணம் போன்ற சுப காரியங்கள் தள்ளிப்போக வாய்ப்புள்ளது. முடிந்த வரை கடன் வாங்குவதைத் தவிர்ப்பது அவசியம்.

வழிபாடு : அருகில் உள்ள பெருமாள் கோயிலுக்கு அடிக்கடி சென்று வழிபட்டு வருவது நல்லது. முடிந்தால் திருப்பதி சென்றுவருவது உத்தமம்.

​விருச்சிகம் குரு பெயர்ச்சி பலன்கள்:

விருச்சிக ராசிக்கு 2, 5ம் இடத்து அதிபதி 4ம் இடமான கேந்திரத்தில் சஞ்சரிக்க உள்ளார். சுப கிரகங்கள் கேந்திரத்தில் இருப்பதால் பெரியளவு நற்பலன்கள் தராது. அதே சமயம் தன அதிபதியான குரு பகவான் இதுவரை நீச்சமாக இருந்தார். ஆனால் தற்போது சமம் என்ற நிலைக்கு வருகிறார். குரு பகவானின் பார்வை பலன் உங்கள் ராசிக்கு சற்று சாதகமானதாக இருக்கிறது.

ஓரளவு நிதி நிலை நன்றாகத் தான் இருக்கும். பொருளாதார ரீதியாக பெரிய சறுக்கல்கள் இருக்காது. இருப்பினும் வீண் செலவுகள் ஏற்படும். அதுவும் கெளரவத்திற்காக சில செலவுகள் ஏற்படும்.

நீங்கள் கட்டுப்படுத்த வேண்டியது செலவு என்பதோடு உங்கள் நாக்கும் தான். ஏனெனில் தேவையற்ற வாக்கு கொடுத்துவிட்டு அதற்காக வீண் செலவுகள் செய்ய நேரிடும். சிலருக்கு வெளியூர், வெளிநாடு போன்ற பயணங்கள் உண்டாக வாய்ப்புள்ளது.

​விருச்சிகம் எச்சரிக்கையாக இருக்க வேண்டிய பலன்கள்:

குரு 10ம் இடத்தைப் பார்ப்பதால் உங்களின் வியாபாரம், தொழில் நல்ல முன்னேற்றம் இருக்கும். உத்தியோகத்தில் நல்ல பெயரும், பதவி உயர்வையும் எதிர்பார்க்கலாம். இருப்பினும் அதற்கான வீண் செலவுகள் செய்ய வேண்டி வரும்.

குரு கேந்திரத்தில் இருப்பது மட்டும் தான் விருச்சிக ராசிக்கு யோகமற்ற நிலை மற்றபடி குரு பெரியளவில் நன்மை செய்யாவிட்டாலும், உங்களுக்கு பெரிய பாதகத்தைத் தராத நிலையில் தான் இருப்பார் என்பது ஆறுதல் தரும் விஷயம்.

வழிபாடு: குல தெய்வ வழிபாடு செய்வதோடு, உங்களின் இஷ்ட தெய்வத்தை வழிபட்டு வருவது நல்லது. துர்க்கை, காளி போன்ற ஆக்ரோஷமான தெய்வங்களை வணங்கி வருவது நல்லது. 

​மகரம் குரு பெயர்ச்சி பலன்கள்:

மகர ராசிக்கு 2ம் இடமான குடும்பம், தன ஸ்தானத்தில் குரு அமர்கிறார். பொதுவாக குரு ராசிக்கு 2ல் இருந்தால் நல்ல பலன் கிடைக்கும் என்பார்கள். ஆனால் குரு அமர்ந்திருக்கும் இடத்திலிருந்து அவரின் பார்வை உங்கள் ராசிக்கு 6,8 ஆகிய இடங்களைப் பார்ப்பார்.

பொதுவாக குருவின் பார்வை எந்த இடத்தில் விழுகிறதோ, அந்த இடத்திற்கான பலன்கள் சிறப்பாக கொடுப்பார் என்பது விதி. அதே சமயம் ஒரு ராசிக்கு 2ல் குரு அமர்ந்திருப்பின், அவர் அந்த ராசிக்கு 6ம் இடமான நோய், எதிரி ஸ்தானத்தையும், 8ம் இடமான ஆயுள், துஸ் ஸ்தானத்தையும் பார்ப்பார். இதன் காரணமாக அந்த ராசிக்கு நோய் அதிகரிக்கும். உடல் நல பிரச்சினைகள் தொந்தரவு கொடுக்கும். குடும்பம், தொழில்,வியாபாரம், உத்தியோகம் போன்ற இடங்களில் எதிரிகள் அதிகரிப்பார்கள்.

இதனால் குருவின் பார்வை பலன் மோசமான பலனைத் தான் மகர ராசிக்கு தருவதாக இருக்கும்.  

​மகரம் எச்சரிக்கையாக இருக்க வேண்டிய பலன்கள்:

இந்த குரு பெயர்ச்சி காலத்தில் மகர ராசியினர் யாருக்கும் வாக்கு கொடுப்பதை தவிர்ப்பது அவசியம். வாக்கு கொடுத்தல், யாருக்கேனும் ஜாமின் கையெழுத்துப் போடுதல் போன்ற விஷயங்களில் ஈடுபட்டால் உங்களுக்கு தான் அது பிரச்னையாக வந்து சேரும். முடிந்த வரை பேசாமல் இருப்பது நல்லது.

கும்பத்தில் குருவின் சஞ்சாரத்தால் நல்ல பண வரவு, வேலை வாய்ப்பு, அதிர்ஷ்ட பலன்கள் கிடைக்கும் என்றாலும், பல வழிகளில் பிரச்சினைகளையும், அதிகம் தரக்கூடியதாக இருப்பார்.

வழிபாடு : சிவ பெருமானை வழிபடுவதும், உங்கள் இஷ்ட தெய்வத்தை வழிபட்டு வாருங்கள். குரு பகவானை வழிபட்டு வாருங்கள்.

​மீனம் குரு பெயர்ச்சி பலன்கள்:

மீன ராசிக்கு குரு பகவான் இதுவரை 11ம் இடத்தில் இருந்தார். தற்போது 12ம் இடமான விரய ஸ்தானத்தில் தன காராகன் வருவது பாதகமான பலன்கள் தருவதாக இருக்கும்.

அதாவது 10ம் இடத்துக்கு உரியவரான குரு 12ல் வருவதால் உங்கள் தொழில், வியாபாரத்தில் பெரியளவில் முன்னேற்றமின்மை, லாபமின்மை ஏற்படும். வெளியூர், வெளிநாடு செல்லுதல் போன்ற தேவையற்ற அலைச்சல்களைச் சந்திக்க நேரிடும்.

உங்கள் ராசிக்கு 4ம் இடத்தை குரு பார்வையிடுவதால் வெளியூர், வெளிநாடு பயணம் ஏற்படும். தாயார் உடல் நலனில் பிரச்னை ஏற்படும். உங்களின் சுகமான நிலை பிரச்சினைக்குரியதாக மாறிப்போகும்.

​மீனம் எச்சரிக்கையாக இருக்க வேண்டிய பலன்கள்:

தேவையற்ற கடன் பிரச்னைகள் ஏற்படும். சில தேவையற்ற, சம்பந்தமில்லாத பழிச்சொல்லுக்கு ஆளாக நேரிடும். தொழிலில் திடீர் திருப்பங்கள் நிகழ்வதால் மன அமைதியற்ற நிலை ஏற்படும். உத்தியோகத்தில் இருப்பவர்களுக்கு திடீர் பிரச்னைகள் ஏற்படும். வேலையிழப்பு, திடீர் இடமாற்றம் போன்றவற்றால் மிகவும் பாதிக்கப்படுவீர்கள்.

நிதி நிலைமை சற்று ஏற்றம் இருந்தாலும், திடீர் விரயங்கள் உங்களை பயமுறுத்துவதாகவே இருக்கும். அதனால் எப்போதும் மன சஞ்சலத்துடனேயே இருப்பீர்கள். எதை செய்வது, செய்ய வேண்டாம் என்ற குழப்பத்தில் ஆழ்த்தும்.

வழிபாடு: இஷ்டதெய்வம், குலதெய்வ வழிபாடு செய்து வருவது நல்லது. மதுரை மீனாட்சி அம்மனை வழிபட்டு வர பிரச்னைகள் நீங்கி நன்மை உண்டாகும். 

10ம் ஆண்டு நினைவஞ்சலி

சங்கத்தானை, ஜேர்மனி, Germany, London, United Kingdom

18 Nov, 2016
5ம் ஆண்டு நினைவஞ்சலி

அனலைதீவு, யாழ்ப்பாணம், வேப்பங்குளம்

18 Nov, 2021
1ம் ஆண்டு நினைவஞ்சலி

புங்குடுதீவு 6ம் வட்டாரம்

30 Nov, 2025
மரண அறிவித்தல்

அச்செழு, Colindale, United Kingdom

14 Nov, 2026
15ம் ஆண்டு நினைவஞ்சலி

அச்சுவேலி, சிட்னி, Australia

18 Nov, 2011
31ம் நாள் நினைவஞ்சலியும், நன்றி நவிலலும்
மரண அறிவித்தல்

புங்குடுதீவு 7ம் வட்டாரம், வட்டக்கச்சி

16 Nov, 2026
10ம் ஆண்டு நினைவஞ்சலி

வல்வெட்டித்துறை கொற்றாவத்தை, பூந்தோட்டம்

18 Nov, 2016
மரண அறிவித்தல்

கந்தர்மடம், நீர்வேலி

15 Nov, 2026
4ம் ஆண்டு நினைவஞ்சலி

திருநெல்வேலி, நீர்வேலி

01 Dec, 2022
1ம் ஆண்டு நினைவஞ்சலி

அத்தாய், London, United Kingdom

29 Nov, 2025
1ம் ஆண்டு நினைவஞ்சலி

யாழ்ப்பாணம், கோண்டாவில் கிழக்கு, வெள்ளவத்தை

28 Nov, 2025
மரண அறிவித்தல்

வட்டக்கச்சி, வவுனியா

16 Nov, 2026
1ம் ஆண்டு நினைவஞ்சலி

புங்குடுதீவு, கனடா, Canada, யாழ்ப்பாணம்

28 Nov, 2025
3ம் ஆண்டு நினைவஞ்சலி

எழுதுமட்டுவாள், யாழ்ப்பாணம், கொழும்பு

16 Nov, 2023
10ம் ஆண்டு நினைவஞ்சலி
மரண அறிவித்தல்

கொழும்புத்துறை, புரூணை, Brunei, London, United Kingdom

08 Nov, 2026
15ம் ஆண்டு நினைவஞ்சலி

நல்லூர், Scarborough, Canada

16 Nov, 2011
1ம் ஆண்டு நினைவஞ்சலி

நெடுந்தீவு மேற்கு, வன்னேரிக்குளம்

27 Nov, 2025
2ம் ஆண்டு நினைவஞ்சலி

காரைநகர், உருத்திரபுரம், திருநகர்

16 Nov, 2024
10ம் ஆண்டு நினைவஞ்சலி

திருநெல்வேலி, டுசில்டோஃப், Germany

09 Dec, 2016
5ம் ஆண்டு நினைவஞ்சலி

உரும்பிராய் தெற்கு, London, United Kingdom, கிளிநொச்சி

19 Nov, 2021
1ம் ஆண்டு நினைவஞ்சலி

புங்குடுதீவு 2ம் வட்டாரம், செட்டிக்குளம், பிரான்ஸ், France

29 Nov, 2025
2ம் ஆண்டு நினைவஞ்சலி

புங்குடுதீவு 12ம் வட்டாரம், பம்பலப்பிட்டி

08 Dec, 2024
4ம் ஆண்டு நினைவஞ்சலி

ஆனைப்பந்தி, ஏழாலை, Mülheim, Germany, Dortmund, Germany

16 Nov, 2022
மரண அறிவித்தல்

அனலைதீவு 5ம் வட்டாரம், Brampton, Canada

14 Nov, 2026
மரண அறிவித்தல்

புங்குடுதீவு, பதுளை, கொழும்பு, Évry-Courcouronnes, France

09 Nov, 2026
மரண அறிவித்தல்

கரணவாய், மானிப்பாய், கொழும்பு, London, United Kingdom

12 Nov, 2026
மரண அறிவித்தல்

சுருவில், ஈச்சமோட்டை, Pickering, Canada

14 Nov, 2026
மரண அறிவித்தல்

வீமன்காமம், Greenford, United Kingdom

10 Nov, 2026
மரண அறிவித்தல்

வேலணை கிழக்கு, சிட்னி, Australia

13 Nov, 2026
மரண அறிவித்தல்

புங்குடுதீவு 2ம் வட்டாரம், Hannover, Germany

10 Nov, 2026
மரண அறிவித்தல்

யாழ்ப்பாணம், Cinnamon Gardens, Colombo, Wimbledon, United Kingdom

06 Nov, 2026
மரண அறிவித்தல்

சாவகச்சேரி, நீர்வேலி, Bussy-Saint-Georges, France

04 Nov, 2026
மரண அறிவித்தல்

குப்பிளான், கனடா, Canada

10 Nov, 2026
(+44) 20 3137 6284
UK
(+41) 315 282 633
Switzerland
(+1) 437 887 2534
Canada
(+33) 182 888 604
France
(+49) 231 2240 1053
Germany
(+1) 929 588 7806
US
(+61) 272 018 726
Australia
lankasri@lankasri.com
Email US