கார் விபத்தில் சிக்கி சிகிச்சை பலனின்றி உயிரிழந்த பிரபல நடிகை! சோகத்தில் திரையுலகினர்கள்

Hollywood Movies

By Rooban Aug 13, 2022 08:49 AM GMT

Rooban

Report

பிரபல ஹாலிவுட் நடிகை அன்னே ஹெட்ச்(55) சிகிச்சை பெற்று வந்த நிலையில் உயிரிழந்த சம்பவம் திரையுலகினர்களிடையே பெரும் சோகத்தை ஏற்படுத்தியிருக்கிறது.

அமெரிக்கா நாட்டை சேர்ந்த பிரபல ஹாலிவுட் நடிகையான அன்னே ஹெட்ச் (Anne Heche) என்பவர் கடந்த ஆகஸ்ட் 5-ஆம் தேதி தனது மினி கூப்பர் காரில் சென்று கொண்டிருந்தபோது, லாஸ் ஏஞ்சல்ஸில் கட்டிடம் ஒன்றின் மீது மோதி விபத்தில் சிக்கினார்.

இதனையடுத்து, இந்த தகவலறிந்த தீயணைப்புதுறையினர் ஒரு மணி நேரம் போராடி தீயை அணைத்து, உயிருக்கு ஆபத்தான நிலையில் அவரை மீட்டு மருத்துவமனையில் அனுமதித்தனர்.

தொடர்ந்து, அங்கு மருத்துவர்கள் அவருக்கு முதுகு பகுதியில் அதிகளவு தீக் காயங்கள் ஏற்பட்டுள்ளதாகவும், மூளையிலும் தீவிர காயம் ஏற்பட்டிருப்பதாகவும் உயிர் பிழைப்பது கடினம் என்று தெரிவித்துள்ளனர்.

மேலும், இந்த விபத்திற்கு முக்கிய காரணம் அவர் அதிவேகத்தில் வந்தது எனவும், மது அருந்துவிட்டு கார் ஓட்டி விபத்து ஏற்படுத்தியிருக்கலாம் என்றும் காவல்துறையினர் கூறுகின்றனர்.

கார் விபத்தில் சிக்கி சிகிச்சை பலனின்றி உயிரிழந்த பிரபல நடிகை! சோகத்தில் திரையுலகினர்கள் | Famous Actress Anne Heche Death By Car Accident

nationalworld

இந்நிலையில், கடந்த ஒரு வாரமாக சிகிச்சை பெற்று வந்த அன்னே ஹெட்ச் சிகிச்சை பலனின்றி பரிதாபமாக உயிரிழந்துள்ளார்.

இது குறித்து அவரது பெண் செய்திதொடர்பாளர் ஹாலி பெயர்ட் செய்தியாளர்களிடம் பேசுகையில், “அன்னேவின் அனைத்து மூளை இயக்கமும் நின்றுவிட்டதாகவும், கலிபோர்னியா சட்டப்படி அவரது இதயம் துடித்துக் கொண்டிருப்பதால் குடும்பத்தினர் உடலுறுப்பு தானமளிக்க தயாராகி வருகின்றனர்” என்று தெரிவித்தார்.

இந்த தகவலானது ரசிகர்களிடையே பெரும் கவலையை ஏற்படுத்தியுள்ளது. பல திரைப்பிரபலங்களும் இரங்கல்களை தெரிவித்து வருகின்றனர்.