3 வயதில் சினிமா... இதுவரையில் யாரும் செய்யாத சாதனை! யாரிந்த நடிகர் தெரியுமா?

திரையுலகில், பலர் குழந்தை நட்சத்திரங்களாக நடித்து, அதன் பிறகு தங்கள் நடிப்பு திறமையை வளர்த்துத் அதை தொடர்ந்துள்ளனர்.

அந்த வரிசையில் ஒரு முக்கியமான பெயர் மாஸ்டர் மகேந்திரன். வெறும் மூன்று வயதிலேயே நடிகராக அறிமுகமாகிய அவர், இன்று திறமையான கதாநாயகனாக திரையுலகில் திகழ்கிறார்.

 சாதனைகள் நிறைந்த சிறுவயது

மாஸ்டர் மகேந்திரன், தனது சிறு வயதிலேயே ஆறு மொழிகளில், 100-க்கும் மேற்பட்ட படங்களில் குழந்தை நட்சத்திரமாக நடித்துள்ளார்.

இது இன்னும் இந்திய சினிமாவில் முறியடிக்கப்படாத அசாதாரண சாதனை ஆகும். அவர் நடிப்புத் திறமையை ஆரம்பத்தில் கண்டெடுத்தது நாட்டாமை (1994) படம்.

பின்னர் தாய்க்குலமே தாய்க்குலமே (1995) மற்றும் கும்பகோணம் கோபாலு (1998) ஆகிய படங்களில் கலக்கியதற்காக இருமுறை தமிழ்நாடு மாநில சிறந்த குழந்தை நடிகர் விருதை பெற்றவர்.

காதல் நீங்க நினைத்தது போல ஜெயிக்கணுமா? அப்போ கழுத்தில் இந்த பொருளை போடுங்க

‘சிம்ஹராசி’யில் மனங்களை ஈர்த்த பாபு

2001-ல் வெளியான தெலுங்குப் படம் சிம்ஹராசியில், மாஸ்டர் பாபு என்ற குழந்தை வேடத்தில் மகேந்திரன் நடித்தார்.

படத்தில் டாக்டர் ராஜசேகர் மற்றும் சாக்ஷி சிவானந்த் நடித்திருந்தாலும், மாஸ்டர் மகேந்திரனின் ஃப்ளாஷ்பேக் பாபு கதாபாத்திரம் அனைவரின் மனதையும் கவர்ந்தது.  

'மாஸ்டர்' படத்தால் ரசிகர்கள் மீண்டும் திரும்பிப் பார்த்தனர்

தற்போது மாஸ்டர் மகேந்திரன் என்றே அறியப்படும் இவர், 2021-ல் விஜய் , விஜய் சேதுபதி நடிப்பில் வெளியான 'மாஸ்டர்' படத்தில், விஜய் சேதுபதியின் இளைய பருவம் கதாபாத்திரத்தில் நடித்து ரசிகர்கள் மற்றும் விமர்சகர்களிடமும் பெரும் பாராட்டுகளைப் பெற்றார். அவரின் நடிப்பு கதையின் ஓட்டத்தில் முக்கிய பங்காக இருந்தது.

தற்போது பிஸியான நடிப்பு காலம்

அமிகோ கேரேஜ் படத்துக்குப் பிறகு, மகேந்திரன் தற்போது முசாசி, ரஜினிகாந்தின் கூலி, பல்ஸ் உள்ளிட்ட பல திரைப்படங்களில் நடித்து வருகிறார்.

புதிய தோற்றத்துடன், வித்தியாசமான கதாபாத்திரங்களில் கலக்க உள்ளார். குழந்தையாக கவர்ந்தவர், இப்போது கருத்து கொண்ட கதாபாத்திரங்களை தேர்ந்தெடுத்து, தனக்கே உரிய பாதையை அமைத்துக்கொண்டு செல்கிறார். 

பாம்பு மரத்திலிருந்து என்ன பண்ணுதுன்னு பாருங்க: வைரலாகும் அரிய காணொளி

ஒரு குழந்தை நட்சத்திரம்  இன்று திரையுலகின் தேர்ந்த நடிகர்

மாஸ்டர் மகேந்திரனின் பயணம், ஒரு பயிற்சி இல்லாத பசுமை முகம் முதல் பல சோதனைகளைக் கடந்து வந்த புரட்சிகர நடிப்பு வீரன் எனும் நிலைக்கு அவரை உயர்த்தியுள்ளது.

இவர் காட்டும் அர்ப்பணிப்பு, வளர்ச்சி, மற்றும் தனித்துவமான தேர்வு போன்றவை அவரது திரையுலகப் பயணம் இன்னும் பல உயரங்களைத் தொட்டுத் திகழும் என்பதில் சந்தேகம் இல்லை.