முதல் ஐபோன் குறைபாட்டை 15 ஆண்டுக்கு பின் ரகசியத்தை உடைத்த வடிவமைப்பாளர்!
ஆப்பிள் நிறுவனத்தின் ஐபோன் என்றால் பலருக்கும் ஒருமுறையாவது வாங்கிவிட வேண்டும் என்ற ஆசை இருக்கும். ஆனால் அதை அதிக விலையின் காரணமாக பலருக்கும் அதுவும் கனவாகவே போய்விடுகிறது.
ஆப்பிளின் முதல் ஐபோனை அதன் நிறுவனத்தின் உரிமையாளர் ஸ்டீவ் ஜாப்ஸ் 2007 ம் ஆண்டில் விற்பனைக்கு அறிமுகப்படுத்தினார். ஐபோன் விற்பனைக்கு வந்து கிட்டத்தட்ட 15 வருடங்கள் ஆன நிலையில், அந்த முதல் ஐபோன் தான், ஸ்மார்ட் போன் கான்செப்ட்டின் ஆரம்பமாக இருந்தது என்று சொல்லலாம்.
முதல் ஐபோன் விற்பனைக்கு பின் ஒவ்வொரு ஆண்டும் மிகவும் புதுமையான ஐபோன்களை ஆப்பிள் நிறுவனம் உருவாக்கி வருகிறது. முதன்முதலில் உருவாக்கப்பட்ட ஒரிஜினல் ஐபோன், ஒரு புதுமையான தயாரிப்பாக இருந்தாலும், அதில் கட், காப்பி, பேஸ்ட் செய்யும் ஆப்ஷன் இல்லை.
இந்நிலையில், இதுகுறித்து ஆப்பிளின் முதல் ஐபோன் தயாரிப்பதில் பணியாற்றிய கென் கெசிண்டா என்கின்ற இன்ஜினியர் அதற்கான உண்மை காரணத்தை 15 ஆண்டுகள் கழித்து தற்போது வெளியிட்டுள்ளார்.
இதுகுறித்து அவர் டுவிட்டரில் தெரிவித்தது, முதல் ஐபோனை உருவாக்கும்போது, காப்பி பேஸ்ட் செய்யும் அப்ஷன்களை அதில் புகுத்த எங்களுக்கு போதுமான அவகாசமில்லை.
அப்போது, ஐபோன் கீபோர்டு ஆட்டோ கரெக்ஷன் மற்றும் டெக்ஸ்ட் சிஸ்டத்தில், வேலை செய்வதில் மிகவும் கவனமாக இருந்தோம். வடிவமைப்பு செய்யும் குழுவினருக்கு கூட அதை செயல்படுத்த நேரம் இல்லை.
அதனால், தான் கட், காபி, ஃபேஸ்ட், ஆப்ஷன் ஆப்பிளின் முதல் ஐபோனில் இடம்பெறவில்லை. பின்னரே காப்பி, பேஸ்ட் ஆகியவை அறிமுகப்படுத்தப்பட்டன என்று அவர் டுவிட்டரில் தெரிவித்துள்ளார்.
If you like my tweets about early iPhone details, I wrote a book with more of them. Also includes stories about Safari/WebKit, which I also had a hand in making.
— Ken Kocienda (@kocienda) June 20, 2022
“Creative Selection: Inside Apple’s Design Process During the Golden Age of Steve Jobs” https://t.co/4L3RYA6Gby https://t.co/PeBrh18P0d