elephantiasis symptoms: யானைக்கால் நோய்... தொற்று நோயா? அறிகுறிகள் எப்படியிருக்கும்?

Doctors Disease

By Vinoja Jul 31, 2025 01:03 PM GMT

Vinoja

Report

யானைக்கால் என்பது ஒரு தொற்று நோய். இது கொசுக்களால் பரவும் ஒட்டுண்ணி புழுக்களால் ஏற்படுகிறது. இந்த நோயால் பாதிக்கப்பட்டவர்களுக்கு கால்கள், கைகள், மார்பகங்கள் மற்றும் பிறப்புறுப்புகள் போன்ற பகுதிகளில் வீக்கம் ஏற்படலாம்.

உயிருள்ள உடலினுள் வாழ்ந்துகொண்டு அந்த உடலினுள்ளேயே உணவையும் தேடி சாப்பிட்டுக் கொண்டு வாழும் ஒருவகை புழுக்களின் பெயர் `ஒட்டுண்ணிப்புழுக்கள்.

elephantiasis symptoms: யானைக்கால் நோய்... தொற்று நோயா? அறிகுறிகள் எப்படியிருக்கும்? | Elephantiasis Symptoms In Tamil

யானைக்கால் நோய் இந்த மாதிரி 3 வகை ஒட்டுண்ணிப் புழுக்களால் உண்டாகிறது. இந்த நோய் பாதித்தவரின் ரத்தத்தில் யானைக்கால் நோய் ஒட்டுண்ணிப்புழுக்கள் கலந்திருக்கும்.

பாதிக்கப்பட்டவரை கடிக்கும் கொசு இன்னொரு மனிதரை கடிக்கும் போது நோய் கிருமி பாதித்த ரத்தம் மூலம் அவருக்கு இந்த நோய் பரவுகிறது.

யானைக்கால் நோய் என்றால் என்ன?

யானைக்கால் நோய், அல்லது நிணநீர் ஃபைலேரியாசிஸ், என்பது ஃபைலேரியா புழுக்களால் ஏற்படும் ஒரு அபாயகரமான நோய் நிலையாகும். இது நிணநீர் மண்டலத்தை பாதிக்கிறது மற்றும் கைகால்கள், குறிப்பாக கால்கள் மற்றும் பிறப்புறுப்பு பகுதிகளில் வீக்கம் மற்றும் தோல் தடித்தல் போன்ற அறிகுறிகளை வெளிப்படுத்துகின்றது.

கொசுக்கள் மூலம் பரவும் இந்த நோய், பெரும்பாலும் ஆரம்பத்தில் அறிகுறிகள் இல்லாமல் பரவி, பின்னர் கடுமையான உடல் பாதிப்புகளை ஏற்படுத்தும்.

உங்கள் நிணநீர் மண்டலத்தை பாதிக்கும் சிறிய ஒட்டுண்ணி புழுக்கள் (ஃபைலேரியல் புழுக்கள்) மூலம் உங்களுக்கு யானைக்கால் நோய் வருகிறது. இந்த ஒட்டுண்ணிகள் உங்கள் நிணநீர் நுண்குழாய்களைத் தடுத்து திரவம் குவிவதற்கு அல்லது தேங்குவதற்கு காரணமாகின்றன.

முக்கிய அறிகுறிகள்

யானைக்கால் நோயின் மிக முக்கிய அறிகுறியாக தோலும் அதன் கீழேயுள்ள திசுக்களும் தடிமனாக வீங்கும். இது பொதுவாக கைகால் பகுதிகளில் காணப்படும், ஆனால் புயம், பிறப்புறுப்புகள், மார்பகம் மற்றும் விரை போன்ற பகுதிகளையும் பாதிக்கலாம்.

பாதிக்கப்பட்ட பகுதிகளில் வீக்கம் ஏற்பட்டு, அவை இயல்பான அளவை விட பல மடங்கு பெரியதாகலாம். மேலும், இந்த நோய் நிணநீர் மண்டலத்தின் நாளங்கள் தடைபடுவதால் ஏற்படுகிறது.

வீக்கம்: கைகால்கள், பிறப்புறுப்புகள், மார்பகம் போன்ற பகுதிகள் பெருமளவில் வீங்கி காணப்படும்.

தோல் தடிப்பு: தோலின் கீழ் உள்ள திசுக்கள் தடித்து வீங்கிய நிலையில் காணப்படும்.

காய்ச்சல்: நோய் எதிர்ப்பு மண்டலம் பாதிக்கப்படுவதால், காய்ச்சல் ஏற்படலாம்.

நிணநீர் நாளங்கள் பாதிப்பு: நிணநீர் நாளங்கள் பாதிக்கப்பட்டு, நிணநீர் திரவம் தேங்கி வீக்கத்தை ஏற்படுத்தும். வலி: பாதிக்கப்பட்ட பகுதிகளில் வலி ஏற்படலாம்.

சருமத்தில் மாற்றம்: தோல் தடித்து, கடினமாகிவிடும்.சில சமயம் பார்ப்பதற்கு விகாரமாக தோற்றமளிக்கும்.

பிறப்புறுப்புகளில் பாதிப்பு: பிறப்புறுப்புகளில் வீக்கம் மற்றும் புண்கள் ஏற்படலாம். குறித்த அறிகுறிகள் முக்கிய அறிகுறிகளாக அறியப்படுகின்றது.

இந்த அறிகுறிகள் இருந்தால், உடனடியாக மருத்துவரை அணுகி பரிசோதனை செய்து கொள்வது அவசியம். ஏனெனில், ஆரம்பத்திலேயே கண்டறிந்து சிகிச்சை பெறுவதன் மூலம், யானைக்கால் நோயின் மோசமான விளைவுகளைத் தடுக்க முடியும்.

சிகிச்சை முறைகள்

இந்த நோய்க்கு டைதில்கார்பமாசின் சிட்ரேட் (DEC) பொதுவாக பயன்படுத்தப்படும் மருந்துதாகும்.

இது உடலில் உள்ள புழுக்களை கொல்லாது, ஆனால் மற்றவர்களுக்கு தொற்று பரவுவதை தடுக்கும்.

பாதிக்கப்பட்ட பகுதிகளை சுத்தமாக வைத்துக்கொள்வதன் மூலம் இரண்டாம் நிலை தோல் தொற்றுகளை தடுக்கலாம்.

பாதிக்கப்பட்ட உறுப்பை உயரமாக தூக்கி வைப்பதன் மூலம் வீக்கத்தை குறைக்கலாம். நிணநீர் ஓட்டத்தை மேம்படுத்த, பாதிக்கப்பட்ட உறுப்புகளுக்கு உடற்பயிற்சிகள் செய்யலாம்.

ஆரம்பகால நோயறிதல் மற்றும் சிகிச்சையானது நோயை மேலாண்மை செய்யவும், இயலாமையை தடுக்கவும் துணைப்புரிகின்றது.

எவ்வாறு தடுப்பது?

யானைக்கால் நோயைத் தடுக்க வேண்டும் என்றால், கொசுக்கடியைத் தவிர்க்கவும், சுகாதார பழக்கவழக்கங்களைப் பின்பற்றவும், மருத்துவரின் ஆலோசனையின்படி தடுப்பூசிகளைப் போட்டுக்கொள்ளவும் வேண்டுடியது இன்றியமையாதது.

அதுமட்டுமன்றி நுளம்பு ஒழிப்பு நடவடிக்கைகளில் ஈடுபடுவது, நுளம்பு வலைகளைப் பயன்படுத்துவது போன்றவையும் யானைக்கால் நோயில் இருந்து பாதுகாப்பு கொடுக்கும்.

கொசுக்கள் அதிகம் உள்ள நேரங்களில் வெளியில் செல்வதைத் தவிர்ப்பது மிகவும் முக்கியம்.

குறிப்பாக தூங்கும் போது கொசு வலைகளைப் பயன்படுத்தலாம். ஏனைய நேரங்களில் கொசு விரட்டிகளைப் பயன்படுத்தவும்.

வீட்டுச் சூழலில் கொசுக்கள் உற்பத்தியாகாமல் தடுக்க, தேவையற்ற தண்ணீர் தேங்காமல் பார்த்துக்கொள்ள வேண்டும்.

அத்துடன் கைகளை சோப்பு போட்டு அடிக்கடி கழுவுதல், சுத்தமான குடிநீரைப் பருகுதல். சுத்தமான உணவுப் பொருட்களைப் பயன்படுத்தல் போன்ற சுகாதார பழக்கவழக்கங்களைப் பின்பற்ற வேண்டியது மிகவும் முக்கியம்.

முக்கியமாக உங்களுக்கு யானைக்கால் நோய் அறிகுறிகள் தென்பட்டால், உடனடியாக மருத்துவரை அணுக வேண்டியதும் மருத்துவரின் ஆலோசனையின்படி தடுப்பூசிகளைப் போட்டுக்கொள்ள வேண்டியதும் அவசியமாகிறது. குறிப்பாக, நோய் அதிகம் உள்ள பகுதிகளில் வசிப்பவர்கள் இது குறித்து கூடுதல் கவனம் செலுத்த வேண்டும்.