வருங்கால கணவர் குறித்து சோபிதா துலிபாலா போட்ட முதல் பதிவு... குவியும் லைக்குகள்!

Tamil Cinema Naga Chaitanya Tamil Actress Sobhita Dhulipala

By Vinoja Aug 10, 2024 11:29 AM GMT

Vinoja

Report

தற்போது 32 வயதாகும் நடிகை சோபிதா துலிபாலாவை நாக சைதன்யா ரகசியமாக சில ஆண்டுகளாக காதலித்து வந்த நிலையில் கடந்த ஆகஸ்ட் 8ஆம் திகதி இருவருக்கும் நிச்சயதார்த்தம் இடம்பெற்றுள்ளது.

நிச்சயதார்த்த புகைப்படங்களை நாக சைதன்யாவின் தந்தை நாக அர்ஜூனா தனது சமூக வளைத்தள பக்கத்தில் வெளியிட்டிருந்தார். சினிமா பிரபலங்கள் மற்றும் சோபிதா துலிபாலாவின் ரசிகர்கள் என பலரும் வாழ்த்து தெரிவித்து வருகின்றனர்.

வருங்கால கணவர் குறித்து சோபிதா துலிபாலா போட்ட முதல் பதிவு... குவியும் லைக்குகள்! | First Instagram Post Of Sobitha After Engagement

சோபிதா துலிபாலா

இவரின் பெயரை கேட்டதுமே தமிழ் சினிமா ரசிகர்களுக்கு மணிரத்னம் இயக்கத்தில் வெளியான பொன்னியின் செல்வன் படத்தில் வானதி கதாப்பாத்திரம் தான் நினைவிற்கு வரும்.

சினிமா துறையிலி வளர்ந்து வரும் பிரபல நடிகைகளில் நடிகை சோபிதா துலிபாலாவும் ஒருவர். மிஸ் இந்தியா ஃபெமினா அழகுப் போட்டியில் 2013ம் ஆண்டு கலந்துக் கொண்டு அழகிப் பட்டம் வாங்கிய ஆந்திராவை சேர்ந்த சோபிதா துலிபாலாவுக்கு முதல் படமே இந்தியில் நடிக்க வாய்ப்பு கிடைத்தது.

2016ம் ஆண்டு பாலிவுட்டில் வெளியான ராமன் ராகவ் 2.0 படத்தில் கதாநாயகியாக சோபிதா அறிமுகமானார். அந்த படத்திற்கு பின்னர் செஃப், காலகாண்டி உள்ளிட்ட இந்தி படங்களில் நடித்த சோபிதாவுக்கு தெலுங்கில் 2018ஆம் ஆண்டு ஆத்வி சேஷ் நடித்த கோடாச்சாரி படத்தின் மூலம் வாய்ப்பு அமைந்தது.

அதனை தொடர்ந்து மலையாளத்தில் துல்கர் சல்மானுக்கு ஜோடியாக இவர் நடித்த “ குருப்” திரைப்படம் மாபெறும் வெற்றிப்பெற்றது.

‘பொன்னியின் செல்வன்’ திரைப்படத்தில் அருள்மொழி வர்மனாக ஜெயம் ரவியின் மனைவி, வானதி கதாபாத்திரத்தின் மூலம் தமிழிலும் தனக்கென ஒரு ரசிகர் பட்டாளத்தையே உருவாக்கிக்கொண்டார்.

மமந்தாவின் விவாகரத்துக்கு பின்னர் நடிகை சோபிதா துலிபாலாவும் சமந்தாவின் முன்னாள் கணவர் நாக சைதன்யாவும் காதலித்து வருவதாக அவ்வப்போது இணையத்தில் வைரலாகி வந்தது. ஆனால் இது குறித்து இருவருமே எந்த கருத்தையும் தெரிக்கவில்லை.

இந்நிலையில், சோபிதா துலிபாலா, நாக சைதன்யா இருவரும் ஐதராபாத்தில் உள்ள நாகர்ஜுனா இல்லத்தில் நிச்சயதார்த்தம் செய்துக்கொண்டு அனைவரையும் வியப்பில் ஆழ்த்தினர்.

நிச்சயதார்த்தின் பின்னர் தனது வருங்கால கணவர் நாக சைதன்யாவுடனான தனது நிச்சயதார்த்த புகைப்படங்களை, யாயும் ஞாயும் யார் ஆகியரோ? எந்தையும் நுந்தையும் எம்முறைக் கேளிர்? யானும் நீயும் எவ்வழி அறிதும்? செம்புலப் பெயல் நீர் போல அன்புடை நெஞ்சம் தாம் கலந்தனவே என்ற குறுந்தொகை வரிகள் கொண்ட கேப்ஷனுடன் சோபிதா துலிபாலா வெளியிட்டிருக்கின்றார். குறித்த பதிவு தற்போது அணையத்தை ஆக்கிரமித்து வருகின்றது.