லங்காசிறி FM
காரசாரமான சிலோன் சிக்கன் ப்ரை.... சுடச் சுட வீட்டிலேயே சுவைக்கலாம்!
சிக்கன் ப்ரை ஹோட்டல்களில் தான் சுவைத்திருப்போம்.
தற்போதைய காலக்கட்டத்தில் வீட்டிலேயே எளிமையாக செய்து சாப்பிடலாம்.
அதிலும் சிலோன் சிக்கன் ப்ரை செய்வதற்கு மிகவும் ஈஸியாக இருக்கும்.
தேவையான பொருட்கள்
- கோழி - ஒரு கிலோ
- மிளகாய் வற்றல் - 8
- தக்காளி - 4
- முட்டை - 4
- மிளகு - ஒரு தேக்கரண்டி
- மல்லி - 2 மேசைக்கரண்டி
- பூண்டு - 2 பல்
- வெங்காயம் - கால் கிலோ
- எண்ணெய் - 5 தேக்கரண்டி
- சீரகம் - ஒரு மேசைக்கரண்டி
- இஞ்சி - ஒரு துண்டு
- மஞ்சள் தூள் - ஒரு தேக்கரண்டி
- உப்பு - தேவையான அளவு
தயாரிப்பு
மிளகாய் வற்றல், மிளகு, மல்லி, சீரகம் ஆகியவற்றை லேசாக வதக்கிக் கொள்ளவும்.
வதக்கியவற்றை மிக்ஸியில் போட்டு மசாலாவாக அரைத்து எடுத்துக் கொள்ளவும். இஞ்சி, பூண்டினையும் விழுதாக அரைத்துக் கொள்ளவும்.
கோழித் துண்டுகளை ஒரு பாத்திரத்தில் போட்டு அதனுடன் அரைத்த மசாலா மற்றும் இஞ்சி பூண்டு விழுதினை போட்டு மேலும் உப்பு, மஞ்சள் தூள், நறுக்கின தக்காளி சேர்த்து சிறிது தண்ணீர் ஊற்றி வேக வைக்கவும்.
கறி நன்கு வெந்து அதிலுள்ள தண்ணீர் வற்றிய பின்னர் இறக்கி ஆற வைத்து கோழித் துண்டுகளிலுள்ள எலும்புகளை நீக்கவும். வாணலியில் முட்டைகளை உடைத்து ஊற்றி உப்பு போட்டு அடித்து தனியாக பொடிமாஸ் செய்து வைத்துக் கொள்ளவும்.
மற்றொரு பாத்திரத்தில் எண்ணெய் ஊற்றி நறுக்கிய வெங்காயம் சேர்த்து வதக்கவும். வெங்காயம் பாதி வதங்கியதும் கறித்துண்டுகளைப் போட்டு 5 முதல் 10 நிமிடங்கள் வரை வதக்கவும்.
கோழி மசாலாவுடன் முட்டை பொடிமாஸை சேர்த்து மேலும் 2 நிமிடம் வதக்கி இறக்கவும்.
சுவையான சிலோன் சிக்கன் ப்ரை தயார்.
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026
புங்குடுதீவு 5ம் வட்டாரம், புங்குடுதீவு 6ம் வட்டாரம், Montreal, Canada
19 Apr, 2013
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024