தினமும் எள் சாப்பிட்டால் என்னவெல்லாம் நடக்கும் தெரியுமா?

உணவிலும், மருத்துவத்திலும் அதிகம் பயன்படுத்தப்படும் மருத்துவ மூலிகையே ”எள்”.

எள் எங்கும் பயிராகக்கூடிய செடியாகும், 2 முதல் 3 அடி உயரம் வளரக்கூடிய எள் செடி, ஜாவா போன்ற கடல் சார்ந்த தீவுகளில் உள்ள காடுகளில் இயற்கையாகவே விளையும் தாவரமாகும்.   

இதற்குத் ‘திலம்’ என்ற பெயரும் உண்டு. இதில் இருந்து தான் எண்ணெய்க்கு ‘தைலம்’ என்று பெயர் வந்தது.

எள் லேசான கசப்பு துவர்ப்புடன் சுவை கொண்டது, ஜீரணமாகும்போது இனிப்பாக மாறும் தன்மை கொண்டது. 

எள்ளின் இலை, பூ, காய், விதை அனைத்தும் மருத்துவ குணம் கொண்டுள்ளது. எள்ளில் பல வகை இருந்தாலும் கருப்பு மற்றும் வெள்ளை எள்கள் இரண்டும் பயன்பாட்டில் அதிகமாய் இருக்கிறது. 

இதை சரியான முறையில் எடுத்துக் கொண்டால் உடலின் எடை கணிசமாக உயரும். இதனால்தான் நம் முன்னோர்கள் ‘இளைத்தவனுக்கு எள்ளு , கொழுத்தவனுக்கு கொள்ளு’ என சொல்லி வந்தார்கள்.

இதில் ஆன்டி ஆக்சிடன்ட்ஸ், ஒமேகா 3 கொழுப்பு அமிலங்கள், கால்சியம், பாஸ்பரஸ், மக்னீசியம், பொட்டாசியம், இரும்பு சத்து மற்றும் வைட்டமின் ஏ, பி போன்றவை உள்ளன. 

குளவி கொட்டி விட்டால் மறந்தும்கூட இந்த தவறை செய்யாதீங்க! ஆபத்தானது 

பலன் தரும் நல்லெண்ணெய்

இதிலிருந்து பெறப்படும் நல்லெண்ணெய்யில் நம் உடலுக்கு தேவையான பலன்கள் அதிகம் அடங்கியுள்ளன.

நல்லெண்ணெயில் நாம் அடிக்கடி சேர்த்து வந்தால், புத்தி தெளிவு, கண் குளிர்ச்சி, உடல் பூரிப்பு, உடற்வன்மை தரும்.

உடல் வெப்பத்தால் ஏற்படும் கண் நோய், காது சம்மந்தமான பிரச்சனை, தலைவலி தீரும்.

நல்லெண்ணெய் தேய்த்து வாரம் இரண்டு முறை குளித்து வந்தால், உடல் வெப்பமும் அது தொடர்பான நோய்களும் நீங்குவதால், கண் குளிர்ச்சி அடையும், இரத்த ஓட்டம் சீராகும்.

எள்ளின் மற்ற பயன்கள்

ஒரு கப் பாலில் உள்ள கால்சியச்சத்து ஒரு கையளவு எள்ளில் உள்ளது. பால் சாப்பிட முடியாதவர்கள் எள்ளு மிட்டாய் சாப்பிட்டாலே தேவையான கால்சியம் உடலுக்கு கிடைத்து விடும்.

எள் நம் உடலின் இரும்புச்சத்தை அதிகரித்துவிடும், இதனால் முடி தொடர்பான பிரச்சனைகள் சரியாகும்.

சுவாச மண்டல ஆரோக்கியத்தை பராமரிப்பதுடன் கொழுப்பின் அளவை குறைக்கிறது, இதனால் ரத்த குழாய்களின் ஆரோக்கியம் மேம்படும்.

எள்ளில் நிறைந்துள்ள சீசமின் என்ற மூலக்கூறு புற்றுநோய் வராமல் தடுக்கிறது, மற்ற தாதுக்களை காட்டிலும் இந்த வேதி பொருள், எதிர்ப்பு சக்தியை துாண்டி, நேரடியாக புற்றுநோய் செல்களை தடை செய்கிறது. பெண்கள் தினமும் எள் சாப்பிடுவதால், மார்பக புற்றுநோய் வராமல் தடுக்கலாம்.

இழந்த ஆண்மையை மீண்டும் அதிகரிக்க செய்யும் இந்த ஒரு அதிசய பழம்! 

எப்படியெல்லாம் சாப்பிடலாம்?

* எள் ஊறவைத்த தண்ணீரை பெண்கள் குடித்து வந்தால்(தினமும் கால் டம்ளர்) மாதவிடாய் சம்பந்தமான அனைத்துப் பிரச்சனைக்கும் நல்ல பலன் கிடைக்கும்.

* எள் விழுதை, 1 சுண்டைக்காய் அளவு வெண்ணெயில் கலந்து சாப்பிட்டு வந்தால், குருதி மூலம் குணமாகும், மலம் சிக்கல் இல்லாமல் வெளியேறும்.

* எள்ளை அரைத்து கொதிக்க வைத்து, உடலில் ஏற்படும் கட்டிகளில் கட்டி வந்தால், கட்டி பழுத்து உடையும்.

* எள்ளின் கஷாயத்தால் இடுப்பு அடி வயிறுகளில் ஒத்தடம் கொடுக்க, அடிவயிற்று வலி, இடுப்பு வலி போன்றவை நீங்கும்.

* எள் கலந்த உணவை சாப்பிட்டால் பிரசுவித்த தாய்மார்களுக்கு தாய்ப்பால் சுரப்பு அதிகரிக்கும். 

* எள்ளை அதிகமாக உணவில் சேர்த்து கொண்டால் சிறுநீர் வெளியேறுவது அதிகமாகும். நீரிழிவு நோய் உள்ளவர்கள் எள் கலந்த உணவைச் சாப்பிட்டால் உடலின் சர்க்கரை அளவு குறையும். 

* எள்ளின் விதையை வெல்லப்பாகுவில் கலந்து தேங்காய் சேர்த்து சாப்பிடலாம் அல்லது எள்ளு விதையை லேசாக வறுத்து பொடி செய்து நெய்யுடன் சேர்த்து சாப்பிட்டு வர மூலநோயினை குணமாக்கும்.

* எள்ளையும் வெல்லத்தையும் சேர்த்து இடித்து வாயில் சிறிது நேரம் வைத்திருந்து பின்பு துப்பினால் வாய்ப்புண் ஆறும்.

* எள்ளின் இலைகளை எடுத்து நீரில் போட்டு கசக்கினால் வரும் சாரை எடுத்து முகம் கழுவினால் முகம் பொலிவோடும், கண்கள் ஒளி பெறவும்.

* எள்ளுப் பொடி சேர்த்துப் பிசைந்த சாதம் சாப்பிட, வயிற்றில் ஏற்படும் கொதிப்பு, வயிற்றில் உள்ள வலி இவற்றைப் போக்கும். உடலுக்கு பலம் தரக்கூடியது.  

குறிப்பு

எள்ளினை அதிகளவு எடுத்துக்கொண்டால் கருகலையும் வாய்ப்புள்ளது, எனவே பெண்கள் கர்ப்ப காலத்தில் எள் அதிகம் உட்கொள்வதைத் தவிர்க்கவும்.

தேங்காய் டீ பற்றி உங்களுக்கு தெரியுமா? இந்த நன்மைகள் எல்லாம் ஒளிந்துள்ளதாம்..!