லங்காசிறி FM
உலகிலேயே மிகப்பெரிய பவர் பேங்கை உருவாக்கிய நபர்! 5000 ஸ்மார்ட்போனை சார்ஜ் போட முடியுமாம்!
Rooban
பொதுவாக நாம் ஸ்மார்ட்போன்களை வெளியில் எடுத்து செல்லும்போது சார்ஜ் தீர்ந்துவிட்டால், அதை சார்ஜ் ஏற்ற பவர் பேங்கை பயன்படுத்துவோம். ஸ்மார்ட்போன் மட்டுமின்றி லேப்டாப் மற்றும் பல வகையான எலெக்ட்ரிக் பொருட்களுக்கும் சார்ஜ் செய்ய பவர் பேங்க் பயன்படுகிறது.
தற்போது 10000 mAh, 20000 mAh திறன்கொண்ட பவர் பேங்குகளை நாம் பெரும்பாலும் பயன்படுத்தி வருகிறோம். இந்த நிலையில், சீனாவை சேர்ந்த யூடியூபர் மற்றும் வெல்டிங் கைவினை கலைஞரான ஹேண்டி கெங் என்பவர் 27,000,000 mAh திறன் கொண்ட உலகின் மிகப்பெரிய பவர் பேங்கை கண்டுபிடித்துள்ளார்.
இந்த பவர் பேங்க்கைக் கொண்டு 3000 mAh பேட்டரி கொண்ட சுமார் 5 ஆயிரம் ஸ்மார்ட்ஃபோன்களை சார்ஜ் செய்ய முடியும் என்றும் ஹேண்டி கெங் தெரிவித்துள்ளார்.
மேலும், தனது வெல்டிங் திறன்களை பயன்படுத்தி, மின்சார காரை இயக்கும் திறன் கொண்ட பேட்டரி கொண்டு, 5.9x3.9 அடி அளவு கொண்ட பவர் பேங்கை உருவாக்கியுள்ளார் ஹேண்டி கெங் தயாரித்த இதில் மொத்தம் 60 போர்ட்கள் உள்ளன.
இந்த பவர் பேங்க், 220 வோல்ட் எலெக்ட்ரிக் வோல்டேஜ் அவுட்புட் வழங்கும் திறன் கொண்டிருக்கிறது. இந்த பவர் பேங்க் கொண்டு டி.வி., வாஷிங் மெஷின், எலக்ட்ரிக் குக்கர் மற்றும் எலெக்ட்ரிக் ஸ்கூட்டர் உள்ளிட்டவைகளையும் பயன்படுத்திட முடியும்.
இதனை எளிதில் எங்கு வேண்டுமானாலும் கொண்டு செல்ல ஏதுவாக பவர் பேங்கில், சக்கரங்களை பொருத்தி இருக்கிறார் ஹேண்டி கெங். மேலும், தன் சேனலில் தொடர்ந்து ஏதாவது புது முயற்சிகளை செய்துகொண்டிருப்பரான ஹேண்டி கெங், அண்மையில், பியானோ வடிவிலான பார்பிக்குயூ தயார் செய்யும் புதுமையான இயந்திரம் மற்றும் சக்கர நாற்காலி கொண்டு களையெடுக்கும் இயந்திரம் ஆகியவற்றை செய்து பலரின் கவனத்தை ஈர்த்திருந்தார்.
தன் நண்பர்களிடம் பெரிய பவர் பேங்குகள் இருப்பதைப் பார்த்தப் பிறகு, அதைவிட பெரிய பவர் பேங்கை உருவாக்கும் யோசனை வந்துள்ளது என்றும் அவர் கூறியுள்ளார். இந்த பவர் பேங்க் எப்படி உருவாக்கப்பட்டது என்ற வீடியோவையும் அவர் யூ-டியூபில் வெளியிட்டுள்ளார்.
நெடுந்தீவு, யாழ்ப்பாணம், மாத்தளை, மட்டக்களப்பு, கல்முனை, கிளிநொச்சி, கொழும்பு
05 Jan, 2025
பாண்டிருப்பு, காரைதீவு, மட்டக்களப்பு, London, United Kingdom
13 Jan, 2018
புங்குடுதீவு 7ம் வட்டாரம், புங்குடுதீவு 10ம் வட்டாரம், Breda, Netherlands
16 Dec, 2021
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
