லங்காசிறி FM
மூக்கை சுண்டி இழுக்கும் ஆட்டு ரத்த பொரியல்! எப்படி செய்யலாம் தெரியுமா?
Kishanthini
பொதுவாக அசைவ உணவுகளில் ஆட்டுக்கறிக்கு என்று சிறப்பிடமே உண்டு.
அதிலும் ஆட்டு ரத்தத்தில் செய்யப்படும் பொரியலை கிராமப்புறங்களில் அடிக்கடி செய்வது வழக்கம்.
சாப்பிடுவதற்கு ருசியாகவும், மென்மையாகவும் இருக்கும் என்பதால் பெரியவர்களும், குழந்தைகளும் விரும்பி சாப்பிடுவார்கள்.
அந்தவகையில் சுவையான இந்த “ஆட்டு ரத்தப்பெரியல்” எப்படி செய்யலாம் என்பதை பார்ப்போம்.
தேவையான பொருட்கள்
- ஆட்டு ரத்தம் – 1 கப்
- சின்ன வெங்காயம் -150 கிராம்
- வர மிளகாய் – 3
- சீரகம் – 2 டீ ஸ்பூன்
- கடுகு – 1 டீ ஸ்பூன்
- உப்பு – தேவையான அளவு
- தேங்காய் துருவல் – அரை கப்
- கறிவேப்பிலை - ஒரு கொத்து
- எண்ணெய் - 2 மேசைகரண்டி
செய்முறை
ரத்தத்தில் தண்ணீர் ஊற்றி கழுவி பின்னர் தண்ணீர் முழுவதும் வெளியேற்றவும்.
அதில் உப்பு போட்டு நன்றாக கட்டி இல்லாமல் பிசைந்து கொள்ளவும்.
அடுப்பில் வாணலியை வைத்து அதில் எண்ணெய் ஊற்றி கறிவேப்பிலை, கடுகு, சீரகம் போட்டு தாளிக்கவும். பின்னர் நறுக்கி வைத்துள்ள சின்ன வெங்காயத்தைப் போட்டு வதக்கவும்.
அத்துடன் வரமிளகாயை கிள்ளி போடவும். நன்கு வதங்கிய உடன் அதில் பிசைந்து வைத்துள்ள ரத்தத்தை ஊற்றி நன்கு கிளறவும். அடுப்பை மிதமாக எரிய விடவும்.
ரத்தம் தண்ணீர் வற்றி நன்கு உதிரி உதிரியாக ஆகும் வரை கிளறவும்.
அடுப்பில் இருந்து இறக்குவதற்கு முன்பாக தேங்காய் துறுவல் போட்டு கிளறி இறக்கவும். அசத்தலான ஆட்டு ரத்தப் பொரியல் தயார்.
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
அனலைதீவு 5ம் வட்டாரம், Brake (Unterweser), Germany, Munich, Germany
04 Dec, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
