லங்காசிறி FM
பாரதிராஜாவுடன் கடைசி சந்திப்பு: நெகிழ்ச்சியுடன் நினைவுகூர்ந்த சினேகன் - கன்னிகா - வைரல் காணொளி
இயக்குநர் பாரதிராஜா நேற்று காலமான நிலையில், அவருடன் நடைபெற்ற இறுதி உரையாடலின் நினைவுகளை பாடலாசிரியர் சினேகன் மற்றும் அவரது மனைவி கன்னிகா பகிர்ந்து இரங்கல் தெரிவித்துள்ளனர்.
அவர்கள் வெளியிட்டுள்ள காணொளி தற்போது சமூக வலைதளங்களில் வைரலாகி வருவதுடன், திரையுலகினரையும் ரசிகர்களையும் நெகிழ்ச்சியில் ஆழ்த்தியுள்ளது.
இயக்குநர் இமயம் பாரதிராஜா மறைவு
'இயக்குநர் இமயம்' எனப் போற்றப்பட்ட பாரதிராஜா, தனது 84வது வயதில் நேற்று காலமானார்.அவரது மறைவு தமிழ் திரையுலகிற்கு ஈடுசெய்ய முடியாத இழப்பாகக் கருதப்படுகிறது. கிராமத்து வாழ்க்கையையும், மண்ணின் மணத்தையும் மையமாகக் கொண்டு பல வெற்றிப்படங்களை இயக்கிய அவர், ஏராளமான நடிகர், நடிகைகளுக்கு திரையுலகில் அறிமுக வாய்ப்பை வழங்கியுள்ளார்.
1977ஆம் ஆண்டு வெளியான 16 வயதினிலே திரைப்படத்தின் மூலம் இயக்குநராக அறிமுகமான பாரதிராஜா, தமிழ் சினிமாவில் புதிய மாற்றத்தை உருவாக்கியவர்.
குறிப்பாக, கிராமப்புற வாழ்க்கையை இயல்பாக திரையில் பதிவு செய்து மக்களின் மனதில் தனித்துவமான இடத்தைப் பெற்றார். இயக்குநராக மட்டுமல்லாமல் திறமையான நடிகராகவும் விளங்கிய அவர், கடந்த சில ஆண்டுகளாக உடல்நலக் குறைவால் அவதிப்பட்டு வந்ததாக கூறப்படுகிறது.
மேலும், கடந்த ஆண்டு தனது மகனை இழந்த துயரத்திலிருந்து முழுமையாக மீள முடியாமல் மனவேதனையுடன் இருந்ததாகவும் நெருங்கிய வட்டாரங்கள் தெரிவிக்கின்றன.
இந்நிலையில், நேற்று அவரது இல்லத்தில் சிகிச்சை பெற்று வந்தபோது உயிரிழந்தார்.எனினும், தனது படைப்புகள் மூலம் தமிழ் சினிமாவில் அழியாத தடத்தை பதித்து சென்றுள்ளார்.
கன்னிகா பதிவு
பாரதிராஜாவின் மறைவையொட்டி பாடலாசிரியர் சினேகன் தனது இரங்கல் பதிவில், “என் தகப்பனாரின் மரணத் துயரத்துக்கு இணையான வேதனையில் என் மனம் ஆழ்ந்துள்ளது.
அவரது கரம் பிடித்தும் நடந்திருக்கிறேன்; அவரது காலில் விழுந்து அழுதும் இருக்கிறேன். என் வாழ்க்கைப் பாதையில் அவர் நட்ட நினைவு மரங்கள் இன்று பூத்து நிற்கின்றன. எதைச் சொல்லுவது, எதை விடுவது என்று தெரியவில்லை” என உருக்கமாக குறிப்பிட்டுள்ளார்.
சினேகன்- கன்னிகா தம்பதியினர் பகிர்ந்துள்ள அந்தக் காணொளி தற்போது இணையத்தில் பரவலாக பகிரப்பட்டு வருகிறது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
